文章
相簿

→ 觀 塘

樂家蒸籠料理 唔怕生壞命 最怕...

不眠王子 於 2011年06月22日發表   人氣:935


      

       樂 家 蒸 籠 料 理 開 咗 都 有 一 年 ,好 幾 次 經 過 都 唔 敢 幫 襯 ,晚 市 時 段 附 近 食 肆 多 人 到 爆 、等 到 發 呆 ,呢 度 卻 無 人 排 隊 ,終 於 ,我 鼓 起 咗 最 大 嘅 勇 氣 ,行 過 去 、行 過 去 . . .

      店 子 主 打 蒸 籠 料 理 ,無 奈 蒸 籠 水 準 令 人 失 望。而 整 體 價 錢 喺 觀 塘 區 嚟 講 亦 訂 得 比 較 貴 ,感 覺 唔 係 太 抵 食。

      

       叫 蒸 籠 料 理 ,店 內 佈 滿 嘅 裝 飾 唔 係 蒸 籠 ,而 係 波 子 汽 水 樽 ,放 喺 酒 吧 會 好 有 型 ,但 放 喺 度 就 顯 得 格 格 不 入。

      

       蒸 籠 料 理 近 門 口 處 放 咗 幾 個 大 木 盆 ,海 鮮 相 當 多。

      

       閒 日 晚 市 時 段 只 得 6 成 滿 ,侍 應 生 將 客 人 盡 量 安 排 坐 喺 近 門 口 處 ,店 盡 頭 嘅 窗 口 位 反 而 空 無 一 人 ,你 嚟 幫 襯 不 妨 要 求 坐 窗 口 位 ,好 feel 啲 嘛!

       

       樂 家 沙 律 ($47) 有 一 大 湯 碗 ,材 料 豐 富 不 欺 場 ,內 有 魷 魚 、海 蝦 、墨 魚 、 蕃 茄 、生 菜 ,夠 fresh 又 抵 食。

      

       海 膽 稻 庭 蒸 蛋 ($48) 水 準 唔 準 ,海 膽 唔 算 靚 ,但 尚 算 鮮 味 ,蒸 蛋 熱 烘 烘 、夠 滑 溜 ,亦 有 少 少 蛋 香。

                    

       樂 家 其 中 一 樣 招 牌 菜 係 日 式 自 慢 陶 板 燒 烤 ,8 款 選 擇 中 自 稱 最 人 氣 係 蔥 鹽 甘 薯 豚 及 地 頭 雞 肉 燒 ,就 叫 呢 款 吧!

      

       蔥 鹽 甘 薯 豚 及 地 頭 雞 肉 燒 ($60) 賣 相 跟 餐 牌 照 片 相 差 頗 遠 ,不 過 豚 肉 及 雞 肉 望 落 都 幾 新 鮮 嘅!

      

       甘 薯 豚 肉 薄 切 ,肉 鮮 但 味 偏 淡 ,肉 太 薄 無 乜 咬 口。

      

       雞 肉 用 走 地 雞 ,肉 質 滑 溜 ,但 份 量 少 得 交 關 ,唔 抵。

       

       甘 薯 豚 拼 海 虎 蝦 蒸 籠 ($98) 食 完 覺 得 唔 太 值。

      加 $20 可 以 跟 埋 白 飯 、麵 豉 湯 及 波 子 汽 水 ,幾 抵 喎!

      

       麵 豉 湯 睇 樣 唔 錯 ,飲 落 就 滾 . . . 應 該 話 係 暖 水 一 碗。

      

       甘 薯 豚 蒸 熟 味 淡 淡 兼 怪 怪 哋 ,海 虎 蝦 有 唔 少 肉 ,但 肉 質 偏 霉 ,完 全 唔 彈 牙。但 最 失 敗 係 放 咗 大 量 椰 菜 喺 底 ,蒸 嘅 時 候 椰 菜 嘅 水 份 會 大 量 落 番 去 豚 肉 及 虎 蝦 上 ,食 豚 肉 或 蝦 肉 時 味 道 自 然 會 怪 怪 哋 ,唔 知 店 方 有 無 諗 過 呢 點。喺 其 他 日 本 料 理 食 同 類 蒸 籠 菜 ,一 般 只 會 清 蒸 或 放 上 一 塊 荷 葉 ,盡 量 保 持 食 材 嘅 原 味。 

       

       附 上 嘅 醬 汁 有 啲 似 泡 菜 汁 ,辣 辣 哋 但 唔 夠 濃 稠。

                       

                        波 子 汽 水 ($15) 反 而 幾 抵 飲 ,可 能 大 手 入 貨 吧!口 味 亦 有 相 當 多 種 ,試 咗 泡 菜 味 波 子 汽 水 (左) 及 水 蜜 桃 味 波 子 汽 水 (右),前 者 味 道 太 怪 ,飲 一 啖 即 時 俾 番 王 妃 ,我 點 嘅 水 蜜 桃 味 道 就 正 常 好 多。

      埋 單 $300 鬆 啲 . . . . 應 該 無 下 次 了。

      

       電 話 : 3148 9088             平 均 消 費 : $100 - $150 / 位

       地 址 : 九 龍 觀 塘 道 418 號 apm 商 場 3 樓 13 號 舖 

                 一 按 地 址 直 達 Google 地 圖

       

 


上一篇: 鮨割烹千歲 租貴質素低 難以長維繫 - 已結業

下一篇: 金沢日式料理屋 創意處處 港式日本茶餐廳


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,701,920
所有文章: 2,060
本日訪客人數: 1,502
累計訪客人數: 9,558,151