文章
相簿

→ 銅 鑼 灣

鮨割烹千歲 租貴質素低 難以長維繫 - 已結業

不眠王子 於 2011年06月24日發表   人氣:723


      

       機 仔 影 得 咁 靚 ,唔 代 表 食 物 有 同 樣 嘅 質 素!上 星 期 決 定 咗 做 乜 嘢 主 題 時 ,已 預 咗 呢 篇 blog 放 喺 星 期 四 ,點 知 麻 油 . . . 喺 今 期 飲 食 男 女 又 係 講 呢 間 日 本 料 理 ,今 次 唔 同 佢 唱 反 調 ,因 為 對 呢 間 鮨 割 烹 千 歲 真 係 有 啲 失 望 . . . 

       

       女 友 因 為 "女 士 午 餐" 呢 4 個 字 ,加 上 有 張 星 期 日 午 市 半 價 優 惠 券 ,於 是 星 期 日 一 早 (對 我 嚟 講) 拉 咗 我 去 食 lunch ,其 實 千 歲 做 呢 個 半 價 ,都 做 咗 半 年 有 多 ,證 明 對 一 班 唔 介 意 食 物 質 素 嘅 食 客 嚟 講 係 有 一 定 吸 引 力。而 以 "女 士 午 餐" 為 名 嘅 便 當 亦 明 顯 想 吸 納 一 班 女 食 客。但 個 人 覺 得 Ladies Bentou Set 喺 外 觀 上 唔 夠 lady ,食 材 擺 放 欠 特 色 ,顏 色 配 搭 亦 心 思 欠 奉 ,屬 捉 到 鹿 都 唔 識 脫 角 之 物。

       

       幾 十 尺 長 嘅 壽 司 吧 枱 只 得 兩 個 冷 藏 櫃 ,一 個 喺 中 間 一 個 喺 尾 ,多 客 人 時 師 傅 要 走 嚟 走 去 都 幾 唔 得 閒 ,而 櫃 內 亦 唔 見 有 乜 嘢 特 別 嘅 上 等 魚 生 ,貨 色 比 較 大 路。

       

       店 內 亦 有 日 籍 廚 師 ,感 覺 都 幾 投 入 、幾 認 真。

      

       女 士 午 餐 ($115) 半 價 加 埋 一 都 係 $70 有 找 ,喺 日 本 料 理 嘅 午 餐 嚟 講 ,實 在 抵 到 無 話 可 說。便 當 set 包 括 沙 律 、前 菜 、清 湯 、日 式 蒸 蛋 、一 個 3 層 高 嘅 便 當 盒 及 果 碟。豐 富 到 不 得 了 ,真 係 女 士 都 未 必 食 得 晒 呢 個 午 餐。

      

       清 湯 . . . . 無 乜 嘢 好 講 ,咪 清 湯 一 碗 囉!

      

       沙 律 偏 乾 身 、唔 夠 fresh。

      

       日 式 蒸 蛋 夠 熱 夠 滑 溜 ,亦 有 蛋 香。

      

       3 層 高 嘅 便 當 盒 頭 一 層 係 3 色 刺 身 ,得 帶 子 比 較 鮮 甜 ,其 餘 兩 款 唔 係 唔 新 鮮 ,而 係 無 乜 魚 味 ,雪 味 就 有 少 少。

      

       便 當 盒 第 2 層 有 6 件 手 毬 壽 司 (亦 有 人 叫 波 子 壽 司) 

      

       6 球 壽 司 分 兩 行 平 放 ,吸 引 力 低 到 極 ,似 特 價 便 當。

      

       新 鮮 程 度 呢?只 可 以 話 一 般 啦!件 吞 拿 魚 有 筋 嘅!

      

       便 當 盒 第 3 層 係 熟 食 ,有 燒 魚 、冬 菇 等 ,我 無 試 到。 

       

       特 上 壽 司 定 食 ($165) 半 價 咗 連 加 一 $100 有 找 ,真 係 抵 到 有 今 生 無 來 世 ,不 過 抵 食 唔 等 於 好 食 . . . 定 食 包 括 7 款 是 日 時 令 壽 司 、2 款 小 卷 ,仲 有 沙 律 、日 式 蒸 蛋 及 蕎 麥 麵。

      

       沙 律 都 係 偏 乾 ,水 份 流 失 晒。 

      

       蕎 麥 麵 據 講 嚟 自 長 野 縣 ,麵 質 頗 煙 韌 ,但 無 乜 味。

      

       當 日 時 令 壽 司 有 吞 拿 魚 、吞 拿 魚 腩 、左 口、油 甘 、帶 子 、北 海 道 海 膽 及 蔥 吞 拿 魚 腩 蓉 軍 艦 壽 司。

      

       吞 拿 魚 壽 司 咁 嘅 質 素 ,唯 有 用 平 嘢 無 好 嚟 安 慰 自 己。

      

       北 海 道 海 膽 軍 艦 及 蔥 吞 拿 魚 腩 蓉 軍 艦 壽 司 最 新 鮮。

      

       北 海 道 海 膽 軍 艦 壽 司 嘅 紫 菜 夠 脆 , 海 膽 份 量 不 少 兼 鮮 味 十 足 ,唯 一 挑 剔 嘅 係 包 得 無 蔥 吞 拿 魚 腩 蓉 軍 艦 靚。

      

       三 文 魚 及 吞 拿 魚 小 卷 賣 相 一 般 ,但 味 道 唔 錯。

     


       最 後 嘅 果 碟 相 當 出 色 ,樣 樣 都 咁 新 鮮。

      呢 餐 只 可 以 話 好 抵 食 ,但 如 果 收 正 價 ,我 一 定 唔 嚟!

      

  電 話 : 2893 2928            平 均 消 費 : $80- $150 / 位 - Lunch 

 


上一篇: 和歌山 點只拉麵 咁簡單

下一篇: 樂家蒸籠料理 唔怕生壞命 最怕...


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,561,368
所有文章: 2,060
本日訪客人數: 1,459
累計訪客人數: 10,312,435