文章
相簿

→ 中 環

和歌山 點只拉麵 咁簡單

不眠王子 於 2011年06月27日發表   人氣:771


      

       王 子 超 討 厭 食 味 X 拉 麵 ,所 以 同 集 團 嘅 和 歌 山 開 咗 年 半 都 一 直 無 去 幫 襯 ,但 想 起 千 両 、元 氣 亦 係 同 出 一 脈 ,自 己 都 有 去 食 千 両 ,咁 點 解 唔 試 和 歌 山 先?

      

       和 歌 山 格 局 走 高 檔 路 線 ,但 枱 與 枱 之 間 有 少 少 擠 迫 ,坐 靠 窗 位 置 還 可 以 ,中 間 位 就 有 少 少 辛 苦。店 子 主 打 拉 麵 ,湯 底 有 啲 唔 同 坊 間 嘅 拉 麵 店 ,除 咗 加 豬 骨 外 ,仲 落 咗 鰹 魚 、鮮 雞 、金 華 火 腿 等 多 種 配 料 去 淆 湯。但 我 最 欣 賞 嘅 反 而 唔 係 拉 麵 . . .

      

       櫻 花 蝦 拉 麵 ($115) 唔 應 該 叫 佢 做 一 碗 ,應 該 叫 一 盆 ,你 睇 個 盆 幾 大 . . . 成 塊 面 浸 落 去 都 仲 得。

      

       櫻 花 蝦 拉 麵 內 有 大 量 櫻 花 蝦 、溫 泉 蛋 、叉 燒 、紫 菜 、味 付 筍 及 日 本 水 菜 等 配 料。

      

       拉 麵 都 幾 爽 身 ,而 且 煙 韌 勁 彈 牙 ,正 過 味 X 幾 條 街。

      

       湯 底 夠 鹹 香 ,正 到 我 飲 咗 大 半 碗 ,櫻 花 蝦 香 脆 好 咬 口 ,溫 泉 蛋 亦 溏 心 到 極 ,撈 落 拉 麵 度 食 堅 正。

      

       吉 列 熊 本 蠔 ($55) 係 匯 豐 銀 行 請 我 食 嘅!只 要 食 滿 $400 ,用 佢 嘅 credit card 埋 單 就 會 請 你 食 一 碟。雖 然 係 送 ,但 一 樣 炸 到 金 黃 香 脆 ,加 啲 新 鮮 沙 律 菜 伴 碟 ,絕 不 馬 虎 架!

      

       創 作 卷 物 盛 合 ($168) 都 幾 貴 ,純 係 膽 駁 膽 order ,由 師 傅 自 由 發 揮 ,同 點 omakase 無 分 別 ,但 上 到 枱 超 有 驚 喜。

      

       卷 物 6 件 ,每 件 放 上 不 同 時 令 魚 生,伴 以 牡 丹 蝦 頭。

      

       當 日 魚 生 有 三 文 魚 腩 、鱈 場 蟹 腳 、牡 丹 蝦 、池 魚 等 ,極 之 新 鮮 ,而 壽 司 飯 亦 揑 得 鬆 緊 有 至 ,好 食!

       

       海 之 幸 盛 合 魚 生 飯 ($298) 價 錢 拍 得 住 高 級 日 本 料 理 ,$238 會 較 合 理 吧?但 一 見 到 個 賣 相 ,又 覺 得 物 有 所 值 喎!

      

       整 個 魚 生 飯 有 接 近 10 款 新 鮮 度 滿 分 嘅 魚 生 ,包 括 三 文 魚 腩 、吞 拿 魚 腩 、吞 拿 魚 赤 身 、牡 丹 蝦 、鱈 場 蟹 箝 、池 魚 、鱆 紅 魚 、帶 子 等 ,再 配 埋 玉 子 、獅 子 狗 、三 文 魚 籽 等 組 合 而 成。

      

       魚 生 厚 切 大 大 片 ,團 團 轉 圍 住 喺 飯 外 ,吸 引 到 極。

      

       大 部 份 魚 生 仲 有 兩 片 添!我 同 王 妃 唔 駛 爭 食 啦!

       

       牡 丹 蝦 大 隻 勁 鮮 甜 ,入 口 彈 牙 又 juicy!

                   

       巨 峰 提 子 梳 打 ($40) 跟 出 面 飲 開 嘅 有 少 少 唔 同 ,因 為 加 咗 少 量 酒 精 ,味 道 調 得 唔 錯。

      呢 餐 食 得 興 奮 過 龍 食 突 咗 ,埋 單 接 近 $700!

      

       電 話 : 2295 1221            平 均 消 費 : $200 - $300 / 位

      地 址 : 中 環 國 際 金 融 中 心 商 場 3 樓 3020 號

                     一 按 地 址 直 達 Google 地 圖

      

 


上一篇: 麥當勞 Mini 麥麥掛 大集盒

下一篇: 鮨割烹千歲 租貴質素低 難以長維繫 - 已結業


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,698,292
所有文章: 2,060
本日訪客人數: 587
累計訪客人數: 9,554,571