文章
相簿

→ 中 環

St Betty 歐陸風情 Fine Dining

不眠王子 於 2011年07月04日發表   人氣:786


       雖 然 近 期 有 唔 少 餐 廳 邀 請 出 席 試 菜 飯 局 ,但 值 得 推 介 嘅 真 係 唔 多 ,令 我 出 到 王 子 印 章 嘅 更 係 寥 寥 可 數。走 歐 陸 菜 路 線 嘅 Bettys Kitschen 係 我 近 期 食 得 最 滿 意 兼 最 開 心 嘅 其 中 一 個 飯 局。1 個 好 朋 友 、2 位 靚 女 公 關 、3 位 飲 食 雜 誌 嘅 傳 媒 朋 友 ,食 足 4 個 小 時 嘅 精 彩 飯 局 ,除 咗 有 佳 餚 ,聽 到 嘅 盡 係 大 開 "耳" 界 嘅 飲 食 經 驗。而 且 食 完 之 後 喺 上 個 星 期 先 後 喺 Facebook 介 紹 咗 2 pair 朋 友 去 幫 襯 ,試 後 報 告 都 頗 一 致 :「係 貴 ,但 真 係 好 好 食。」

    Bettys 總 廚 Jerome 嚟 自 法 國 嘅 北 巴 斯 克 ,所 以 唔 少 食 材 均 由 法 國 直 送 ,Menu 中 更 有 香 港 少 見 嘅 法 國 古 法 菜 ,因 為 巴 斯 克 貼 近 西 班 牙 ,所 以 餐 牌 中 亦 不 乏 西 班 牙 菜
式。


      餐 廳 雖 然 走 Fine Dining 路 線 ,但 感 覺 又 唔 係 咁 高 不 可 攀 ,菜 式 訂 價 係 貴 ,但 service 一 流 ,侍 應 生 笑 容 夠 自 然 ,唔 似 某 啲 高 級 餐 廳 咁 穿 搭 得 唔 夠 grand 會 有 人 送 上 白 眼。


  餐 廳 門 口 有 2 排 鮮 豔 奪 目 嘅 水 果 陣 ,唔 通 兼 賣 水 果?


       多 款 水 果 唔 好 以 為 係 擺 設 ,只 作 裝 飾 之 用。其 實 廚 師 及 調 酒 師 真 係 會 用 嚟 製 作 沙 律 、主 菜 或 新 鮮 果 汁。 


   餐 廳 近 門 口 處 將 酒 吧 同 水 吧 分 開 兩 邊 ,極 具 氣 派。


    一 間 餐 廳 同 時 擁 有 兩 種 格 局 ,近 門 口 那 邊 走 fine dining 路 線 ,牆 身 、燈 光 到 枱 椅 都 有 高 級 西 餐 廳 嘅 感 覺。


    而 盡 頭 那 邊 則 以 天 然 木 色 作 主 調 ,充 滿 田 園 氣 息。


       餐 廳 盡 頭 處 嘅 兩 邊 牆 身 還 種 咗 幾 百 盤 新 鮮 嘅 羅 勒 ,每 層 木 架 有 10 盆 ,形 成 綠 油 油 一 片 ,呢 晚 我 坐 得 極 近 ,香 草 嘅 清 新 氣 味 不 斷 飄 至 ,成 個 人 都 變 得 輕 鬆 晒。


   餐 廳 嘅 景 觀 亦 相 當 唔 錯 ,維 港 景 緻 ,盡 收 眼 底。


   夜 晚 當 然 更 添 浪 漫 ,煙 花 之 夜 又 多 一 個 好 去 處 了。


         Princess Tam Tam ($68) 係 不 含 酒 精 飲 品 ,成 份 有 甘 筍 、橙 汁 、薑 等 ,味 道 清 新 又 健 康。


       Guava Collins ($68) 係 一 杯 相 當 特 別 嘅 泰 式 飲 品 ,由 番 石 榴 汁 、泰 國 檸 檬 葉 、椰 汁 組 合 而 成。Meling 飲 完 話 味 道 有 少 少 似 冬 蔭 公 嘅 感 覺 ,於 是 我 又 叫 咗 一 杯 試 吓 ,咦?係 喎!有 椰 香 、又 有 青 檸 香 ,口 味 清 新 之 餘 又 有 一 種 似 曾 相 識 嘅 感 覺 ,過 癮! 


       蕃 茄 沙 律 配 芝 士 ($158) 五 彩 繽 紛 嘅 鮮 蕃 茄 由 法 國 直 送 ,新 鮮 又 多 汁。至 於 芝 士 ,自 己 經 常 喺 外 面 食 到 嘅 多 數 都 係 意 大 利 嘅 Mozzarella ,但 Burrata 水 牛 芝 士 只 食 過 幾 次 ,Burrata 芝 士 其 實 都 係 Mozzarella ,不 過 內 裡 就 加 咗 忌 廉 元 素 ,質 感 有 啲 似 食 溏 心 蛋 ,新 鮮 滑 溜 得 嚟 又 有 少 少 回 彈 力 ,比 一 般 Mozzarella 更 有 層 次 感。


       西 瓜 沙 律 ($88) 西 瓜 呢?原 來 長 長 嘅 一 條 係 西 瓜 ,由 於 經 過 脫 水 處 理 ,西 瓜 嘅 天 然 甜 香 更 濃 密 ,Juicy 到 爆 瀉 ,水 果 之 中 我 最 愛 嘅 係 西 瓜 ,呢 道 頭 盤 當 然 係 I Loving It 啦!


       巴 斯 克 火 腿 ($98) Kintoa Ham 於 海 拔 1600 米 嘅 山 區 風 乾 達 36 個 月,剛 喺 法 國 獲 得 Concours Général Agricole Paris 2011 金 獎 ,一 食 即 時 上 癮。


       巴 斯 克 火 腿 比 喺 出 面 一 般 食 到 嘅 西 班 牙 Iberico ham 黑 毛 豬 火 腿 或 Parma ham 肉 味 更 鮮 濃 ,更 有 咸 香 之 餘 味 帶 香 甜 ,就 咁 食 已 經 好 正 ,連 蜜 瓜 都 慳 番。

      


  巴 斯 克 火 腿 配 意 大 利 蕃 茄 脆 多 士 令 口 感 有 更 多 層 次。

      


   青 豆‧龍 蝦‧煙 肉 湯 ($148) 係 咁 嘅 樣?未 加 湯 嘛!


   熱 氣 騰 騰 嘅 青 豆 湯 由 侍 應 為 各 人 逐 一 奉 上。

      


  青 豆 湯 相 當 濃 稠 ,呷 一 啖 ,唇 上 已 佈 滿 濃 濃 青 豆 香。

      


   龍 蝦 肉 勁 彈 牙 得 嚟 又 不 失 鮮 味 ,生 熟 程 度 剛 剛 好。


       檸 檬 牛 油 烤 龍 脷 ($468) 絕 對 有 驚 喜 ,龍 脷 原 條 上 ,伴 以 青 豆 、西 蘭 花 及 薯 蓉 ,其 中 薯 蓉 係 用 薯 仔 鮮 打 嘅 ,唔 似 得 出 面 咁 溝 大 量 薯 粉 ,所 以 好 食 到 不 得 了。

      


       龍 脷 食 過 無 數 次 ,99% 只 有 雪 藏 味 而 魚 味 欠 奉 ,近 年 食 到 有 魚 鮮 味 嘅 龍 脷 今 次 係 第 一 次。

      


  龍 脷 肉 質 結 實 唔 散 亂 ,烤 到 香 噴 噴 ,食 得 最 多 係 我。

      


   羊 肚 菌‧蠶 豆‧蝴 蝶 粉 ($218) 滑 溜 之 餘 仲 好 重 牛 油 香

      


        釀 魷 魚 配 西 班 牙 香 腸 黑 米 飯 ($188) 賣 相 靚 到 極 ,亦 比 想 像 中 更 好 食。

      


  魷 魚 筒 鮮 味 彈 牙 ,香 腸 夠 惹 味 ,黑 米 飯 軟 糯 好 咬 口。

      


        魷 魚 筒 內 釀 滿 法 國 巴 斯 克 區 嘅 Espelette 紅 椒 及 Gerinka 青 椒 ,外 彈 牙 、內 香 甜 ,超 好 味!

      


  慢 烤 羊 肩 配 燴 意 大 利 飯 ($798) 貴 得 緊 要 ,原 因 不 明。


       羊 肩 話 明 慢 烤 ,肉 質 自 然 極 之 軟 腍 ,雖 然 肉 味 香 濃 但 少 咗 一 份 羊 羶 味 ,怕 羶 嘅 朋 友 一 定 鍾 意 食。


  意 大 利 飯 跟 平 時 出 面 食 開 嘅 好 唔 同 ,煮 法 係 一 樣。

      


  但 所 用 嘅 米 質 感 9 成 似 飽 滿 嘅 薏 米 ,都 好 好 味 嘅!

                     

 

       黑 森 林 蛋 糕 ($98) 平 日 只 會 於 午 市 供 應 ,大 大 件 賣 相 突 破 傳 統 ,酒 香 偏 濃 ,蛋 糕 就 水 準 極 高。

      


       焦 糖 燉 蛋 ($98) 一 大 碟 上 枱 ,驟 眼 睇 似 唔 似 蒸 水 蛋 呢?面 層 焦 糖 燒 得 夠 香 脆 ,燉 蛋 質 感 亦 算 軟 滑。


        喺 Facebook 講 過 兩 位 PR 相 當 靚 女 ,雖 然 影 咗 幾 張 正 面 相 ,但 未 得 當 事 人 同 意 下 ,唯 有 放 張 側 面 照 吧!兼 俾 你 look look 燉 蛋 有 幾 大 碟。

      


       巧 克 力 軟 心 蛋 糕 ($98) 即 係 心 太 軟 ,水 準 唔 會 比 任 何 一 間 五 星 級 酒 店 遜 色。


       市 面 好 多 心 太 軟 嘅 味 道 越 嚟 越 阿 華 田 (明 我 講 乜 吧?),肯 用 成 本 高 嘅 優 質 朱 古 力 買 少 見 少 ,Bettys 收 得 $98 ,心 太 軟 外 層 嘅 蛋 糕 夠 鬆 軟 ,而 流 心 程 度 睇 得 出 朱 古 力 漿 夠 濃 稠 ,唔 會 水 汪 汪 ,最 重 要 係 一 食 就 知 用 咗 貴 價 朱 古 力 去 製 作。而 雪 糕 係 Bettys 自 家 製 ,軟 滑 香 甜 超 好 味。

      


       Selection of Seasonal Ice-cream & Sorbets ($98) 係 偷 影 鄰 枱 嘅!雪 糕 及 雪 葩 都 係 Bettys 自 家 製 ,搵 晚 一 定 要 去 食 番 夠 本! 


       Valrhona Hot Chocolate with Bailey's ($98) 如 果 你 滴 酒 不 沾 ,就 要 考 慮 清 楚 ,雖 然 用 咗 70% 濃 嘅 Valrhona 朱 古 力 ,朱 味 香 濃 ,但 Bailey's 比 例 相 當 重 ,忍 唔 住 對 各 人 話 呢 杯 應 該 叫 Bailey's with Valrhona Hot Chocolate。

    不 過 ,我 超 愛 飲 呢 杯 咁 有 酒 香 嘅 朱 古 力!


   咖 啡 據 講 水 準 極 高 ,下 次 一 定 要 試 吓!

       


  Earl Grey Tea 係 傳 媒 朋 友 所 點 ,所 用 嘅 茶 具 相 當 講 究。 

       


   電 話 : 2979 2100                   平 均 消 費 : $600 - $800 / 位

  地 址 : 中 環 國 際 金 融 中 心 商 場 2 期 2 樓 2075 號

                   一 按 地 址 直 達 Google 地 圖

                         

 


上一篇: 棠記茶餐廳 平食 愜意海景餐

下一篇: Balalaika 俄羅斯餐廳 冰火晚餐


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,961,128
所有文章: 2,060
本日訪客人數: 1,698
累計訪客人數: 9,786,377