文章
相簿

→ 九 龍 區

唯港薈 天外天 上不了天的 失望一夜

不眠王子 於 2011年07月08日發表   人氣:681


      

       理 工 大 學 嘅 教 學 酒 店 唯 港 薈 早 於 佢 哋 試 業 時 已 試 咗 佢 哋 嘅 神 秘 餐 廳 Bistro 1979 ,到 酒 店 正 式 運 作 後 ,一 直 想 到 頂 樓 嘅 天 外 天 中 菜 廳 試 試 ,名 字 改 到 咁 超 然 脫 俗 ,一 定 對 自 己 嘅 出 品 信 心 爆 棚 吧?

      訂 咗 窗 口 位 ,預 訂 埋 要 提 前 一 日 訂 嘅 招 牌 菜 ,約 好 兩 個 多 年 老 友 ,聯 同 王 妃 一 齊 去 食 晚 飯。

      結 果 ,這 夜 滿 地 眼 鏡 碎!

      埋 單 $2500 ,五 星 級 酒 店 嘅 中 菜 廳 呢 個 價 好 正 常 ,預 咗!但 無 預 到 部 份 菜 式 嘅 水 準 實 在 教 人 失 望 ,朋 友 話 咁 嘅 價 錢 去 唐 閣 食 得 仲 開 心 ,我 跟 女 友 話 早 知 去 附 近 嘅 海 景 軒 好 過。

      Service 亦 唔 知 點 形 容 好 ,侍 應 招 呼 係 超 讚 嘅!不 過 ,當 我 點 菜 點 到 甜 品 時 ,卻 有 以 下 嘅 對 答 發 生 . . .

     一 個 五 粮 液 朱 古 力 雪 糕 呀 . . .

     唔 好 意 思 ,呢 個 無

     咁 香 橙 黑 朱 古 力 無 粉 蛋 糕 . . . .

     呢 個 都 無 . . .

     咁 花 生 白 蘭 地 朱 古 力 餅 啦 . . .

     呢 個 都 係 無 架 先 生!

      既 然 餐 牌 上 絕 大 部 份 嘅 甜 品 都 未 有 得 供 應 ,咁 餐 廳 經 理 係 有 責 任 喺 我 哋 入 座 時 交 待 一 聲 ,對 嗎?

      如 果 連 食 甜 品 都 要 事 先 打 電 話 預 訂 ,係 講 唔 通 的!

      

       中 菜 廳 設 計 成 私 人 會 所 ,近 門 口 處 放 置 咗 唔 少 書 籍 、工 藝 品 及 中 式 藝 術 品 擺 設。但 嚟 食 中 菜 ,邊 個 會 專 登 行 去 呢 個 部 份 坐 低 睇 書 呢?

       

       餐 廳 盡 頭 有 個 巨 型 酒 櫃 ,朋 友 發 現 當 中 有 不 少 佳 釀。

      

       餐 廳 落 地 玻 璃 可 飽 覽 維 港 景 觀 ,但 大 部 份 係 大 廈 景。

      

       想 坐 擁 維 港 優 美 景 致?訂 位 時 講 明 坐 餐 廳 盡 頭 吧!

       

       連 人 家 酒 店 頂 層 游 泳 池 都 清 晰 可 見 ,會 有 艷 遇 嗎?

       

       侍 應 先 奉 上 前 菜 及 醬 汁 各 2 ,XO 醬 只 係 一 般 貨 色。

      


       呢 碟 小 吃 反 而 唔 錯 ,五 彩 繽 紛 又 夠 香 口。

      

       黑 松 露 菌 蛋 白 蒸 龍 蝦 球 ($238) 落 單 時 侍 應 提 醒 係 位 上 (menu 卻 無 寫 明),於 是 4 個 人 每 人 一 份 ,上 到 枱 時 大 家 都 O 了 咀 ,龍 蝦 肉 份 量 只 得 一 匙 羹 咁 大 粒 ,相 中 呢 碟 已 經 係 4 碟 中 最 "大" 嗰 份。去 龍 景 軒 點 同 一 道 菜 ,價 錢 貴 幾 十 蚊 ,但 人 家 嘅 龍 蝦 肉 比 呢 碟 多 一 倍 有 多 ,而 且 仲 會 好 明 顯 咁 有 幾 片 黑 松 露 喺 面。所 以 呢 碟 俾 人 嘅 感 覺 有 少 少 搶 錢。

      P.S. 之 後 喺 網 上 見 到 酒 店 宴 請 傳 媒 試 同 一 道 菜 ,份 量 明 顯 同 事 實 有 出 入。

      

       蛋 白 蒸 得 相 當 滑 溜 ,食 落 仲 有 薑 香 ,不 過 稍 嫌 濃 咗 少 少 ,蓋 過 咗 蛋 味。黑 松 露 呢?唔 見 呀!漏 咗 落?定 係 已 經 溶 入 蛋 中 呢?至 於 蒸 龍 蝦 球 嘅 時 間 掌 握 得 非 常 好 ,龍 蝦 肉 剛 剛 熟 透 ,鮮 味 十 足 ,爽 口 彈 牙 ,整 體 水 準 相 當 高。

      

       紅 酒 醋 咕 嚕 肉 ($168) 可 以 話 係 突 破 傳 統 嘅 破 格 做 法 ,咕 嚕 肉 賣 相 似 一 條 腸 仔 ,內 裡 捲 住 大 量 菠 蘿 粒 . . . 即 係 外 觀 似 菠 蘿 腸 仔 嘅 咕 嚕 肉。經 理 話 係 招 牌 菜 ,所 以 至 點。

       

       咕 嚕 肉 甜 酸 比 例 適 中 ,外 層 微 脆 ,內 裡 菠 蘿 粒 偏 多 ,咬 落 去 似 乎 酸 咗 啲!但 口 感 過 癮。不 過 ,食 開 傳 統 咕 嚕 肉 嘅 朋 友 未 必 即 時 接 受 到。 

      

       水 煮 魚 片 粉 皮 ($168) 連 我 一 向 唔 太 食 辣 嘅 都 覺 得 呢 味 唔 夠 辣 ,何 況 係 愛 食 辣 嘅 朋 友?魚 肉 食 落 亦 無 乜 辣 味 ,不 過 ,肉 質 夠 嫩 滑 ,拉 高 番 少 少 分。

       

       欖 菜 干 扁 四 季 豆 ($128) 無 乜 特 別 ,一 般 小 菜 館 水 準。

      

       杭 州 富 貴 雞 ($398) 呢 度 菜 做 得 最 出 色 係 海 景 軒 ,由 於 富 貴 雞 以 塘 泥 密 封 烤 焗 數 個 小 時 ,所 以 要 24 小 時 前 預 訂。

      

       經 理 以 鐵 鎚 敲 打 塘 泥 小 山 ,打 開 一 刻 ,濃 濃 嘅 荷 葉 香 氣 即 時 飄 埋 身。

      

       多 重 荷 葉 包 住 原 隻 鮮 雞 ,內 裡 已 釀 滿 多 種 配 料。

      

       經 理 就 喺 我 哋 旁 邊 即 席 純 熟 咁 將 雞 拆 骨 起 肉 上 碟。

      

       雞 肉 望 落 相 當 濕 潤 ,金 華 火 腿 、幾 種 菇 類 堆 得 滿 滿 ,雞 油 香 噴 噴 ,似 乎 對 辦 喎!

      

       唔 知 係 唔 係 焗 得 太 耐 ,嫩 嫩 嘅 雞 肉 食 落 有 啲 嚡 ,味 道 就 唔 錯 嘅!入 晒 味。但 一 路 食 落 去 ,各 人 都 覺 得 肉 質 真 係 好 嚡 吓 ,水 準 不 及 海 景 軒 ,最 後 食 剩 咗 四 份 一 有 多 就 無 人 再 起 筷 了。

      侍 應 有 禮 咁 喺 我 哋 飯 後 再 次 送 上 menu ,問 需 唔 需 要 點 啲 甜 品 試 吓 . . .

      跟 朋 友 相 視 苦 笑 ,埋 單 走 人。

      嚟 緊 呢 個 星 期 ,且 看 各 大 傳 媒 點 捧 天 外 天 上 天 吧!

      

       電 話 : 3400 1318                平 均 消 費 : $500 - $700 / 位

      地 址 : 尖 沙 嘴 科 學 館 道 17 號 唯 港 薈 28 樓

                 一 按 地 址 直 達 Google 地 圖

       

 


上一篇: Doraemon & Friends 立體砌圖 7-11登陸

下一篇: 雅‧高級日本料理 - 己結業


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,965,802
所有文章: 2,060
本日訪客人數: 273
累計訪客人數: 9,791,004