文章
相簿

→ 香 港 區

柏寧酒店 RIVA 海陸盛宴 Surf & Turf Menu

不眠王子 於 2011年07月11日發表   人氣:694


      

       呢 一 篇 ,本 來 係 星 期 六 晚 出 嘅 王 子 周 末 推 介!但 工 作 忙 到 今 日 至 出 到 ,Sorry!上 星 期 好 友 Meling 帶 王 子 到 栢 寧 酒 店 頂 層 嘅 餐 廳 RIVA,試 吓 佢 哋 7 月 份 嘅 新 menu ,原 來 靚 女 公 關 經 理 係 Meling 嘅 舊 同 學 ,喺 度 要 講 聲 多 謝 及 唔 好 意 思 ,我 都 估 唔 到 一 餐 晚 飯 ,竟 然 食 咗 接 近 5 個 小 時 ,離 開 餐 廳 已 經 差 唔 多 午 夜 12 點 ,好 耐 無 試 過 食 得 咁 盡 情 了。

     可 能 呢 晚 嘅 維 港 夜 景 特 別 靚 ,上 面 張 相 係 DC 機 仔 直 出 ,無 做 過 手 腳 架!睇 住 夜 幕 低 垂 ,天 空 同 時 出 現 幾 種 顏 色 ,靚 到 我 企 喺 露 台 狂 影 相 ,遲 遲 都 唔 願 返 埋 位 坐。 

      

       餐 廳 位 於 酒 店 頂 層 ,格 局 當 然 別 具 氣 派 ,RIVA 樓 底 唔 算 矮 ,所 以 加 咗 大 座 水 晶 吊 燈 都 唔 會 有 侷 促 感 ,而 枱 與 枱 之 間 亦 有 相 當 足 夠 嘅 空 間 感。

      

       真 心 鍾 意 呢 度 柔 和 嘅 燈 光 ,唔 會 黑 到 自 己 份 牛 肉 係 幾 成 熟 都 唔 知 ,亦 唔 會 光 到 猶 如 酒 樓 一 樣。

       

       餐 廳 仲 有 鋼 琴 師 駐 場 ,彈 奏 80 年 代 嘅 英 文 流 行 曲 ,對 於 聽 嗰 個 年 代 音 樂 長 大 嘅 我,係 食 得 開 心 嘅 另 一 點 子。

       

       RIVA 喺 上 個 月 新 建 咗 露 天 平 台 ,相 信 會 係 餐 廳 一 個 好 強 嘅 selling point ,因 為 港 島 區 好 少 有 fine dining 嘅 地 方 能 夠 同 時 俯 瞰 維 港 及 維 園。

      有 靚 景 亦 要 有 美 饌 ,餐 廳 嘅 德 國 籍 總 廚 Chef Heinz 係 嚟 自 文 華 東 方 酒 店 嘅 高 級 餐 廳 Amber ,加 盟 RIVA 至 今 已 經 有 兩 年 ,強 項 係 低 溫 烹 調 各 類 歐 陸 菜 式。

      至 於 service 亦 係 頂 級 水 準 ,幾 位 侍 應 生 不 單 招 呼 殷 勤 ,而 且 頗 懂 得 跟 客 人 打 交 道。當 然 ,唔 係 因 為 我 哋 嚟 試 菜 至 獲 得 厚 待 啦!佢 哋 對 其 他 食 客 一 樣 咁 好 招 呼 架!

      

       露 天 平 台 俯 瞰 維 港 視 野 廣 闊 ,無 其 他 大 廈 阻 隔 ,睇 吓 張 相 或 個 Blog 嘅 頂 部 全 景 相 就 明 ,個 view 靚 到 殺 死 人。

                      

                       點 菜 前 ,先 嚟 一 杯 芒 果 汁 ,唔 係 即 沖 貨 色 ,亦 無 溝 水 ,咁 大 杯 都 係 100% 鮮 榨 的 ,坦 白 講 ,唔 係 間 間 酒 店 會 咁 做 ,好 幾 間 五 星 級 酒 店 嘅 同 類 餐 廳 都 係 有 溝 水 的。

                      

                       Meling 點 嘅 甘 筍 汁 ,當 然 也 是 鮮 榨 的。

      餐 廳 七 月 嘅 Surf 'n' Turf Menu 4 道 菜 晚 餐 固 名 思 意 以 最 矜 貴 嘅 海 陸 食 材 入 饌。由 於 頭 盤 及 主 菜 都 可 以 2 選 1 ,跟 Meling 商 量 後 ,決 定 一 齊 分 享 整 個 menu 嘅 美 食。 

      

       鴨 肝 及 煙 鰻 魚 凍 批 伴 燈 籠 椒 配 水 瓜 柳 油 醋 汁 食 西 餐 有 呢 度 好 ,水 蛇 春 咁 長 個 名 令 你 清 楚 食 緊 乜 東 東。

      鴨 肝 及 煙 鰻 魚 凍 批 份 量 相 當 大 吓!味 道 極 之 鮮 濃。

      

       燈 籠 椒 配 水 瓜 柳 嘅「清」可 以 中 和 鴨 肝 及 煙 鰻 魚 凍 批 嘅 「濃」,但 呢 一 刻 ,我 愛 重 口 味 ,只 因 後 者 太 過 正。

      

       香 煎 慢 煮 五 花 肉 伴 小 龍 蝦 、白 酒 蜜 味 蘋 果 及 瑞 士 甜 菜 配 芥 末 籽 油 醋 汁 賣 相 誘 人 ,色 彩 豐 富 到 忍 唔 住 影 多 咗 幾 張 相。而 味 道 亦 層 次 感 十 足 ,配 菜 好 fresh。

      

       五 花 肉 厚 切 肥 美 肉 味 濃 ,小 龍 蝦 爽 口 彈 牙。此 頭 盤 相 信 要 食 量 有 番 咁 上 下 嘅 朋 友 至 食 得 晒 ,同 朋 友 share 吧!

      

       鮮 魚 清 湯 配 牛 尾 雲 吞 及 車 厘 茄 係 唯 一 失 色 之 作。

      

       鮮 魚 清 湯 以 石 斑 及 各 類 海 魚 淆 煮 而 成 ,湯 底 清 徹 但 味 道 略 嫌 偏 鹹。牛 尾 雲 吞 就 皮 薄 餡 靚 ,口 感 鮮 滑 ,正 到 想 食 多 幾 隻。

      

       龍 蝦 湯 伴 龍 蝦 啫 喱 ($158) 唔 喺 Surf 'n' Turf Menu 內 ,只 係 我 心 血 來 潮 喺 餐 牌 另 點 的。上 到 枱 時 自 己 開 心 到 好 似 小 朋 友 見 到 軟 雪 糕 一 樣。盛 載 龍 蝦 湯 嘅 高 杯 好 精 緻 ,而 龍 蝦 啫 喱 則 另 上 放 於 小 匙 上 ,賣 相 實 在 靚 到 唔 捨 得 飲 ,我 知 龍 蝦 湯 一 定 要 趁 熱 飲 ,你 話 做 人 幾 咁 矛 盾 呢!哈 哈!

                       

       龍 蝦 湯 味 道 鮮 濃 ,鮮 到 . . . 好 似 落 咗 龍 蝦 去 熬 湯 ,而 唔 係 只 落 龍 蝦 頭 或 龍 蝦 殼。龍 蝦 啫 喱 爽 口 清 甜 ,就 咁 食 或 連 埋 熱 烘 烘 嘅 龍 蝦 湯 一 齊 食 都 咁 正 ,個 人 推 介 必 飲 靚 湯。 

      

       蒸 澳 洲 盲 鰽 魚 釀 蟹 肉 伴 火 腿 帶 子 卷 及 蘿 蔔 菠 菜 沙 律 配 蘿 勒 海 鮮 汁 份 量 大 件 到 忍 唔 住 同 靚 女 經 理 講 ,真 係 唔 需 要 咁 大 件 ,澳 洲 盲 鰽 魚 本 身 肉 質 偏 結 實 ,半 件 已 經 相 當 飽 肚 ,何 況 呢 件 仲 係 用 魚 腩 位 ,油 脂 更 豐 腴。火 腿 帶 子 卷 亦 有 少 少 驚 喜 ,帶 子 軟 滑 鮮 甜 ,跟 火 腿 同 食 原 來 味 道 咁 夾。

      

       烤 澳 洲 純 黑 安 格 斯 牛 柳 伴 橄 欖 油 浸 波 士 頓 龍 蝦 配 粟 米 餅 及 香 草 醬 可 以 用 賞 心 悅 目 、秀 色 可 餐 嚟 形 容。

      

       係 呢 個 角 度 睇 ,就 睇 到 廚 師 幾 咁 有 心 機 設 計 每 一 道 菜 ,烹 調 水 準 高 之 餘 賣 相 亦 靚 到 . . . 好 似 件 藝 術 品 咁。

      

       澳 洲 純 黑 安 格 斯 牛 柳 完 全 乎 合 我 落 order 時 medium rare 嘅 要 求 ,肉 質 鬆 化 兼 juicy 到 不 得 了 ,望 落 厚 切 大 大 件 但 其 實 牙 仔 唔 駛 點 用 力 ,而 肉 味 亦 濃。

      

       橄 欖 油 浸 波 士 頓 龍 蝦 啖 啖 肉 ,唔 知 係 咪 加 咗 橄 欖 油 原 素 ,所 以 波 士 頓 龍 蝦 食 落 除 咗 彈 牙 ,肉 質 亦 比 平 時 出 面 餐 廳 食 開 嘅 波 士 頓 龍 蝦 更 嫩 滑。龍 蝦 肉 下 嘅 粟 米 餅 唔 好 睇 少 佢 細 細 件 ,其 實 都 好 膩 吓! 

       

       黑 朱 古 力 餅 配 士 多 啤 梨 芒 果 醬 又 令 我 讚 不 絕 口。

      

       士 多 啤 梨 大 大 粒 嬌 嫩 欲 滴 ,朱 古 力 餅 鬆 軟 朱 味 濃。

       

       餐 後 一 杯 熱 烘 烘 Mocha ,水 準 有 番 咁 上 下。Petit Fours 無 乜 特 別 ,但 都 OK 好 食 ,最 正 係 有 幾 片 Valrhona 朱 古 力。

      Surf & Turf Menu 完 滿 結 束 . . . 係 食 得 好 完 滿 下 結 束。

       

       香 草 薯 蓉 粉 團 配 炒 春 日 時 蔬 、黑 水 欖 及 番 茜 醬 ($178) 係 靚 女 公 關 所 點 嘅 素 食 ,我 見 到 第 一 眼 時 ,個 心 講 咗 句 普 通 話 :「看!多 漂 亮!」而 把 口 同 時 問 好 nice 嘅 侍 應 生 Sam 哥 :「大 廚 用 咗 幾 多 時 間 去 擺 放 呢 道 菜 呀?」

      細 心 啲 睇 ,西 蘭 花 、椰 菜 花 、蘆 筍 、青 豆 等 多 種 時 令 蔬 菜 無 一 款 係 放 埋 一 齊 ,甚 至 連 顏 色 都 經 過 細 心 分 配 ,用 "未 食 先 興 奮" 嚟 形 容 最 適 合 不 過。

      

       叮 叮 叮!另 一 個 胃 準 備 熱 身 ,因 為 到 甜 品 時 間 啦!3 個 人 食 4 道 甜 品 ,忽 然 諗 起 Leon N 年 前 某 廣 告 中 阿 May 嘅 金 句 : 我 係 咪 好 任 性 呀?

      

       焦 糖 蘋 果 配 意 大 利 軟 芝 士 及 檸 檬 蜜 糖 汁 ($88) 係 貴 咗 少 少 ,但 賣 相 夠 精 緻。

      

       一 條 條 小 圓 柱 體 組 合 而 成 嘅 甜 品 上 放 咗 一 小 球 棉 花 糖 ,面 層 又 白 又 滑 嘅 係 意 大 利 軟 芝 士 ,而 下 方 則 浸 住 檸 檬 蜜 糖 汁 ,外 觀 感 覺 輕 怡 ,原 來 味 道 亦 然。

      

       用 刀 輕 輕 一 切 ,蘋 果 肉 就 釀 在 意 大 利 軟 芝 士 層 中 ,味 道 香 甜 清 怡 ,可 作 甜 品 中 嘅 頭 盤。

                   

       新 鮮 士 多 啤 梨 浸 車 厘 子 酒 配 法 國 芝 士 慕 絲 ($88) 外 表 無 乜 特 別 ,但 其 實 超 ~ 好 ~ 味 ,有 小 小 驚 喜 架!

       

       士 多 啤 梨 鮮 甜 多 汁 勁 大 粒 ,浸 一 浸 車 厘 子 酒 至 食 ,嘩 ~ 好 味 到 呢 . . . 到 呢 . . . 呢 . . . 都 唔 識 點 形 容 ,再 蘸 一 蘸 香 滑 嘅 法 國 芝 士 慕 絲 ,更 加 好 味 到 呢 . . . 到 呢 . . . 呢 . . .

      好 想 食 多 一 . . . 係 兩 杯 至 真。

      

       Valrhona 黑 朱 古 力 慕 絲 配 咖 啡 酒 及 柑 橘 雪 葩 ($98) 係 必 試 嘅!有 酒 香 嘅 Valrhona 黑 朱 古 力 慕 絲 喎!仲 有 柑 橘 雪 葩 喎!甜 魔 有 邊 樣 會 唔 鍾 意 先?

      

       黑 朱 古 力 慕 絲 望 落 好 似 好 紥 實 ,一 入 口 . . . Oh!原 來 係 軟 綿 綿 架 ,朱 古 力 味 勁 香 濃 之 餘 仲 有 微 微 酒 香。

      

       柑 橘 雪 葩 香 、甜 、軟 、滑 ,講 完 . . . 呀!仲 有 ,連 半 碟 塊 脆 脆 都 咁 好 味。

      

       離 開 餐 廳 ,已 經 差 唔 多 午 夜 12 點 ,好 唔 捨 得 咁 行 出 露 天 平 台 ,用 唔 同 mode 再 影 多 十 幾 張 相 至 肯 走。

      

       下 個 月 嘅 慶 生 飯 局 ,有 無 一 晚 係 會 喺 呢 度 食 呢?

      

      

       電 話 : 2839 3327             平 均 消 費 : $600- $850 / 位

      地 址 : 銅 鑼 灣 告 士 打 道 310 號 栢 寧 酒 店 27 樓

                 一 按 地 址 直 達 Google 地 圖

                           

 


上一篇: 可口可樂 x James Jarvis 隨身喇叭

下一篇: Doraemon & Friends 立體砌圖 7-11登陸


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,326,513
所有文章: 2,060
本日訪客人數: 726
累計訪客人數: 10,107,697