文章
相簿

→ 尖 沙 咀

一風堂 博多拉麵 旋風登陸

不眠王子 於 2011年07月18日發表   人氣:735


     自 從 半 年 前 去 過 福 岡 旅 行 ,試 咗 幾 間 喺 當 地 排 名 最 高 嘅 拉 麵 店 ,我 再 無 喺 香 港 寫 過 一 篇 拉 麵 Blog 了 ,唔 係 無 去 食 ,只 係 食 唔 番 咁 上 下 嘅 水 準。乜 嘢 拉 麵 旋 風 、拉 麵 潮 都 一 於 少 理 ,而 且 本 人 怕 熱 ,亦 唔 鍾 意 一 路 食 拉 麵 一 路 俾 其 他 人 用「得 未 呀 眼 神 死 光」攻 擊 . . .

   要 食 碗 有 水 準 嘅 拉 麵 但 又 要 坐 得 舒 服 兼 好 招 呼?

   暫 時 只 此 一 間!



     拉 麵 店 一 風 堂 嚟 自 日 本 福 岡 ,1985 年 由 被 譽 為 拉 麵 大 王 嘅 河 原 成 美 一 手 創 立 ,至 今 已 超 過 60 間 分 店。喺 當 地 電 視 台 不 定 期 舉 行 嘅 九 州 拉 麵 總 選 拳 中 ,一 風 堂 一 直 喺 前 列 位 置 ,香 港 人 較 熟 悉 嘅 一 蘭 呢?07 年 後 已 跌 出 50 大 了。


     拉 麵 店 面 積 相 當 大 ,座 位 接 近 100 個 ,服 務 員 更 超 過 10 個 ,唔 單 只 招 呼 週 到 ,我 仲 親 耳 聽 到 部 份 女 侍 應 講 到 一 口 流 利 嘅 日 本 及 英 文 ,Pro 到 得 人 驚。


     其 實 到 一 風 堂 等 位 時 ,唔 一 定 要 排 排 企 ,不 妨 到 店 角 嘅 酒 吧 區 飲 杯 嘢 、坐 住 等 ,拉 麵 店 有 酒 吧 . . . 少 見 呢!


       酒 吧 區 供 應 嘅 啤 酒 多 達 8 種 ,我 仲 發 現 場 有 唔 少 清 酒 及 果 酒 ,好 想 試 吓 菠 蘿 酒 嘅 味 道 . . . 囉!


    店 餐 具 以 紅 白 為 主 ,跟 實 木 餐 枱 相 當 合 襯。 


     開 放 式 廚 房 以 玻 璃 窗 相 隔 ,紅 白 廚 櫃 型 到 殺 死 人 ,而 廚 師 中 有 3 位 更 係 由 日 本 總 店 派 嚟 駐 場。


    拉 麵 店 呈 L 形 ,盡 頭 處 有 一 show quali 碗 櫃 ,日 本 元 祖 店 擺 放 咗 108 個 拉 麵 同 行 所 贈 予 嘅 碗 以 示 對 一 風 堂 尊 敬。香 港 店 子 小 ,只 擺 放 咗 55 個 碗。


       55 個 拉 麵 店 同 行 所 贈 嘅 碗 中 ,有 2 個 嚟 自 香 港。


       其 中 呢 一 個 ,係 由 曾 經 紅 極 一 時 嘅 豚 王 所 贈。


       店 中 有 兩 大 幅 漫 畫 牆 ,係 值 得 大 家 一 睇 ,裡 面 記 載 著 一 風 堂 嘅 發 展 史。


       見 到 左 方 嘅 香 港 logo 嗎?畫 中 最 後 講 到 拉 麵 店 終 於 喺 香 港 登 陸 啦!


       拉 麵 店 另 一 邊 有 廣 闊 玻 璃 窗 ,對 住 九 龍 公 園 ,綠 油 油 一 片 ,食 拉 麵 食 到 有 咁 嘅 view 咁 寫 意 ,攞 命!


   窗 外 綠 油 油 ,店 內 紅 當 蕩 ,感 覺 一 流。


      4 人 卡 座 勁 寬 敞 ,坐 6 個 人 都 仲 得。其 實 呢 日 係 Blogger event ,相 約 兩 位 好 多 人 望 到 眼 甘 甘 嘅 靚 女 好 友 Dotthy 點 點 及 Alice 愛 麗 絲 結 伴 同 行。由 於 我 早 到 ,所 以 先 點 一 碗 拉 麵 作 熱 身。

    一 頁 過 嘅 menu 只 得 3 款 拉 麵 ,可 以 揀 選 軟 硬 度。


      赤 丸 新 味 ($68) 訂 價 比 想 像 中 平 . . . 好 多 ,以 火 紅 色 麵 碗 盛 著 熱 氣 騰 騰 嘅 豬 骨 濃 湯 出 場 ,拉 麵 一 定 要 趁 熱 食 ,所 以 係 咁 意 影 幾 張 相 就 算。


    拉 麵 中 有 幾 塊 薄 切 叉 燒 、黑 木 耳 、芽 菜 及 蔥 粒 ,配 合 埋 味 噌 及 蒜 油 ,湯 頭 味 帶 鹹 香 之 餘 有 點 點 辣 勁。


      拉 麵 由 日 本 直 送 麵 粉 後 ,再 喺 香 港 製 麵。麵 身 幼 直 ,質 感 爽 滑 彈 牙。


   薄 切 叉 燒 半 肥 瘦 ,入 口 鬆 化 、肉 味 鮮 濃 ,無 得 頂。


     呢 一 日 有 幸 遇 上 拉 麵 大 王 河 原 成 美 先 生 ,還 跟 老 人 家 碰 杯 及 合 照 幾 張 ,Soooooo happy! 


   我 無 飲 清 酒 ,只 係 見 啲 清 酒 杯 仔 好 靚 ,攞 套 影 相 咋! 


  紫 蘇 青 檸 特 飲 vs 柚 子 蜜 冰 茶 個 人 覺 得 前 者 極 好 飲。

        紫 蘇 青 檸 特 飲 ($28) 味 道 酸 中 帶 紫 蘇 葉 嘅 甘 香 ,有 少 少 似 飲 Mojito。


      一 風 堂 風 神 雷 神 脆 炸 雞 翼 ($38) 個 名 充 滿 霸 氣 ,但 賣 相 又 帶 有 和 風 嘅 嬌 美 感 ,雞 翼 望 落 唔 似 炸 雞 翼 ,似 炸 雞 塊 多 啲!當 我 影 相 時 ,突 然 聽 到 好 多 吓 卜 卜 聲 ,原 來 係 愛 麗 絲 咬 雞 翼 時 所 發 出 嘅 聲 音 ,真 係 脆 得 好 緊 要 ,點 鮮 咁 脆?聽 講 係 用 咗 秘 麵 漿 製 成 超 脆 外 層 ,但 雞 肉 又 幾 嫩 滑 喎!呢 $38 唔 慳 得。


  一 風 堂 叉 燒 角 包 ($28) 鬆 軟 包 身 配 厚 切 叉 燒 及 生 菜。


    厚 切 叉 燒 係 全 個 角 包 嘅 靈 魂 所 在。


 半 肥 瘦 叉 燒 層 次 分 明 ,肉 質 豐 腴 ,食 落 仲 好 juicy 添!


   一 風 堂 餃 子 ($38) 一 客 5 隻 鐵 板 上 ,嚟 到 仲 係 滾 熱 辣。


     餃 子 包 得 靚 、煎 得 靚 ,皮 薄 又 餡 靚。上 面 放 滿 蔥 粒 及 蒜 粒 ,內 裡 啖 啖 嫩 滑 雞 肉 ,一 啖 放 入 口 仲 鬼 咁 多 汁。所 以 ,我 唔 見 議 大 家 蘸 任 何 醬 汁 ,就 咁 食 已 經 好 正。

   少 少 題 外 話 ,飲 食 網 站 提 及 呢 碟 餃 子 嘅 食 評 中 ,無 一 個 人 講 內 裡 嘅 係 雞 肉 ,咁 奇 怪 嘅?


     白 丸 元 味 ($68) 係 一 風 堂 創 店 時 推 出 嘅 第 一 款 拉 麵。

   拉 麵 中 有 兩 塊 薄 切 叉 燒 、黑 木 耳 、芽 菜 及 蔥 粒 ,湯 頭 較 清 ,適 合 唔 太 喜 歡 濃 味 湯 底 嘅 朋 友。


      一 風 堂 辣 肉 味 噌 ($78) 喺 豬 骨 湯 底 中 ,加 入 特 製 嘅 辣 肉 味 噌 ,再 配 上 薄 切 叉 燒 、芽 菜 及 蔥 粒 而 成。

   食 評 網 提 及 呢 碗 拉 麵 嘅 食 評 中 ,又 係 無 一 個 人 講 佢 嘅 麵 身 其 實 跟 其 餘 兩 款 拉 麵 係 有 唔 同 ,係 食 唔 出 或 係 google search 唔 到 呢?


      其 實 一 風 堂 辣 肉 味 噌 所 用 嘅 拉 麵 ,麵 身 比 較 鬈 曲 ,而 且 每 日 係 限 量 供 應 ,我 當 晚 就 聽 到 侍 應 講 ,因 為 午 市 太 爆 ,所 以 晚 市 已 經 無 晒 曲 身 麵 餅 啦!

    喺 訪 問 環 節 中 ,我 有 舉 手 問 河 原 成 美 先 生 點 解 唯 獨 呢 款 嘅 麵 身 要 做 得 比 較 鬈 曲 ,佢 笑 笑 口 兼 做 埋 動 作 話 麵 身 鬈 曲 啲 、彈 牙 啲 ,配 合 埋 辣 肉 味 噌 會 食 得 更 加 過 癮!

    碗 麵 嘅 辣 度 亦 唔 需 要 擔 心 ,連 怕 辣 嘅 愛 麗 絲 都 話 接 受 到 ,我 就 覺 得 辣 味 恰 到 好 處 ,只 係 惹 味 嘅 辣 ,而 唔 係 一 味 死 辣 ,唔 會 蓋 過 豬 骨 湯 嘅 鮮 濃 味。

    至 於 晚 市 嚟 食 會 唔 會 食 唔 到 ,真 係 要 睇 彩 數 啦!

  

   味 噌 布 甸 ($28) 味 道 係 幾 特 別 ,但 布 甸 質 感 比 較 水。


       沖 繩 冬 甩 伴 雲 呢 拿 雪 糕 ($33) 冬 甩 外 層 頗 鬆 脆 ,而 雲 呢 拿 雪 糕 應 該 係 日 本 直 送 吧!


     特 色 雪 糕 甜 品 ($33) 左 邊 係 檸 檬 雪 葩 ,而 右 邊 係 芒 果 熱 情 果 雪 糕 ,無 乜 特 別 ,好 食 便 是 了。
  


     博 客 活 動 好 多 時 都 會 有 啲 小 驚 喜 、小 禮 物 送 俾 blogger ,但 一 風 堂 送 俾 blogger 嘅 卻 係 大 驚 喜 、大 禮 物。單 係 個 黑 色 禮 盒 已 經 有 尺 幾 咁 長。


   一 風 堂 拉 麵 碗 、湯 匙 、筷 子 、員 工 tee 全 套 日 本 直 送。 
     


   同 場 更 獲 贈 拉 麵 大 王 即 場 親 筆 簽 名 頭 巾 ,開 心 死!


  電 話 : 2957 8893             平 均 消 費 : $100 - $150 / 位

 
地 址 : 尖 沙 咀 廣 東 道 30 號 新 港 中 心 2 樓 210 舖


 


上一篇: 皇家太平洋酒店 沙嗲軒 星洲九大簋

下一篇: 可口可樂 x James Jarvis 隨身喇叭


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,961,231
所有文章: 2,060
本日訪客人數: 1,801
累計訪客人數: 9,786,480