文章
相簿

→ 九 龍 區

皇家太平洋酒店 沙嗲軒 星洲九大簋

不眠王子 於 2011年07月20日發表   人氣:593


      

       自 從 幾 個 月 前 幫 襯 過 沙 嗲 軒 並 喺 blog 介 紹 過 後 ,迴 響 不 少 ,連 店 方 都 為 此 請 王 子 同 朋 友 仔 嚟 食 一 次 特 別 飯 局 以 示 答 謝。其 實 沙 嗲 軒 3 間 分 店 中 以 中 港 城 呢 間 水 準 keep 得 最 好 ,而 環 境 亦 相 當 舒 服 ,你 仲 可 以 坐 喺 餐 廳 外 嘅 露 天 位 置 ,邊 睇 黃 昏 日 落 ,邊 食 海 南 雞 飯 ,爽!

      昨 夜 飯 局 仲 有 Meling 、Alice 、點 點 、Tammy 、Aiki 及 Kaka 合 共 6 位 美 女 相 伴 ,飯 聚 三 個 多 小 時 ,直 到 店 方 關 門 才 捨 得 走 ,離 開 時 大 家 飽 到 行 多 步 都 喊 辛 苦 呢!

      

       家 鄉 福 建 薄 餅 ($48) 皮 薄 餡 靚 之 餘 餡 料 多 達 十 幾 種。

       

       慢 慢 細 味 福 建 薄 餅 ,旁 邊 朋 友 話 味 道 帶 少 少 辣 ,皆 因 內 有 點 點 酸 辣 醬 ,作 為 開 胃 頭 盤 食 一 卷 確 係 唔 錯。

       

       雜 錦 沙 嗲 (豬、牛 或 雞 半 打 $75) 嚟 到 沙 嗲 軒 ,又 點 可 以 唔 試 吓 呢 度 嘅 沙 嗲 呢?

      

       豬 、牛 、雞 中 個 人 獨 愛 雞 肉 串 ,前 兩 者 喺 外 面 都 食 到 咁 上 下 水 準 ,雞 肉 串 燒 得 香 ,肉 夠 嫩 ,就 唔 係 度 度 食 到 了。

      

       沙 嗲 軒 嘅 沙 嗲 味 香 濃 ,食 落 仲 有 惹 味 嘅 花 生 碎 粒 添!

      

       星 洲 炒 蘿 蔔 糕 ($75) 勁 大 碟 ,配 料 中 仲 有 蝦 肉 、雞 蛋 ,以 XO 醬 同 炒 ,香 噴 噴 、好 咬 口 ,食 落 唔 會 太 粉 ,好 味!

      

       肉 骨 茶 ($60) 一 定 要 趁 熱 飲 ,一 碗 已 足 夠 2-3 人 去 分。

      

       肉 骨 茶 配 料 陣 容 有 少 少 似 雞 南 雞 飯 ,除 咗 油 炸 鬼。

      

       肉 骨 茶 湯 底 色 澤 極 濃 ,藥 材 香 味 四 溢,肉 排 大 大 件。

      

       肉 排 質 感 軟 腍 ,蘸 少 少 濃 稠 黑 豉 油 ,甜 甜 哋 好 惹 味。

      

       福 建 蝦 湯 麵 ($72) 賣 相 唔 討 好 ,但 原 來 禾 稈 冚 珍 珠。

      

       蝦 湯 味 道 極 極 極 鮮 濃 ,飲 得 出 落 咗 好 多 鮮 蝦 去 熬 ,虎 蝦 肉 大 隻 又 彈 牙 ,食 到 個 個 到 散 場 仍 讚 不 絕 口。

      

       焗 胡 椒 蟹 ($280) 係 沙 嗲 軒 嘅 招 牌 菜 ,採 用 菲 律 賓 肉 蟹 ,大 大 隻 都 只 係 $280 ,喺 出 面 食 同 類 同 size 嘅 肉 蟹 ,有 食 店 夠 膽 死 收 你 $500 以 上 ,個 人 絕 對 推 介 必 試。

      

       蟹 鉗 勁 大 隻 ,焗 到 香 噴 噴 ,有 幾 好 肉 地?

      

       See?蟹 鉗 啖 啖 肉 ,肉 質 鮮 甜 中 帶 有 濃 濃 胡 椒 香。

      

       蟹 腳 無 厚 殼 保 護 ,所 以 蟹 肉 惹 味 ,直 情 辣 到 飛 起。

      

       沙 嗲 軒 海 南 雞 飯 ($150 / 半 隻) 係 鎮 店 招 牌 菜 ,必 試!而 且 呢 個 價 錢 食 到 新 鮮 雞 ,真 係 抵 到 無 朋 友。  

      

       海 南 雞 用 新 鮮 三 黃 雞 ,去 咗 骨 ,皮 香 滑 溜 啖 啖 肉。

      

       黑 醬 油 由 星 加 坡 直 送 ,質 感 濃 稠 味 香 甜 ,正 到 極。

      

       油 飯 熱 烘 烘 ,軟 熟 雞 油 味 勁 濃 ,送 蟹 肉 都 唔 錯。

      

       星 洲 辣 椒 蝦 ($260) 用 大 大 隻 越 南 虎 蝦 入 饌 ,一 碟 有 8 大 隻 ,計 落 相 當 抵 食。

       

       辣 椒 蝦 做 法 有 啲 似 茄 汁 蝦 碌 crossover 茄 蛋 炒 蝦 ,味 道 酸 酸 甜 甜 又 帶 點 點 香 辣 ,惹 味 十 足 ,送 白 飯 一 流。

      

       古 月 香 茅 大 蝦 係 今 次 特 別 飯 局 嘅 特 別 絕 密 菜 式 ,已 絕 跡 沙 嗲 軒 好 幾 年 ,餐 牌 唔 會 有 ,預 訂 都 食 唔 到 ,大 廚 係 特 地 去 製 作 呢 道 菜 ,有 幸 品 嚐 到 ,當 然 開 心 到 極。

       

       大 虎 蝦 肉 鮮 嫩 超 彈 牙 ,最 攞 命 係 充 滿 濃 濃 香 茅 味。

      

       即 時 向 店 方 強 烈 要 求 復 刻 呢 道 菜 ,因 味 道 更 勝 星 洲 辣 椒 蝦 ,甚 至 喺 度 食 過 嘅 胡 椒 蝦 ,相 信 可 成 招 牌 菜 之 一。

      

       椰 青 ($40) 唔 係 我 點 no comment ,但 老 友 食 得 好 滋 味。

      

       星 洲 紅 豆 冰 ($55) 五 彩 繽 紛 ,一 大 碗 紅 黃 綠 三 色 刨 冰 伴 以 紅 豆 蓉 、阿 塔 子 等 大 量 配 料 而 成 ,一 個 人 未 必 食 得 晒。

      

       椰 香 黑 糯 米 ($42) 暖 烘 烘、夠 綿 蜜 ,可 惜 芒 果 無 乜 味。

      

       涼 粉 雪 糕 ($42) 有 小 小 驚 喜 ,涼 粉 碎 密 滑 溜 ,爽 呀!

      

       沙 嗲 軒 仲 喺 暑 假 推 出 Ice Cream Dessert Menu ,以 Haagen Dazs 雪 糕 製 作 十 幾 款 夏 日 甜 品 添!

      

       電 話 : 2738 2368                     平 均 消 費 : $100 - $150 / 位 

      地 址 : 尖 沙 咀 中 港 城 皇 家 太 平 洋 酒 店 平 台 1 座 3 舖

                 一 按 地 址 直 達 Google 地 圖

       

 


上一篇: Dan Ryan's Chicago Grill 隱世 海南雞

下一篇: 一風堂 博多拉麵 旋風登陸


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,068,627
所有文章: 2,060
本日訪客人數: 1,170
累計訪客人數: 9,884,880