文章
相簿

→ 九 龍

Full/half 精緻甜品 half 篇

不眠王子 於 2011年07月23日發表   人氣:547


      

       又 到 王 子 周 末 推 介 啦!自 從 寫 咗 Blog ,一 間 餐 廳 能 夠 令 自 己 一 個 月 內 幫 襯 幾 次 嘅 機 會 微 乎 其 微。但 最 近 有 間 就 令 我 喺 三 個 星 期 內 食 足 4 次 ,唔 出 王 子 印 章 唔 得 啦!

      Full / half 唔 叫 自 己 做 餐 廳 ,而 係 叫 Eat & Drink Design ,午 餐 或 晚 餐 主 打 有 機 嘅 歐 陸 菜 ,感 覺 健 康。食 咗 4 餐 ,諗 咗 好 耐 應 該 點 寫 ,最 後 決 定 先 寫 甜 品。

      因 為 店 內 亦 分 咗 Full 及 half ,各 種 美 食 列 入 Full 類 ,而 飲 品 及 甜 品 則 歸 入 half ,加 上 甜 品 賣 相 夠 吸 引 之 餘 款 式 亦 夠 多 ,單 係 講 甜 品 都 要 用 一 篇 Blog 了。

      

       Full / half 地 方 唔 算 大 ,但 空 間 感 十 足 ,尤 其 是 樓 底 特 別 高 ,商 場 食 肆 嚟 講 算 少 見 ,餐 枱 亦 唔 會 令 人 感 到 有 擠 迫 感 ,最 有 玩 味 係 一 間 店 有 2 種 style ,一 邊 係 full table service 嘅 用 餐 區 ,色 調 以 冷 色 為 主。

      

       另 一 邊 色 調 則 warm 得 多 ,似 一 間 悠 閒 嘅 coffee shop ,放 咗 好 多 書 籍 、小 盆 栽 及 別 緻 家 品 等 擺 設 ,可 以 喺 度 嘆 杯 店 子 自 家 品 牌 嘅 咖 啡 或 homemade 甜 品。

      

       餐 牌 上 嘅 甜 品 款 式 多 達 20 款 ,有 時 仲 會 推 出 一 啲 out of menu 嘅 款 式 ,所 以 每 次 嚟 到 都 會 有 啲 驚 喜 ,而 價 錢 亦 相 當 經 濟 ,最 平 嘅 一 件 Brownie $18 就 有 交 易 ,最 貴 嘅 法 國 純 朱 古 力 火 鍋 亦 只 不 過 係 $58。所 以 我 嚟 咗 4 次 都 食 咗 唔 少 甜 品 ,但 都 係 未 試 晒 架!

      想 食 甜 品 嘅 見 議 大 家 下 午 茶 時 段 來 幫 襯 ,蛋 糕 跟 埋 餐 飲 都 係 $48 set ,相 當 抵 食。 

      

       Tiramisu ($32 / 左) 及 Mocha Jelly ($28 / 右) 係 店 子 嘅 招 牌 甜 品 ,用 大 大 個 玻 璃 瓶 盛 載 ,份 量 肯 定 比 市 面 嘅 同 類 出 品 多 ,但 價 錢 卻 差 唔 多 ,單 係 賣 相 及 抵 食 度 已 經 贏 晒。

      Tiramisu 香 軟 幼 滑 有 層 次 ,亦 有 微 微 酒 香 ,而 且 肯 定 魚 膠 粉 無 添 加 ,質 感 及 味 道 都 極 有 水 準。 

      

       玻 璃 瓶 旁 邊 仲 有 個 位 可 以 勾 住 支 叉 ,咁 靚 仔 嘅 甜 品 可 唔 可 以 連 樽 買 走?可 以 呀!多 謝 $100!  

                     

                      Mocha Jelly ($28) 層 次 感 十 足 ,甜 度 適 中 ,香 滑 之 餘 又 有 啫 喱 嘅 爽 彈 口 感 ,過 癮!

                     

       Mix Berry Tiramisu ($35) 將 藍 莓 及 士 多 啤 梨 加 入 Tiramisu ,係 我 嘅 至 愛 ,超 好 味。

      

       到 蛋 糕 上 場 ,呢 篇 Blog 介 紹 咗 店 中 3 份 之 2 嘅 甜 品 ,但 賣 相 最 吸 引 嘅 已 經 喺 晒 度。 

      

       Barbie ($26) 個 名 相 信 係 嚟 自 甜 品 嘅 賣 相 好 似 Barbie 公 仔 咁 靚 ,粉 紅 色 裙 子 圍 滿 白 色 花 花 ,頭 戴 大 大 頂 士 多 啤 梨 帽 子。其 實 呢 件 係 草 莓 奶 酪 蛋 糕 ,質 感 軟 綿 綿 、滑 嘟 嘟 ,味 道 香 甜 ,好 抵 食 呀!

      

       Blackbox ($28) 係 黑 車 厘 巧 克 力 餅 ,外 層 加 多 層 香 濃 朱 古 力 醬 之 餘 再 點 上 金 箔 ,充 滿 高 貴 嘅 感 覺。Dark cherry 呢?喺 朱 古 力 蛋 糕 裡 面 ,酸 酸 甜 甜 勁 多 汁 ,味 道 好 夾 朱 古 力 呀!

      

       Cloud Nine ($30) 係 白 桃 、紅 莓 摩 絲 蛋 糕 ,做 型 夠 晒 可 愛 ,上 面 仲 有 粒 迷 你 macaron ,蛋 糕 香 滑 得 嚟 甜 絲 絲 ,好 味!

      

       F/h Opera ($26) 係 焦 糖 巧 克 力 蛋 糕 ,一 件 有 齊 朱 古 力 、咖 啡 、焦 糖 3 種 層 次 ,值 得 慢 慢 品 嚐。

                     

                      Boomtown ($26) 係 栗 子 芝 士 蛋 糕 ,質 感 較 結 實 ,粟 子 味 都 幾 香 濃 ,好 易 飽 肚。

      

       Blueberry Hill ($28) 外 型 夠 晒 特 別 ,每 次 嚟 都 好 快 俾 人 掃 清 ,其 實 呢 件 係 藍 莓 芝 士 蛋 糕。

      

       外 層 係 香 甜 嘅 藍 莓 果 凍 ,而 內 裡 嘅 芝 士 蛋 糕 好 軟 滑

      

       pH1 ($28) 係 檸 檬 蛋 白 甜 餡 餅 ,夜 啲 嚟 未 必 會 食 到 架!

      

       檸 檬 撻 外 層 香 口 酥 脆 ,檸 檬 餡 酸 酸 哋 ,配 合 埋 厚 厚 嘅 蛋 白 糖 霜 味 道 清 新。

                  

       Magenta ($28) 係 紅 莓 白 巧 克 力 餅 ,屬 於 menu 都 無 嘅 不 定 期 出 現 蛋 糕。不 過 ,個 人 覺 得 味 道 稍 嫌 過 甜 咗 少 少。

      

       Bailey Parfait w/ banana soup ($40) 即 係 百 利 甜 酒 芭 菲 伴 香 蕉 湯 ,坊 間 少 見 ,係 個 人 推 介 嘅 必 食 甜 品。

      香 蕉 湯 蕉 味 香 濃 ,就 咁 飲 嘅 感 覺 好 特 別 ,其 實 係 要 將 整 到 好 似 湯 丸 咁 嘅 百 利 甜 酒 芭 菲 碌 勻 香 蕉 湯 ,然 後 整 粒 放 入 口 ,香 甜 、軟 糯 、酒 香 、幼 滑 集 於 一 身 ,勁 過 癮!

      

       Passion Kiss ($48) 即 係 熱 情 果 摩 絲 果 凍 蛋 糕 配 熱 情 果 雪 芭 ,賣 相 無 乜 特 別 ,但 其 實 好 好 味 架!

      

       熱 情 果 雪 芭 又 酸 又 冰 凍 ,刺 激 到 極。但 熱 情 果 摩 絲 果 凍 蛋 糕 更 有 驚 喜 ,滑 溜 布 甸 包 住 鬆 軟 蛋 糕 ,蛋 糕 內 又 有 熱 情 果 慕 絲 及 果 凍 ,重 重 叠 叠 充 滿 層 次 ,但 味 道 卻 又 一 致 咁 清 新 ,好 味 到 不 得 了。 

      

       電 話 : 2997 8190                 平 均 消 費 : $50 - $90 / 位 

      地 址 : 尖 沙 咀 彌 敦 道 100 號 The One L8

                 一 按 地 址 直 達 Google 地 圖

                              

 


上一篇: Full/half 西式晚餐 Full 篇

下一篇: Dan Ryan's Chicago Grill 隱世 海南雞


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,698,382
所有文章: 2,060
本日訪客人數: 675
累計訪客人數: 9,554,659