文章
相簿

→ 尖 沙 咀

Full/half 西式晚餐 Full 篇

不眠王子 於 2011年08月02日發表   人氣:758


      

       上 星 期 講 咗 Full / half甜 品 half 篇 ,今 日 講 埋 Full 篇 吧!點 解 叫 Full 呢?睇 番 上 一 篇 啦! 

       

       前 篇 講 過 Full / half 地 方 唔 算 大 ,但 空 間 感 十 足 ,而 且 一 間 店 有 2 種 style 充 滿 玩 味 ,就 連 等 候 區 都 佈 置 到 咁 有 品 味 ,係 咪 好 少 見 呢?當 晚 影 完 相 忘 記 攞 番 走 我 呢 把 Jereme Scott 雨 遮 ,希 望 店 方 仲 有 keep 住 啦! 

      

       花 盆 玩 倒 吊 ,餐 廳 處 處 都 充 滿 玩 味 兒 ,待 你 發 挖。

      

       就 算 靠 近 店 門 嘅 垃 圾 桶 ,都 一 樣 咁 精 緻。

       

       上 篇 影 咗 日 間 陽 光 透 入 餐 廳 嘅 相 ,今 次 到 夜 晚。

      四 道 菜 晚 餐 由 $180 - $220 不 等 ,網 上 有 人 話 貴 ,以 水 準 計 ,真 心 覺 得 係 物 有 所 值。同 一 區 、同 類 餐 廳 、同 級 價 錢 有 幾 多 間 真 係 好 食 得 嚟 又 顧 及 食 客 健 康 呢? 

      

       芝 麻 吞 拿 魚 沙 律 係 二 選 一 沙 律 嘅 其 中 一 款 ,吞 拿 魚 味 道 醃 得 唔 錯 ,沙 律 菜 亦 夠 新 鮮 ,係 稍 嫌 份 量 少 咗 啲!

      

       澳 洲 蕃 茄 芝 士 沙 律 味 清 怡 ,Mozzarella 芝 士 夠 鮮 濃。

      

       黑 松 露 菌 忌 廉 湯 唔 單 只 味 濃 熱 烘 烘 ,仲 勁 足 料 添!

      

       蕃 茄 忌 廉 湯 味 道 超 讚!湯 頭 濃 稠 ,茄 味 鮮 濃 ,仲 食 到 唔 少 新 鮮 茄 肉 於 湯 內 ,好 過 好 多 西 餐 廳 嘅 茄 醬 水 多 多 聲。

      

       南 瓜 忌 廉 湯 濃 稠 得 嚟 味 鮮 甜 ,仲 有 啖 啖 南 瓜 蓉 添!

      

       烤 澳 洲 雪 花 西 冷 , 蕃 茄 乾 , 水 煮 蛋 ($198 / set) 份 量 十 足 ,就 咁 睇 塊 西 冷 扒 好 似 烤 得 唔 錯。

       

       水 煮 蛋 大 大 隻 ,望 落 有 種 吹 彈 得 破 嘅 感 覺。

      

       用 刀 輕 輕 一 切 ,蛋 勁 流 心 ,蛋 味 亦 濃 ,唔 係 平 價 貨。

       

       烤 澳 洲 雪 花 西 冷 要 咗 五 成 熟 ,肉 帶 粉 紅 、肉 汁 豐 盈 ,入 口 嫩 嫩 的 相 當 juicy ,比 尖 沙 咀 某 啲 扒 房 更 有 驚 喜。

      

       鮮 茄 蟹 肉 寬 麵 ($178 / set) 無 乜 特 別 ,但 都 OK 好 食。

      

       黑 松 露 菌 有 機 意 大 利 米 飯 ($178 / set) 菌 味 香 氣 撲 鼻 ,飯 粒 飽 滿 ,質 感 煙 韌 好 咬 口 ,值 得 一 試。

      

       香 蒜 大 蝦 , 海 鮮 蘿 勒 蕃 茄 汁 , 有 機 天 使 意 粉 ($178 / set) 個 名 係 長 ,但 就 清 楚 咁 令 你 知 道 碟 意 粉 係 點 整。 

      

       除 咗 彈 牙 蝦 肉 ,仲 有 青 口 、墨 魚 等 其 他 海 鮮 相 伴 ,天 使 麵 有 機 無 機 我 唔 識 點 分 ,食 到 條 條 都 咁 爽 滑 兼 蕃 茄 汁 均 勻 ,已 經 相 當 滿 足 了。

                     

                     晚 市 套 餐 嘅 餐 茶 可 以 揀 Cappuccino 、檸 檬 薑 茶 或 有 機 可 樂 ,配 搭 上 係 咪 好 有 新 鮮 感 呢?

                 檸 檬 薑 茶 熱 嘅 飲 完 全 身 暖 笠 笠 ,舒 服!

                    

                     檸 檬 薑 茶 凍 嘅 薑 味 無 咁 出 ,但 都 好 飲!

                    

                     有 機 可 樂 有 可 口 可 樂 嘅 味 ,無 可 口 可 樂 嘅 氣 ,感 覺 有 啲 似 喺 Perrier 加 咗 少 量 可 樂 咁 ,但 一 試 無 妨 嘅!

                     

                     Cappuccino 凍 嘅 唔 係 咁 多 間 做 得 好 飲 ,但 呢 度 嘅 Ice Cappuccino 好 飲 到 . . . 次 次 嚟 都 要 飲 番 杯 ,靚 到 極 嘅 層 次 感 ,咖 啡 味 香 濃 到 呷 完 一 啖 ,唇 上 仲 有 一 陣 咖 啡 香 ,力 久 不 散 ,甜 度 亦 適 中 ,飲 完 一 杯 ,舒 服 到 不 得 了。

                     

       自 家 製 曲 奇 咖 啡 沙 冰 ($35) 係 散 點 嘅 心 水 推 介 ,沙 冰 夠 綿 碎 ,質 感 夠 滑 ,咖 啡 味 固 然 香 濃 ,沙 冰 配 上 曲 奇 碎 令 口 感 有 唔 同 層 次 ,過 癮!

       

       電 話 : 2997 8190                平 均 消 費 : $150 - $200 / 位 

      地 址 : 尖 沙 咀 彌 敦 道 100 號 The One L8

                 一 按 地 址 直 達 Google 地 圖

       

 


上一篇: 可口可樂 全城起勢CHOK獎

下一篇: Full/half 精緻甜品 half 篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,961,230
所有文章: 2,060
本日訪客人數: 1,800
累計訪客人數: 9,786,479