文章
相簿

節 祝 先 登

謝謝您的愛

不眠王子 於 2011年08月17日發表   人氣:578


      

       多 謝 大 家 關 心!

     由 於 身 體 出 現 嚴 重 問 題 ,好 耐 已 經 無 出 Blog 了。而 嚟 緊 呢 兩 個 月 ,精 神 及 身 體 狀 態 都 無 辦 法 可 以 容 許 自 己 跟 過 往 一 樣 咁 有 活 力 ,就 算 出 到 blog ,都 唔 可 以 好 似 以 前 咁 每 日 去 寫 一 篇。

     現 階 段 嘅 我 ,每 日 都 要 接 受 治 療 ,樂 觀 咁 講 ,希 望 個 幾 月 後 可 以 全 面 康 復 ,我 都 好 心 急 ,好 想 快 啲 好 番!

      

       多 謝 一 班 好 友 ,今 年 生 日 好 難 忘!精 彩 嘅 飯 局 、驚 喜 嘅 Birthday Cookie 及 Birthday Apple Pie 及 史 上 最 快 嘅 秒 殺 生 日 歌 . . . 好 感 動 、好 想 喺 你 哋 面 前 大 喊 一 場 ,發 洩 一 吓 近 幾 個 月 嚟 心 裡 面 嘅 唔 開 心 . . .

     但 ,我 唔 想 大 家 擔 心 ,所 以 眼 仔 水 汪 汪 ,都 唔 俾 佢 爆 出 嚟。

      

       多 謝 一 班 喺 Blog 識 嘅 好 友 ,另 一 個 難 忘 嘅 晚 上 ,另 一 個 精 彩 嘅 飯 局 ,仲 有 估 你 唔 到 嘅 驚 喜 Birthday Cake。真 係 好 感 動 . . . 你 哋 無 估 錯 ,當 晚 我 真 係 流 眼 淚 . . . 見 到 唔 少 朋 友 表 面 上 開 開 心 心 個 樣 ,但 充 滿 擔 憂 嘅 眼 神 ,我 真 係 忍 唔 住 . . .

      因 為 身 體 好 差 ,由 醫 院 飛 的 嚟 飯 局 ,我 衰 硬 頸 ,但 身 體 卻 撐 唔 到 我 去 到 尾 ,食 完 飯 又 要 飛 的 返 去 ,一 直 到 天 光。

                     

         多 謝 生 日 card 內 嘅 每 個 祝 福。

      

      多 謝 Bowie ,呢 個 錢 包 仔 令 我 愛 不 惜 手 ,我 日 日 夜 夜 都 袋 喺 身 架!一 針 一 線 ,都 感 覺 到 妳 用 咗 幾 多 心 機 、幾 多 時 間 去 繡 呢 個 錢 包 ,每 次 攞 上 手 ,都 覺 得 自 己 好 幸 福 ,係 真 嘅!每 次 都 有 呢 種 感 覺。

      

       多 謝 Meling ,無 諗 到 多 年 後 嘅 再 度 重 逢 ,會 喺 咁 短 時 間 之 內 成 為 無 所 不 談 嘅 知 己。妳 喺 我 心 目 中 嘅 地 位 ,等 同 家 人 一 樣。 

      

       多 謝 Alice ,人 夾 人 緣 ,我 都 無 諗 到 會 喺 咁 短 時 間 之 內 ,由 一 個 新 相 識 嘅 朋 友 仔 成 為 無 所 不 談 嘅 知 己。妳 喺 我 心 目 中 嘅 地 位 ,亦 係 等 同 家 人 一 樣。

      

       仲 要 多 謝 嘉 嘉 、Winnie Kwan 、Alison 、Tika 、Little Ka 、點 點 、閃 閃 、Daisy 、Aiki 、何 師 奶 、Mel 、蘇 蘇 、Elvina 、Alan 、學 而 、Kent 、Fion 、Paulinha Lok-Lok 、Bobo 、Jessica 、阿 清 、Ooboo 、Queenie 、Si Man 、Cheery 、Tako 、EC 、Toby 、Blanca 、Jessie 、A NiTa 、Grace Lai 、Irene Fish Fish 、Mei Lai 、Bonica 、HC 嘅 Vicky 、CS 嘅 Emily 、麗 景 Wing 、Vica Kalai 、Byron 、Winnie Choi 、Sze Pui . . . 等 一 大 班 朋 友 仔 嘅 支 持 . . . 仲 有 一 班 一 直 以 嚟 入 嚟 呢 個 Blog 撐 我 嘅 朋 友 仔 同 CD Rom ,係 呀!您 呀!

     身 體 差 ,我 會 努 力 同 病 魔 死 過!

     心 情 差 ,就 要 靠 您 哋 俾 正 能 量 我 了!

     謝 謝 您 的 愛!

      

 


上一篇: 李錦記綵燈大觀園 大魚燈籠高高掛

下一篇: 可口可樂 全城起勢CHOK獎


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,075,142
所有文章: 2,060
本日訪客人數: 590
累計訪客人數: 9,891,225