文章
相簿

→ 香 港

petite Amanda 甜姐兒的 法式餅店

不眠王子 於 2011年10月05日發表   人氣:1007





       7 月 底 應 太 陽 報 記 者 之 邀 ,為 佢 哋 新 欄 打 頭 陣 ,到 當 時 還 在 試 業 嘅 法 式 餅 店 petite Amanda 做 神 祕 顧 客 ,一 試 新 店 嘅 出 品 ,靜 雞 雞 俾 大 家 知 3 個 小 秘 密 吧!

1. 當 日 我 同 個 女 記 者 其 實 聯 手 買 晒 所 有 Amanda 嘅 出 品 ,就 連 咖 啡 都 試 咗 兩 款 ,然 後 喺 附 近 坐 低 一 口 氣 試 晒 ,埋 單 一 計 ,用 咗 over $600,係 咪 好 crazy 呢?但 可 能 版 位 有 限 (雖 然 已 經 出 咗 全 版),最 後 只 係 登 咗 一 半 款 式 咋!




  2. 喺 試 晒 所 有 蛋 糕 及 曲 奇 ,做 完 訪 問 之 後 ,我 獨 自 回 到 店 子 ,趁 無 乜 客 時 跟 Amanda 傾 吓 計 ,攞 資 料 方 便 寫 Blog ,Amanda 仲 叫 王 子 喺 開 幕 嗰 日 記 得 嚟 ,要 請 我 飲 咖 啡 呢!Grand Opening 吉 日 竟 然 正 正 係 王 子 嘅 牛 一 ,太 巧 合 了 吧? 




    3. 去 petite Amanda 試 食 當 日 係 7 月 25 日 ,收 據 上 嘅 number 仲 係 8xx 三 個 位 ,到 九 月 底 再 去 幫 襯 時 ,個 number 已 經 去 到 五 位 數 字 ,到 達 12000 啦!即 係 平 均 每 日 做 200 單 生 意 ,係 一 個 好 驚 人 嘅 數 字。




   粉 藍 、粉 黃 、粉 綠 ,店 子 以 粉 色 為 主 ,格 局 簡 約。




   純 白 配 粉 綠 ,外 形 如 金 字 塔 嘅 蛋 糕 包 裝 盒 設 計 別 具 一 格 ,男 生 攞 上 手 可 能 無 乜 感 覺 ,但 王 子 身 邊 嘅 朋 友 95% 以 上 都 係 女 生 ,對 佢 哋 有 一 定 嘅 了 解 ,我 深 信 呢 個 包 裝 會 令 買 咗 蛋 糕 嘅 女 生 特 別 有 滿 足 感。

  Imagine 吓!當 妳 買 完 蛋 糕 ,以 一 隻 纖 纖 玉 指 穿 過 盒 頂 嘅 黑 色 索 環 ,攞 住 個 好 似 Tiffany 嘅 小 盒 穿 過 IFC 嘅 大 小 名 店 . . . 買 蛋 糕 都 買 得 高 貴 過 人 ,Right?  




 雖 然 可 以 堂 食 ,但 只 得 幾 張 枱 ,找 一 個 位 唔 係 易 事。




以 食 蛋 糕 嚟 講 ,椅 子 唔 夠 "hea" ,枱 亦 偏 矮 咗 少 少 ,
所 以 每 次 買 完 蛋 糕 都 一 定 會 去 附 近 嘅 Starbucks 坐。  




 食 麵 包 自 己 向 來 受 軟 唔 受 硬 ,所 以 少 試 呢 度 嘅 包。




 Apple Danish ($17) 係 唯 一 最 吸 引 我 嘅 包 ,香 噴 噴 口 感 酥 脆 ,蘋 果 味 濃 得 嚟 又 好 天 然。



    曲 奇 有 5 款 ,包 裝 盒 好 靚 ,每 盒 $47 ,內 有 11 件 ,唔 係 主 打 ,放 喺 唔 太 起 眼 嘅 位 置 ,但 其 實 都 有 番 咁 上 下 質 素。




   Chocolate Chips Cookies ($47) 夠 鬆 脆、夠 牛 油 香、夠 朱 味。




 蛋 糕 10 款 ,分 咗 海 綿 、果 餡 、脆 撻 、脆 脆 層 幾 派。




 10 隻 手 指 都 有 長 短 ,蛋 糕 當 然 有 啲 較 平 凡 ,有 啲 就 相 當 突 出。



 王 子 喺 petite Amanda 嘅 第 一 次 ,就 已 經 係 嚟 一 個 Full。



    Amanda 雖 然 係 鬼 妹 仔 ,但 懂 得 見 微 知 著 嘅 道 理 ,就 算 店 外 人 龍 過 百 ,每 件 蛋 糕 入 盒 依 然 都 會 咁 細 心。



   每 件 蛋 糕 之 間 都 會 有 足 夠 空 位 ,而 且 店 員 仲 會 用 貴 價 嘅 膠 子 置 於 蛋 糕 托 嘅 底 部 ,穩 陣 到 不 得 了。



 
法 式 餅 店 另 一 亮 點 ,係 法 國 廚 具 名 牌 Le Creuset 支 持。




   Amanda's Verrine ($70) 係 第 一 代 嘅 價 錢 ,橙 肉 配 冧 酒 沙 巴 翁 伴 以 朱 古 力 脆 粒 ,口 感 及 味 道 都 夠 晒 多 層 次。放 喺 Le Creuset 嘅 小 瓷 砵 內 ,倍 添 幾 分 高 貴 感。




  第 一 代 仲 附 上 一 小 包 曲 奇 碎 ,令 口 感 再 多 一 個 層 次。




 Amanda's Verrine
($115) 係 第 3 代 嘅 價 錢 ,Le Creuset 小 瓷 砵 多 咗 個 蓋 ,所 以 要 賣 貴 多 $45?


 太 貴 啦!我 寧 願 唔 要 個 蓋 ,計 番 我 $70。




    Amanda's Verrine ($70) 第 3 代 賣 相 及 內 容 都 唔 同 咗 ,但 感 覺 比 第 一 代 好 食 ,美 中 不 足 係 賣 貴 咗 仲 要 無 得 跟 那 一 小 包 曲 奇 碎 ,層 次 感 當 然 少 咗。  




    Mille Feuille ($43) 用 一 個 獨 立 專 櫃 去 擺 放 ,喺 Amanda 店 中 最 熱 賣 嘅 出 品 ,每 一 round 出 24 件 ,但 好 難 得 至 影 到 全 家 福 ,我 親 眼 見 過 好 幾 次 下 午 茶 時 段 有 OL 一 買 就 要 20 件 甚 至 30 件 ,拿 破 崙 嘅 魅 力 真 係 強 勁 呀!



   拿 破 崙 賣 相 一 流 ,食 落 相 當 酥 脆 ,但 脆 中 帶 硬 ,口 感 不 及 Zoe 或 Mimosa 嘅 出 品 咁 酥 化。跟 Amanda 反 映 過 ,但 佢 話 自 己 就 係 鍾 意 偏 硬 身 嘅 拿 破 崙 ,Well!某 程 度 上 我 好 欣 賞 一 個 製 餅 師 有 自 己 嘅 堅 持 ,係 好 事!




   有 朋 友 話 呢 度 嘅 拿 破 崙 吉 士 落 得 比 較 多 ,但 我 認 為 吉 士 味 道 無 其 他 地 方 做 得 過 甜 ,所 以 份 量 多 少 少 係 OK 嘅! 



吉 士 滑 溜 得 嚟 甜 度 適 中 ,整 體 水 準 喺 香 港 可 入 三 甲。



   咁 正 嘅 拿 破 崙 ,值 得 喺 唔 同 嘅 角 度 "咔 嚓" 一 張。



   Plaisir Sucré ($48) 係 Amanda 嘅 至 愛 ,佢 話 佢 係 喺 法 國 甜 品 店 Ladurée 做 學 徒 時 學 整 嘅 ,8 層 糕 由 一 層 榛 子 蛋 白 脆 、一 層 焦 糖 脆 、一 層 杏 仁 蛋 糕 、兩 層 朱 古 力 慕 絲 及 3 層 牛 奶 朱 古 力 薄 脆 組 合 而 成。 



   8 層 糕 有 齊 鬆 脆 、酥 脆 、煙 韌 、軟 滑 等 不 同 口 感 ,正! 



  Merville
($39) 係 我 嘅 至 愛 之 一 ,香 港 較 少 機 會 食 到。


   少 機 會 食 到?外 觀 上 跟 出 面 集 團 西 餅 店 嘅 出 品 無 乜 分 別 ,但 實 際 上 外 面 嗰 層 係 薄 薄 海 綿 蛋 糕 ,捲 住 內 裡 嘅 士 多 啤 梨 慕 絲 ,最 後 放 上 幾 片 士 多 啤 梨。製 作 上 有 一 定 難 度 架!Amanda 笑 到 好 甜 咁 話 ,海 綿 蛋 糕 因 為 太 薄 ,而 慕 絲 又 太 軟 ,佢 最 初 學 整 時 都 捲 斷 過 唔 少 次。



海 綿 蛋 糕 軟 綿 綿 ,味 道 偏 輕 甜 ,食 多 件 都 無 罪 惡 感。



士 多 啤 梨 慕 絲 香 甜 幼 滑 ,滑 到 似 食 豆 腐 花 咁。



    Bresilienne
($41) 味 道 比 Merveille 更 上 一 層 樓 ,外 面 嗰 層 亦 係 薄 薄 嘅 海 綿 蛋 糕 ,捲 住 內 裡 嘅 咖 啡 及 焦 糖 慕 絲 ,最 後 放 上 兩 粒 咖 啡 豆 點 綴。




咖 啡 味 真 係 好 濃 ,所 以 要 焦 糖 中 和 ,但 後 者 味 道 唔 會 太 甜 ,食 完 一 件 係 唔 會 夠 喉 的。



    Charlotte aux Poires
($40) 係 洋 梨 慕 絲 ,上 面 再 加 幾 片 洋 梨 肉。較 特 別 係 一 般 嘅 Charlotte aux Poires 會 用 手 指 餅 圍 住 ,呢 度 卻 用 嚟 做 餅 底。



 味 道?清 甜 軟 滑 ,食 多 幾 件 都 唔 覺 膩。



    Chocolate Tart
($43) 用 法 國 嘅 Valrhona 70% 朱 古 力 ,質 感 濃 稠 ,朱 味 濃 到 不 得 了 ,牛 油 撻 皮 就 稍 嫌 厚 咗 少 少。



 朱 古 力 撻 朱 味 勁 濃 ,最 後 有 杯 熱 花 茶 配 合 嚟 食 啦!

  


     Mango Tart
($43) 無 乜 特 別 ,最 特 別 係 芒 果 肉 切 得 好 靚 ,味 道 非 常 鮮 甜 ,一 食 就 知 唔 係 用 平 價 芒。


  



 Delice aux Abricots
($45) 係 白 朱 古 力 慕 絲 加 上 杏 子 啫 喱 做 餡 及 法 國 直 送 嘅 曲 奇 做 餅 底。



 相 對 其 他 太 出 色 嘅 蛋 糕 ,呢 件 喺 味 道 上 較 為 失 色。



  Jasmine Vert ($39) 慕 絲 軟 滑 ,茉 莉 花 茶 啫 喱 芳 香 清 甜。



  電 話 : 2234 7222   平 均 消 費 : $40 - $115 / 位

 地 址 : 中 環 國 際 金 融 中 心 商 場 2 期 2 樓 2096 號 舖


 


上一篇: 法國布根地田螺 CitySuper期間限定

下一篇: Oliver's Super Sandwiches 愛‧焗薯


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,698,372
所有文章: 2,060
本日訪客人數: 665
累計訪客人數: 9,554,649