文章
相簿

→ 西 貢

全記海鮮菜館 西貢稱王 名不虛傳

不眠王子 於 2007年02月23日發表   人氣:1005


       

       新 年 假 期 有 9 日 咁 多 ,所 以 食 嘢 都 可 以 去 遠 啲!今 次 踩 入 西 貢 食 吓 海 鮮!海 傍 街 一 帶 好 多 間 海 鮮 食 店 都 幫 襯 過 ,始 終 都 係 鍾 意 全 記 海 鮮 ,佢 喺 西 貢 出 晒 名 架 啦!

       

  

        全 記 望 出 去 ,這 一 個 夜 ,個 view 好 迷 人 . . .



       

       全 記溫 馨 二 人 世 界 套 餐 係 附 近 同 類 食 店 最 正 嘅 ,選 擇 多 而 且 4 款 海 鮮 加 碟 油 菜 都 係 $348

,一 啲 都 唔 貴。

       

      見 到 咁 多 生 猛 靚 海 鮮 ,我 忍 唔 住 order 二 人 套 餐 之 餘 再 親 手 揀 咗 2 大 隻 虎 蝦 同 2 隻 巨 型 賴 尿 蝦 添!

     埋 單 . . . 4 隻 大 蝦 夾 埋 仲 貴 過 個 套 餐 . . . 條 總 數 夠 兩 個 人 去 食 酒 店 buffet 囉!

       

      白 灼 海 生 蝦 套 餐 份 量 俾 到 足 ,呢 度 應 有 大 半 斤 ,食 落 都 幾 鮮 味 呀!

       

       清 炒 菜 心 咁 大 碟 嘅!仲 好 新 鮮 爽 口 添!

       

       芝 士 焗 龍 蝦 ( 伊 麵 底 ) 勁 多 彈 牙 龍 蝦 肉 ,絕 唔 會 話 將 貨 就 價 ,係 個 伊 麵 差 啲 啫 . . .

       

      薑 蔥 焗 蟹 香 噴 噴 好 入 味 呀!蟹 肉 亦 鮮 味 十 足

       

       香 蒜 椒 鹽 游 水 墨 魚 咁 大 碟 . . . 兩 個 人 點 食 得 晒 呀?但 真 係 好 香 口、夠 晒 鑊 氣 呀! 墨 魚 新 鮮 一 啲 都 唔 韌 添!

       

       豉 油 王 煎 大 虎 蝦 王 子 揀 咗 游 得 最 快 嘅 2 隻 大 虎 蝦 煎 好 上 碟 啦!每 両 要 $12 架!賣 相 好 掂 呀!

       

       睇 吓 隻 大 虎 蝦 個 殼 幾 薄 ,啖 啖 肉 現 晒 出 嚟 呀!食 一 隻 已 經 有 飽 肚 嘅 感 覺 啦!

       

       椒 鹽 賴 尿 蝦 隻 隻 都 生 猛 大 隻 ,出 面 好 少 有 咁 巨 型 喎

       

       大 嗰 隻 賴 尿 蝦 接 近 一 尺 長 ,細 嘅 都 有 十 寸 長 架!

       

       王 子 未 食 過 咁 大 隻 賴 尿 蝦 ,諗 吓 點 入 手 之 際 ,有 個 男 侍 應 走 埋 嚟 教 王 子 點 用 較 剪 去 開 ,無 幾 耐 有 個 女 侍 應 埋 嚟 直 情 幫 王 子 剪 開 個 蝦 殼 添!

     今 時 今 日 咁 嘅 服 務 態 度 係 . . . . 無 得 頂 呀!

     可 能 王 子 猛 咁 影 相 ,佢 哋 以 為 我 係 記 者 啦!

       

       賴 尿 蝦 嘅 肉 多 到 呀 . . . 仲 好 大 嚿 添!好 奮 呀!

     啖 啖 肉 仲 勁 新 鮮 呀!

       

      食 飽 飽 仲 有 碗 紅 豆 沙 送 添!正 呀!煲 咗 好 耐 噃 

       

      可 以 坐 室 外 或 室 內 ,我 鍾 意 坐 室 外 ,空 氣 清 新 又 唔 迫

     

                                             返 食 指 數 :  ★ ★ ★ ★

 


上一篇: Drive-In 汽車影院 露天睇 翻生侏羅館

下一篇: 一壽司 旺角店 有姿勢 有實際


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,069,802
所有文章: 2,060
本日訪客人數: 1,095
累計訪客人數: 9,886,037