文章
相簿

→ 觀 塘

Pizzaholic 當五香肉丁 遇上Pizza

不眠王子 於 2011年10月30日發表   人氣:1273


  

  今 次 試 食 Pizzaholic 初 頭 只 係 為 咗 工 作 ,點 解 話 係 初 頭 呢?最 初 跟 靚 女 攝 影 師 拍 檔 Ooboo 都 係 抱 住 影 完 、食 少 少 就 閃 嘅 心 態 而 去 ,因 為 我 哋 兩 個 對 pizza 都 唔 係 太 喜 好 ,Ooboo 仲 話 佢 頂 盡 食 到 2 件 ,結 果 呢?成 個 團 購 套 餐 幾 乎 俾 我 哋 掃 清。

  因 為 太 好 味 . . . 囉!

  

   Pizzaholic 地 方 細 細 只 得 幾 張 枱 ,坐 得 一 打 客 左 右 ,所 以 主 要 係 做 take away ,但 裝 修 好 有 美 國 街 邊 風 格 ,形 呀!
 
   

    地 方 細 但 pizza 相 當 有 水 準 ,因 為 係 自 家 每 日 鮮 製 嘅!唔 明 我 意 思?食 完 呢 度 再 食 Pizza 乜 ,單 係 個 批 嘅 鬆 軟 度 已 經 高 下 立 見。

     

      Pizza 唔 一 定 買 全 個 ,可 以 買 一 件 都 得 ,咁 就 可 以 試 多 幾 款 口 味 啦!

     

       地 方 細 但 夠 整 齊 ,小 至 一 張 紙 巾 都 有 印 上 店 方 logo。

     

       Menu 兼 外 賣 紙 印 刷 精 美 ,估 唔 到 咁 細 間 店 有 多 達 12 款 pizza。

      

  成 個 團 購 套 餐 除 咗 有 一 個 9 吋 嘅 五 香 肉 丁 白 菌 薄 餅 或 風 乾 火 腿 薄 餅 + 廚 師 沙 律 + 芝 士 薯 條 + 餐 湯 或 餐 飲 3 份 之 外 ,店 方 最 後 仲 加 碼 送 多 碟 蕃 茄 辣 汁 燴 雞 絲 意 粉 添!

成 個 套 餐 加 埋 $80 有 找 ,抵 食 得 嚟 仲 無 限 時 段 供 應 ,快 啲 去 下 面 條 link 睇 詳 情 啦!

       www.bigdealhk.com

 
      

      

      芝 士 薯 條 玩 厚 切 鮮 炸 ,當 然 薯 味 十 足 啦!但 好 似 蛋 黃 咁 嘅 芝 士 醬 亦 相 當 吸 引。
   
      

風 乾 火 腿 薄 餅 如 果 去 啲 供 應 pizza 嘅 西 餐 廳 ,絕 對 無 可 能 $80 食 到 吧?

       

   9 吋 嘅 風 乾 火 腿 薄 餅 兩 個 人 share 其 實 都 好 夠 飽。

      

    Pizza 用 薄 批 ,風 乾 火 腿 一 大 片 ,芝 士 用 Mozzarella 跟 Cheddar cheese 混 合 而 成 ,薄 餅 中 間 仲 有 一 層 鮮 茄 打 成 嘅 蓉 ,一 食 就 知 落 足 料 去 整。
 
  

   五 香 肉 丁 白 菌 薄 餅 更 係 我 嘅 必 食 推 介 ,五 香 肉 丁 做 pizza ,味 道 超 有 驚 喜 呀!
  
      

   9 吋 大 嘅 五 香 肉 丁 白 菌 Pizza 又 係 玩 薄 批 ,因 為 係 即 叫 即 製 ,所 以 熱 氣 騰 騰 之 餘 仲 係 批 邊 脆 、內 鬆 軟。
   
       

望 住 一 堆 香 噴 噴 嘅 五 香 肉 丁 及 熟 口 熟 面 嘅 橙 色 辣 汁 ,真 係 唔 可 以 唔 佩 服 廚 師 點 解 諗 到 用 呢 樣 嘅 嚟 做 pizza ,但 更 加 諗 唔 到 嘅 係 個 pizza 會 咁 好 食 ,直 情 超 掂 呀! 

  

  五 香 肉 丁 固 然 惹 味 ,但 白 菌 亦 好 爽 滑 好 juicy  ,一 問 之 下 原 來 係 鮮 炒 後 焗 ,唔 怪 得 唔 似 得 出 面 食 開 啲 pizza 咁 乾 硬 化 啦! 
   
  

  再 加 埋 Mozzarella mix Cheddar cheese ,齋 諗 都 諗 到 有 幾 好 食 啦! 

   
 
   電 話 : 2797 2268    平 均 消 費 : $35 - $40 / 位 

  地 址 : 觀 塘 成 業 街 7 號 東 廣 場 地 下 G12 號 舖


  

 


上一篇: Pink Box 皇冠手袋掛鈎 美觀又實用

下一篇: 馬哥孛羅德國啤酒節 2011 始動


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,223,790
所有文章: 2,060
本日訪客人數: 1,312
累計訪客人數: 10,013,531