文章
相簿

生 活 潮 物

HTC Flyer 800小時 飛行實試

不眠王子 於 2011年11月21日發表   人氣:635




    早 排 喺 Blog 提 過 ,幾 個 月 嘅 悠 長 "病" 假 期 中 ,多 得 兩 件 好 東 西 陪 住 自 己 ,令 世 界 不 致 太 過 灰 色 ,一 件 係 多 用 途 掃 描 器 ,另 一 件 就 係 HTC 嘅 平 板 電 腦 Flyer

    感 激 HTC 對 王 子 咁 容 忍 ,我 由 8 月 11 日 部 機 到 手 ,一 直 試 到 而 家 ,真 係 唔 好 意 思 ,但 Flyer 嘅 好 用 程 度 ,完 全 取 代 咗 我 用 開 嘅 Samsung Galaxy Tab ,用 咗 三 個 幾 月 ,頭 尾 用 咗 800 小 時 以 上 ,前 者 充 分 掌 握 到 用 家 嘅 需 要 ,而 後 者 就 用 到 我 只 有 一 肚 氣 ,Galaxy Tab 有 幾 唔 user friendly 下 面 會 再 講。而 同 期 我 亦 試 咗 賣 相 一 流 但 無 內 置 Android 嘅 Blackberry 平 板 電 腦 Playbook ,最 後 王 子 都 係 選 擇 HTC Flyer 推 介。

    HTC 嘅 詳 細 資 料 上 官 網 睇 吧 : http://www.htc.com/hk-tc/tablets/htc-flyer/  我 唔 會 copy & paste 當 係 自 己 寫 咁 唔 負 責 任 ,因 為 我 呢 篇 係 以 用 家 心 態 寫 嘅!唔 係 嗰 啲 屈 人 送 部 機 ,但 又 求 其 左 抄 右 抄 幾 百 字 當 測 試 報 告 嘅 貪 心 Blogger。

    平 板 電 腦 追 求 嘅 係 方 便 、易 於 携 帶 ,10 吋 機 個 人 覺 得 真 係 太 大 部 ,超 唔 方 便。自 己 日 常 出 街 以 輕 便 為 主 ,7 吋 機 放 喺 斜 揹 袋 內 fit 到 極 ,單 手 攞 住 亦 無 問 題。相 反 經 常 見 到 人 單 手 攞 住 部 10 吋 機 行 街 都 幾 狼 狽 ,「捧」住 喺 餐 廳 影 相 更 會 惹 嚟 奇 異 目 光。我 知 道 Samsung 新 出 嘅 Galaxy Note 都 好 似 好 強 ,但 當 佢 係 手 機 又 大 過 龍 ,當 佢 係 平 板 電 腦 又 太 細 部 ,俾 人 高 不 成 、低 不 就 嘅 感 覺 ,最 重 要 係 佢 嘅 維 修 中 心 令 我 充 滿 陰 影。

    就 先 講 Samsung 嘅 維 修 中 心 及 after service 有 幾 混 亂 兼 混 脹 ,王 子 部 Galaxy Tab 買 咗 唔 夠 兩 個 月 就 死 機 ,閒 日 攞 上 Samsung 嘅 朗 豪 坊 維 修 中 心 ,由 攞 籌 到 見 到 服 務 員 足 足 等 咗 超 過 3 個 小 時 ,整 機 嘅 人 多 到 排 到 出 門 口 ,中 心 內 嘅 座 椅 又 嚴 重 不 足 ,門 口 連 接 待 員 都 無 個 ,而 服 務 員 亦 只 得 幾 丁 人 ,連 垃 圾 桶 啲 垃 圾 都 堆 到 瀉 晒 出 嚟 ,好 似 幾 日 無 人 清 理 咁。跟 Nokia 、Sony、Canon 等 多 個 大 品 牌 嘅 維 修 中 心 相 比 ,Samsung 真 係 唔 多 掂 ,咁 大 間 公 司 又 賣 相 機 、又 賣 電 話 、又 賣 電 視 等 ,有 乜 理 由 維 修 中 心 嘅 規 模 會 細 成 咁?會 亂 成 咁?

    部 機 整 完 之 後 無 耐 ,又 先 後 搵 人 打 電 話 嚟 幾 次 做 同 一 份 問 卷 調 查 ,之 後 又 話 會 送 番 張 超 市 禮 券 作 為 長 時 間 等 候 嘅 賠 償 ,隔 咗 多 日 之 後 打 嚟 又 話 唔 可 以 寄 去 郵 箱 ,只 可 以 速 遞 到 寫 字 樓 ,因 為 要 簽 收 ,好 啦!俾 咗 地 址 佢 ,結 果 影 都 無 ,到 今 日 都 仲 未 見 張 禮 券。




    因 為 用 HTC Flyer 用 得 太 開 心 ,所 以 搵 好 友 阿 寶 出 手 幫 部 機 影 幾 張 戶 外 靚 仔 相。香 港 有 唔 少 用 貴 相 機 嘅 所 謂 龍 友 ,連 角 度 都 未 識 攞 就 學 人 扮 專 家 ,過 往 出 席 各 類 型 嘅 blogger event 總 見 過 一 個 半 個 呢 類 自 大 狂 ,而 阿 寶 係 王 子 遇 過 真 心 愛 影 相 嘅 朋 友 仔 中 影 得 好 有 feel 嘅 女 孩 子 ,睇 佢 投 入 到 扒 晒 喺 草 地 就 知 啦! 



    講 外 表 ,Samsung Galaxy Tab 已 經 輸 晒 ,無 線 條 可 言 ,攞 上 手 感 覺 好 膠。相 反 Flyer 外 形 明 顯 花 過 心 思 ,採 用 鋁 金 屬 機 殼 ,感 覺 紥 實 得 多 ,手 感 一 流。



     HTC Flyer 用 鋁 金 屬 機 殼 除 咗 有 高 貴 嘅 感 覺 ,另 一 個 實 際 好 處 係 散 熱 ,即 使 我 長 開 24 小 時 ,機 身 都 唔 會 有 微 溫 ,相 反 Galaxy Tab 開 幾 粒 鐘 已 經 感 覺 到 微 溫 了。

    仲 有 ,Flyer 相 當 耐 用 ,開 住 部 機 正 常 咁 用 咗 兩 日 至 無 電。Galaxy Tab 呢?中 午 開 機 ,夜 晚 未 到 10 點 就 無 晒 電 ,帶 去 出 差 激 死 我。



HTC Flyer 機 身 兩 邊 呈 弧 形 ,感 覺 比 Galaxy Tab 修 身 好 多 ,其 實 兩 部 都 差 唔 多 厚。



Flyer 個 3.5mm headphone 位 亦 做 得 靚 過 Galaxy Tab ,音 色 表 現 亦 以 前 者 更 勝 一 籌。



     經 Flyer 頂 部 個 蓋 輕 輕 一 推 ,就 會 見 sim 咭 及 microSD 咭 嘅 儲 存 區 ,由 於 我 呢 部 係 3G + Wifi 版 ,內 置 記 憶 已 有 32GB ,所 以 平 平 哋 買 張 8GB microSD 咭 已 經 好 夠 用。



    HTC Flyer 採 用 1.5GHz 單 核 處 理 器 ,有 人 話 唔 用 雙 核 會 速 度 慢 啲 又 乜 又 物 ,呢 啲 人 肯 定 無 用 過 部 機 ,唔 好 睇 數 字 ,我 又 上 網 、又 Whatsapp 、又 微 博 、又 Google+ 、又 發 e-mail 、又 開 幾 個 分 頁 一 齊 做 嘢 . . . 不 知 幾 流 暢 ,用 得 幾 爽。相 反 我 用 開 嘅 Galaxy Tab 係 採 用 雙 核 處 理 器 ,但 單 係 開 Yahoo 首 頁 已 經 又 慢 又 窒 囉!

    仲 有 ,Flyer 嘅 開 機 速 度 非 常 之 快 ,著 機 幾 秒 已 經 可 以 開 始 使 用。Galaxy Tab 就 慢 到 嘔 電 ,著 機 等 咗 超 過 1 分 鐘 都 仲 未 用 得。



    HTC Flyer 7 吋 1024 x 600 嘅 屏 幕 色 調 相 當 sharp 醒 ,Home Screen 源 用 HTC 嘅 經 典 設 計 ,睇 吓 版 面 上 嘅 11 個 捷 徑 就 知 我 平 日 用 Flyer 做 乜 東 東 了。



3D HTC Sense 令 瀏 覽 時 變 得 更 有 動 感 ,每 次 開 機 睇 迫 真 嘅 天 氣 預 佈 最 過 癮。 



Launch Bar 有 3 個 可 自 訂 嘅 捷 徑 ,我 梗 係 揀 平 日 用 得 最 密 嘅 功 能 啦! 



    Flyer 平 日 備 用 時 會 有 個 金 剛 圈 鎖 住 個 畫 面 ,解 鎖 so easy ,向 上 掃 吓 個 圈 就 攪 掂 ,如 果 將 捷 徑 嘅 icon 拉 入 去 ,仲 可 以 直 接 去 到 所 需 要 嘅 功 能 添!



Home Screen 8 個 ,對 我 嚟 講 好 夠 用 ,做 嘢 或 上 網 都 唔 需 要 捐 來 捐 去 四 圍 搵。

 

將 "我 的 最 愛" set 去 其 中 一 版 ,平 日 上 開 邊 個 網 一 click 就 搞 掂。



睇 自 己 個 Blog ,就 算 有 勁 多 相 ,都 一 樣 咁 流 暢。



       其 他 app 就 放 去 另 外 一 版 ,雖 然 Flyer 內 置 嘅 Android 係 2.3.4 版 本 ,但 我 都 夠 用 嘅!

  

    Friend Stream 將 Facebook 、Twitter 等 社 交 網 集 中 喺 一 版 展 示 ,而 且 會 實 時 更 新 ,係 一 個 相 當 正 嘅 widget。



不 過 ,Google+ 就 要 獨 立 瀏 覽 ,放 唔 到 喺 Friend Stream 內 ,可 能 太 新 吧!



HTC Flyer 可 以 用 到 Facebook 嘅 Chat Room 跟 朋 友 傾 計 ,Galaxy Tab 就 . . . 做 唔 到。 



"連 絡 人" 又 係 一 個 好 正 嘅 功 能 ,想 同 朋 友 Whatsapp 或 send 電 郵 俾 佢 ,一 click 就 OK! 



     "日 曆" 方 便 記 低 日 常 工 作 外 ,仲 會 提 示 當 日 喺 你 Facebook 內 有 邊 個 朋 友 仔 生 日 添! 



     HTC Sense 當 然 有 應 用 喺 Flyer 之 內 ,閱 覽 新 聞 或 睇 書 時 會 相 當 方 便 ,將 網 頁 放 大 或 縮 小 時 ,文 字 會 自 動 變 更 大 細 並 重 新 排 列 ,呢 樣 對 我 極 之 重 要 ,我 部 Galaxy Tab 就 係 無 呢 個 功 能 ,搞 到 我 睇 文 章 時 不 知 幾 辛 苦。

 睇 以 下 3 張 圖 就 會 明 白 平 板 電 腦 係 唔 可 以 無 呢 啲 咁 基 本 嘅 功 能 囉! 







 Galaxy Tab 睇 同 一 段 字 就 要 喺 個 屏 幕 上 撥 嚟 撥 去 ,好 煩!



    HTC Flyer 有 兩 個 鏡 部 ,前 面 嘅 有 130 萬 像 素 ,機 背 嘅 就 有 500 萬 像 素 ,有 朋 友 話 質 素 好 過 iPad2 ,我 無 比 較 過 ,所 以 唔 知 ,但 就 肯 定 好 過 Galaxy Tab ,一 放 上 Google+ 就 會 好 覺。就 連 微 博 都 有 HTC 專 用 版 提 供 下 載 ,顯 示 相 片 時 嘅 質 素 會 好 好 多 呢!



 相 機 內 置 咗 多 種 效 果 設 定 ,相 當 有 用。



 除 咗 500 萬 像 素 ,影 出 嚟 仲 幾 夠 wide 添!



 HTC Flyer 另 一 殺 食 之 處 ,就 係 佢 支 好 好 玩 嘅 觸 控 筆 ,下 一 篇 再 講。



   To Be Continue . . .

 


上一篇: Sorriso 米芝蓮星級 Brunch 平嘆維港景

下一篇: 反斗奇兵 空降 海港城


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,335,238
所有文章: 2,060
本日訪客人數: 1,879
累計訪客人數: 10,116,397