文章
相簿

酒 店 Afternoon Tea

君悅酒店 Tiffin 半自助 High Tea

不眠王子 於 2012年02月07日發表   人氣:1847




   好 多 人 以 為 ,High Tea 係 闊 太 嘅 專 利 ,但 我 每 一 次 跟 朋 友 去 酒 店 嘆 下 午 茶 ,見 得 最 多 嘅 除 咗 闊 太 ,亦 有 唔 少 情 侶 及 生 意 人 ,情 侶 下 午 唔 需 要 返 工 咩?呢 個 世 界 既 有 輪 班 制 ,亦 有 人 會 放 閒 日 ,甚 至 好 似 我 呢 一 類 ,偶 然 蛇 王 去 輕 鬆 吓!

   君 悅 酒 店 閣 樓 嘅 Tiffin 茶 園 係 一 個 h
igh tea 嘅 好 地 方 ,地 方 大 、樓 底 高 、侍 應 足 、招 呼 好 ,而 且 價 錢 亦 算 合 理 ,閒 日 每 位 $218 ,兩 位 $436 ,比 呢 個 價 錢 更 經 濟 嘅 tea set 係 有 唔 少 ,但 質 素 呢?如 果 high tea 過 程 中 食 一 個 只 得 cup cake 、果 撻 、芝 士 三 文 治 嘅 普 通 tea set ,High tea 仲 有 乜 意 義?唔 好 忘 記 你 要 對 住 佢 兩 個 幾 小 時 喎!

   Tiffin 上 年 10 月 起 ,Afternoon Tea 大 變 "新" ,變 成 下 午 茶
半 自 助 餐 ,除 咗 tea set 必 備 嘅 5 層 餅 架 ,仲 有 個 規 模 相 當 大 嘅 任 食 雪 糕 甜 品 吧 ,食 tea set 都 可 以 食 到 回 本 ,你 試 過 未?加 上 爵 士 樂 三 重 奏 現 場 演 奏 舒 服 到 不 得 了 嘅 旋 律 ,High 呢 個 tea 真 係 有 百 幾 層 樓 咁 high。

    Afternoon Tea Set 雖 然 有 單 人 set ,但 二 人 set 嘅 陣 容 會 豐 富 一 點 ,計 落 仲 抵。唔 要 個 tea set ,純 係 幫 襯 任 食 雪 糕 甜 品 吧?得!每 位 $180 ,但 唔 包 餐 茶。小 學 生 都 識 計 ,$218 包 括 tea set 、雪 糕 甜 品 吧 及 餐 茶 ,抵 好 多 囉!所 以 老 友 Meling 早 兩 日 約 我 嚟 high tea ,開 心 死 我。

   High Tea 架 除 咗 有 型 ,仲 相 當 方 便 ,每 層 都 可 以 獨 立 放 上 枱 面 ,五 層 餅 架 有 鬆 餅 、三 文治 、macaroon、煙 三 文 魚 酥 皮 撻 、葡 撻 、芒 果 蛋 糕 等 15 款 鹹 甜 美 食。




 鬆 餅 固 然 外 鬆 脆 、內 鬆 軟 ,牛 油 味 也 香 濃。不 過 呢 . . .



  味 道 天 然 香 甜 的 果 醬 更 吸 引 我。



     Parma ham 伴 原 隻 無 花 果 至 係 絕 配 ,比 一 般 酒 店 用 蜜 瓜 當 然 豪 氣 得 多。



 煙 三 文 魚 酥 皮 卷 嘅 主 角 唔 係 煙 三 文 魚 ,而 係 厚 厚 的 酥 脆 酥 皮 卷。


 
 同 樣 ,鵝 肝 伴 蒜 蓉 包 及 葡 撻 ,主 角 係 鵝 肝 醬。



 葡 撻 要 熱 氣 騰 騰 才 好 食 ,所 以 呢 件 . . . 就 . . .



   面 層 加 上 車 厘 子 汁 嘅 鵝 肝 醬 好 味 到 難 以 形 容 ,濃 濃 嘅 鵝 肝 醬 滲 出 天 然 果 香 ,原 來 可 以 正 到 咁。

 

 桑 梅 林 明 頓 蛋 糕 味 道 唔 錯 ,Macaroon 就 麻 麻 哋 ,唔 夠 脆 口。

 

 士 多 啤 梨 撻 一 望 都 知 有 幾 好 食。 



芒 果 蛋 糕 水 準 相 當 高 ,啖 啖 芒 果 肉 夠 香 甜 之 餘 ,忌 廉 亦 芳 香 軟 滑。



 朱 古 力 蛋 糕 朱 味 香 濃 而 唔 會 太 甜 ,Good 呀!



 朱 古 力 慕 絲 脆 筒 最 正 自 然 係 香 軟 嘅 朱 古 力 慕 絲 啦!



   雪 糕 甜 品 吧 陣 容 強 勁 ,7 款 雪 糕 全 部 係 自 家 即 日 新 鮮 製 造 ,而 用 雪 糕 做 嘅 甜 品 亦 多 達 7 款 ,日 日 都 供 應 唔 同 款 式 ,仲 要 係 任 食 ,單 係 呢 part 已 值 回 票 價。


 雪 糕 甜 品 吧 太 精 彩 ,要 拍 段 video 至 表 達 出 心 中 嘅 興 奮。



 Macaroon 有 3 款 口 味 任 食 ,就 咁 食 亦 得 ,伴 雪 糕 食 更 正。







 黑 加 侖 子 啫 喱 係 自 家 製 ,味 道 似 某 隻 牌 子 嘅 果 汁 橡 皮 糖 ,必 試。



 窩 夫 即 叫 即 製 ,熱 氣 騰 騰 香 噴 噴 ,一 定 好 食 的。



 手 打 忌 廉 勁 香 軟 幼 滑 ,配 窩 夫 一 流。



   雪 糕 做 嘅 甜 品 當 日 有 紅 莓 檸 檬 雪 糕 撻 、芒 果 雲 呢 嗱 雪 糕 批、意 式 杏 仁 餅 雜 莓 雪 糕 、火 焰 雪 山 、Tiramisu 雪 糕 、忌 廉 乳 酪 雪 糕 三 文 治 及 黑 加 侖 子 蛋 白 餅。款 款 賣 相 都 吸 引 到 我 即 時 患 上 選 擇 困 難 症。

  味 道 如 何?我 已 經 plan 緊 短 期 內 再 去 過 ,因 為 未 夠 喉 囉!


 

 芒 果 雲 呢 嗱 雪 糕 批 扮 蛋 卷 ,其 實 係 雪 糕 來 的。

 

 紅 莓 檸 檬 雪 糕 撻 扮 檸 檬 撻 ,其 實 都 係 雪 糕 來 的。 

 

 火 焰 雪 山 

 

 意 式 杏 仁 餅 雜 莓 雪 糕 扮 macaroon ,其 實 亦 係 雪 糕 來 的。 

 

 Tiramisu 雪 糕 扮 Tiramisu ,其 實 都 係 雪 糕 來 的。 



 忌 廉 乳 酪 雪 糕 三 文 治 唔 需 要 扮 ,本 身 係 雪 糕 來 的。 



黑 加 侖 子 蛋 白 餅 扮 蛋 糕 ,其 實 又 係 雪 糕 來 的。



   5 款 雪 糕 及 兩 款 雪 芭 全 部 係 自 家 即 日 新 鮮 手 打 ,香 港 無 乜 幾 多 間 酒 店 做 到 ,就 算 做 到 亦 唔 會 一 次 過 有 血 橙 雪 芭 、芒 果 雪 芭 、黑 草 莓 忌 廉 雪 糕 、綠 茶 雪 糕 、朱 古 力 雪 糕 、雲 呢 嗱 雪 糕 、意 大 利 榛 子 雪 糕 等 咁 多 款 式 啦!



   7 款 雪 糕 試 咗 6 隻 口 味 ,滿 足 感 之 大 係 要 你 自 己 嚟 食 至 親 身 感 受 到。







 



 咁 樣 食 窩 夫 ,何 其 有 霸 氣 ,你 又 試 過 未?
 


 電 話 : 2584 7722    消 費 : $556 / 兩 位 (星 期 一 至 五) 
                                          $656 / 兩 位 (星 期 六、日 及 公 眾 假 期) 


 地 址 : 灣 仔 港 灣 道 1 號 君 悅 酒 店 閣 樓



 


上一篇: Godiva 情人節 朱古力禮盒 2012

下一篇: Okasix 日本No.1人氣 雙層芝士蛋糕


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,223,115
所有文章: 2,060
本日訪客人數: 637
累計訪客人數: 10,012,856