文章
相簿

→ 九 龍 區

海景嘉福酒店 The Mistral 高級食府 平易近人

不眠王子 於 2012年02月10日發表   人氣:954





       高 級 食 府 平 易 近 人 ,寫 出 嚟 就 好 容 易 ,做 到 嘅 又 有 幾 多?去 得 高 級 食 府 食 飯 ,相 信 大 家 事 前 已 做 好 價 錢 上 嘅 心 理 準 備 ,唔 會 每 道 菜 式 走 去 左 計 右 計 ,總 之 食 得 開 心 就 得 ,Right?偏 偏 有 部 份 白 鴿 系 餐 廳 收 高 級 價 錢 ,卻 提 供 低 級 服 務 ,中 環 一 帶 更 係 重 災 區 ,例 如 我 及 王 妃 ,分 別 跟 自 己 嘅 朋 友 幫 襯 過 嘅 Sevva ,一 直 被 我 哋 列 入 黑 名 單 ,好 食 又 如 何?香 港 大 把 餐 廳 好 食 過 佢 ,無 謂 為 咗 個 無 賣 相 可 言 卻 收 你 幾 百 蚊 嘅 high tea 層 架 ,或 者 為 咗 幾 款 招 牌 蛋 糕 而 受 氣。香 港 人 ,有 骨 氣 啲 啦!精 緻 又 好 味 嘅 蛋 糕 仲 有 好 多 間 架!

    好 彩 生 理 或 心 理 上 令 人 坐 得 舒 服 嘅 高 級 食 府 仍 然 佔 大 多 數 ,王 子 曾 經 推 介 過 海 景 嘉 福 酒 店 內 嘅 buffet 餐 廳 Cafe On M ,今 次 輪 到 推 介 酒 店 嘅 意 大 利 餐 廳 The Mistral。食 完 當 晚 已 作 出 兩 個 決 定 :

1. 盡 快 帶 王 妃 嚟 食 晚 餐!我 相 信 任 何 人 帶 另 一 半 嚟 必 定 有 一 個 難 忘 嘅 晚 上。

2. 寫 Blog 之 日 一 定 要 出 好 耐 無 見 嘅 王 子 印 章。




       The Mistral 海 風 餐 廳 位 於 酒 店 嘅 地 庫 樓 層 ,對 面 就 係 摘 下 米 芝 蓮 一 星 嘅 著 名 中 菜 廳 海 景 軒 ,由 門 口 望 入 去 餐 廳 內 嘅 第 一 個 感 覺 ,係 好 warm 好 舒 服 ,地 方 夠 大 ,餐 桌 雖 多 ,卻 無 丁 點 擠 迫 嘅 感 覺。更 重 要 嘅 係 service 唔 可 以 單 用 殷 勤 去 形 容 ,王 子 身 穿 一 件 Chocoolate 外 套 ,腳 踏 一 對 adidas 波 鞋 ,一 樣 享 受 到 最 貼 心 嘅 貴 賓 式 招 待。雖 然 王 子 跟 好 友 Meling 今 次 係 獲 酒 店 邀 請 嚟 試 菜 ,但 我 有 細 心 留 意 四 周 ,即 使 全 場 滿 座 ,侍 應 依 然 keep 到 好 好 嘅 service ,全 間 餐 廳 嘅 氣 氛 都 相 當 唔 錯。

    餐 廳 開 業 超 過 30 年 ,係 九 龍 區 罕 有 嘅 正 宗 意 大 利 餐 廳 ,正 宗 者 係 菜 式 仍 保 持 傳 統 嘅 意 大 利 風 味 ,味 道 尚 未 被 港 式 化 ,意 籍 總 廚 Eugenio Iraci 來 自 意 大 利 佩 魯 賈 ,曾 於 北 京 Ritz Carlton 嘅 Cepe 當 總 廚 多 年 ,擅 於 烹 調 最 地 道 嘅 意 大 利 風 味。而 餐 廳 內 更 有 nice 到 極 嘅 駐 場 專 業 品 酒 師 向 客 人 提 供 意 見 ,九 龍 區 嘅 高 級 食 府 中 亦 算 少 見。




       The Mistral 係 歐 洲 以 外 首 間 意 大 利 餐飲 協 會 Buon Ricordo 嘅 成 員 餐廳 ,所 以 四 周 牆 上 都 掛 滿 其 他 成 員 嘅 陶 碟 ,香 港 區 隻 碟 呢?



    香 港 區 代 表 係 一 隻 可 愛 嘅 龍 蝦 ,因 為 波 士 頓 龍 蝦 意 大 利 粉 一 直 以 來 都 係 餐 廳 嘅 招 牌 菜 ,想 擁 有 呢 隻 咁 有 紀 念 價 值 嘅 餐 碟 嗎?晚 餐 點 一 個 4 道 菜 嘅 Buon Ricordo Set Menu 就 會 送 你 一 隻 了。



    因 為 我 早 到 ,於 是 先 喺 餐 廳 四 圍 影 吓 相 ,無 論 影 那 個 位 置 ,都 唔 會 遇 到 像 中 環 TWG Tea 那 類 自 以 為 高 級 嘅 無 禮 貌 侍 應 阻 止 你 影 相 ,就 連 幾 位 正 在 忙 於 預 備 晚 市 嘅 廚 師 都 笑 笑 口 幫 我 擺 靚 靚 各 款 食 物 方 便 我 去 拍 照 ,印 象 分 自 然 要 加 啦!

 見 到 部 切 肉 片 機 ,再 望 見 旁 邊 多 款 即 切 火 腿 片 ,已 開 始 肚 餓 了。 




 影 影 吓 相 ,見 到 一 大 堆 意 大 利 麵 包 棒 Grissini 新 鮮 出 爐 ,好 香 啊!



      人 齊 埋 位 ,雖 然 對 面 坐 住 兩 位 酒 店 公 關 美 女 ,但 大 大 條 嘅 香 脆 Grissini 更 吸 引 我 ,一 邊 傾 計 我 一 邊 食 ,都 唔 記 得 食 咗 幾 多 條 了。



     意 大 利 水 牛 芝 士 配 煙 燻 火 腿 、沙 律 雜 菜 及 車 厘 茄 ($228) 煙 燻 火 腿 則 採 用 產 自 意 大 利 東 北 部 嘅 Speck Ham ,味 道 跟 我 哋 經 常 接 觸 嘅 Parma Ham 或 我 最 愛 嘅 San Daniele Ham 好 唔 同 ,質 感 比 較 乾 身 ,而 煙 燻 味 相 當 濃。

 

   水 牛 芝 士 做 得 好 時 感 覺 真 的 好 似 食 煎 蛋 白 一 樣 ,但 當 然 無 前 者 咁 厚 身 、咁 有 質 感 啦!

 

    黑 醋 吞 拿 魚 他 他 伴 海 膽 醬 配 紫 菜 及 芹 菜 沙 律 (HK$238) 係 帶 有 少 少 日 本 風 味 嘅 沙 律 ,鮮 味 十 足 嘅 吞 拿 魚 蓉 上 放 咗 唔 少 香 濃 嘅 海 膽。點 入 手 好?我 會 先 將 吞 拿 魚 他 他 及 海 膽 醬 搽 滿 蒜 蓉 包 上 ,好 豪 邁 咁 用 手 攞 住 嚟 食 ,之 後 才 食 新 鮮 嘅 沙 律 菜。



    巴 馬 火 腿 牛 肝 菌 薄 餅 配 水 牛 芝 士 、蕃 茄 及 火 箭 菜 ($228) 係 The Mistral 嘅 皇 牌 秘 密 武 器 ,個 人 認 為 係 全 城 最 好 食 嘅 薄 餅 之 一 ,單 係 為 咗 佢 已 值 得 再 嚟 一 次。



       Pizza 係 我 最 愛 嘅 薄 批 ,又 薄 又 香 脆 ,好 似 食 緊 蝦 片 咁 ,巴 馬 火 腿 薄 到 透 光 ,質 感 軟 滑。薄 餅 內 有 唔 少 牛 肝 菌 ,而 牛 肝 菌 係 先 經 蒜 蓉 及 香 草 炒 香 才 跟 水 牛 芝 士 及 蕃 茄 一 齊 焗 ,咁 薄 嘅 薄 餅 中 間 仲 夾 住 蕃 茄 層 ,茄 味 又 fresh 又 juicy!



 薄 餅 上 亦 有 唔 少 火 箭 菜 ,每 一 款 配 料 都 係 我 鍾 意 食 嘅!



 超 好 味 嘅 薄 餅 放 喺 咁 靚 嘅 餐 碟 上 ,成 件 藝 術 品 咁 . . . 但 都 要 食 架!



       中 途 仲 有 品 酒 師 James 哥 為 王 子 調 製 一 杯 不 含 酒 精 嘅 超 正 特 飲 ,望 住 杯 內 嘅 泡 泡 不 斷 向 上 昇 但 又 明 知 唔 係 香 檳 ,都 幾 好 feel!



    波 士 頓 龍 蝦 意 大 利 粉 ($398) 係 The Mistral 嘅 招 牌 菜 ,不 能 不 試 ,何 況 王 子 超 愛 食 龍 蝦 嘛!波 士 頓 龍 蝦 煮 好 後 拆 肉 , 再 用 蛋 黃 、蕃 茄 、蒜 頭 、辣 椒 、拔 蘭 地 、同 白 酒 等 熬 製 而 成 嘅 海 鮮 湯 去 煮 ,意 大 利 粉 高 筋 麵 粉 新 鮮 自 家 製 作 ,每 一 條 都 滲 滿 香 濃 嘅 湯 汁 ,但 又 al dente 到 極 ,比 龍 蝦 更 搶 鏡。



      香 烤 銀 鱈 魚 配 薯 仔 蔥 油 餅 及 紅 酒 燴 小 墨 魚 青 口 ($328) 睇 賣 相 已 知 道 必 定 好 味 ,鱈 魚 肉 質 勁 嫩 滑 兼 帶 微 微 酒 香 ,魚 皮 亦 煎 得 香 脆 ,最 特 別 係 小 墨 魚 跟 青 口 煮 成 嘅 湯 汁 ,配 合 滑 溜 魚 肉 ,味 道 出 奇 咁 夾。

 

     紅 酒 燴 和 牛 面 頰 配 芹 菜 頭 汁 及 黑 松 露 ($428) 係 總 廚 以 貴 價 嘅 高 級 紅 酒 跟 砵 酒 、迷 迭 香 、洋 蔥 、黑 椒 等 配 料 將 和 牛 面 頰 用 慢 火 炆 足 幾 個 鐘 頭 而 成。

 

     牛 面 頰 上 仲 放 咗 唔 少 黑 松 露 落 去 ,香 氣 撲 鼻 而 至 ,當 然 流 晒 口 水 啦! 牛 面 頰 入 口 軟 腍 到 不 得 了 ,膠 質 相 當 重 ,係 靚 女 養 顏 必 食 嘅 菜 式 吧!



    焦 糖 云 呢 嗱 配 果 仁 糖 雪 糕 ($108) 夠 晒 特 別 ,一 個 玻 璃 碗 內 有 一 球 雪 糕 ,碗 頂 蓋 上 一 片 朱 古 力 ,點 食 好 呢?



  侍 應 將 熱 朱 古 力 淋 上 碗 頂 那 片 朱 古 力 . . . .



       朱 古 力 片 嘅 中 心 即 時 溶 掉 ,朱 古 力 漿 自 動 淋 在  果 仁 糖 雪 糕 上 ,食 雪 糕 都 有 得 玩 ,夠 驚 喜 未?



       黑 朱 古 力 心 太 軟 蛋 糕 配 番 紅 花 雪 糕 ($118) 心 太 軟 相 對 其 他 餐 廳 內 嘅 甜 品 稍 為 遜 色 ,係 番 紅 花 雪 糕 嘅 味 道 比 較 特 別。



     特 式 意 大 利 芝 士 蛋 糕 ($98) 軟 滑 之 餘 帶 微 微 酒 香 ,水 準 很 高 ,最 抵 死 係 上 面 粒 macaron 都 好 新 鮮 、好 鬆 脆。



       享 受 完 一 席 豐 富 嘅 意 大 利 盛 宴 ,飲 一 杯 熱 咖 啡 令 整 件 事 更 覺 完 美 ,而 我 愛 幫 雙 唇 來 個 泡 泡 浴 ,這 裡 嘅 Cappuccino . . . 唔 ~ 到 而 家 仲 記 得 那 股 咖 啡 香。 

 



 Petit Fours 有 Amedei 朱 古 力 ,濃 度 70% 那 粒 配 熱 咖 啡 一 流。



電 話 : 2731 2870           平 均 消 費 : $600 - $900 / 位

地 址 : 尖 沙 咀 麼 地 道 70 號 海 景 嘉 福 酒 店 B2 層


    

 


上一篇: Manfrotto Pocket 迷你腳架 物輕 義重

下一篇: Godiva 情人節 朱古力禮盒 2012


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,223,877
所有文章: 2,060
本日訪客人數: 1,399
累計訪客人數: 10,013,618