文章
相簿

→ 尖 沙 咀 → 九 龍

Greyhound Cafe 尖沙咀店 甜品篇

不眠王子 於 2012年03月12日發表   人氣:1120




     
由 泰 國 曼 谷 登 陸 香 港 嘅 人 氣 食 店 Greyhound Cafe 去 年 曾 經 意 圖 幫 襯 ,仲 記 得 當 晚 喺 門 口 跟 接 待 講 兩 位 時 ,對 方 答 咗 句 :「無 位 喎!唔 知 要 你 等 幾 耐 喎!」跟 住 就 行 開 咗 ,加 上 喺 微 博 睇 到 單 唔 俾 影 餐 牌 兼 被 惡 言 相 向 事 件 ,王 子 有 一 段 時 間 對 呢 間 餐 廳 失 晒 興 趣。到 2 月 頭 知 道 餐 廳 喺 尖 沙 咀 開 分 店 ,即 管 再 俾 多 次 機 會 佢。



   
Greyhound Cafe 尖 沙 咀 店 地 方 比 中 環 店 闊 落 得 多 ,Service 亦 好 得 多 ,餐 廳 、餐 牌 任 影 唔 嬲 ,連 接 待 都 勁 好 禮 貌 ,早 前 喺 無 表 露 身 份 下 打 電 話 去 餐 廳 問 番 幾 款 菜 式 嘅 價 錢 時 ,接 聽 嘅 女 侍 應 不 但 nice 到 極 ,佢 聽 到 王 子 有 幾 聲 咳 ,臨 收 線 前 話 呢 排 好 多 朋 友 都 唔 舒 服 ,希 望 我 早 日 康 復。王 子 都 係 第 一 次 喺 餐 廳 收 到 咁 嘅 溫 馨 祝 福 ,印 象 分 梗 係 俾 足 100 分 啦!



    
單 係 一 個 二 月 ,王 子 幫 襯 Greyhound Cafe 尖 沙 咀 店 已 經 多 達 5 次 ,包 括 兩 次 飲 下 午 茶 及 3 次 食 晚 飯 (仲 未 計 3 月),以 我 呢 類 鍾 意 周 圍 去 食 嘢 嘅 人 ,算 係 近 期 少 見。但 喺 度 必 須 申 報 利 益 ,其 中 兩 餐 晚 飯 係 由 其 他 人 請 嘅 ,一 次 係 同 朋 友 仔 去 食 飯 時 ,中 途 王 子 被 點 相 介 紹 俾 店 方 負 責 人 認 識 ,張 單 最 後 由 店 方 請 客。另 一 次 係 出 席 海 港 城 情 尋 朱 古 力 活 動 後 到 Greyhound 食 晚 飯 ,由 有 關 單 位 埋 單。但 正 確 嚟 講 無 一 餐 涉 及 餐 廳 嘅 公 關 推 廣 ,不 過 王 子 係 唔 係 都 會 照 直 講 好 唔 好 食。



    Greyhound 嘅 格 局 跟 足 曼 谷 元 祖 店 ,餐 枱 、餐 具 以 至 食 材 都 係 由 泰 國 直 送 ,唯 一 唔 同 嘅 係 價 錢 ,無 法 ,兩 邊 嘅 生 活 指 數 相 差 咁 遠 ,話 香 港 價 錢 訂 得 貴 嘅 人 都 無 乜 智 慧 ,你 試 吓 去 泰 國 打 工 睇 吓 搵 幾 錢 一 個 月?  



 呢 篇 先 講 甜 品 ,咁 多 餐 夾 埋 嘅 甜 品 都 要 出 30 張 相 . . .



    左 邊 係 主 餐 牌 ,右 邊 係 甜 品 menu ,厚 到 咁?因 為 甜 品 款 式 有 幾 十 款 ,比 中 環 店 多 好 多 ,因 為 Greyhound 喺 曼 谷 有 間 甜 品 店 叫 Sweet Hound ,所 以 尖 沙 咀 店 係 集 合 咗 兩 間 店 嘅 精 髓 ,睇 見 啲 相 仲 影 到 鬼 咁 靚 ,好 想 攞 本 走 . . .



    Thai Black Coffee Granita ($58) 即 係 泰 式 黑 咖 啡 刨 冰 ,將 
泰 國 黑 咖 啡 雪 凍 再 刨 成 冰,甜 度 無 添 加 ,入 口 有 種 甘 苦 與 共 嘅 感 覺 ,大 杯 到 我 一 個 人 都 食 唔 晒 (味 道 太 甘 啦!) ,愛 啡 之 人 必 試。



 
     Fresh Made Apple Crumble ($58) 係 即 叫 即 製 ,所 以 要 等 一 段 時 間 ,份 量 足 夠 一 個 人 食 有 餘 ,熱 烘 烘 、香 噴 噴 ,甜 度 適 中 ,好 食!



 
     Tub Tim Krob Greyhound Style ($68) 係 泰 國 地 道 甜 品 ,Tub Tim Krob 當 地 叫 脆 石 榴 ,但 跟 石 榴 無 關 ,其 實 係 將 馬 蹄 切 粒 浸 入 泰 式 紅 糖 水 上 色 ,然 後 再 加 椰 肉 條 、椰 汁 冰 ,味 道 . . . 好 甜 、太 甜 、超 甜 ,Sorry!頂 唔 順!



     
Chow Kuay ($58) 其 實 即 係 泰 式 涼 粉 ,不 過 喺 面 頭 加 上 大 量 黑 糖 ,自 然 另 有 一 番 風 味。



    Mango with Sticky Rice ($68) 即 係 芒 果 糯 米 飯 ,賣 相 好 吸 引 ,但 價 錢 就 . . . 貴 咗 啲!



 芒 果 亦 由 泰 國 直 送 ,唔 好 食 至 奇。



     Strawberry Garden ($58) 即 係 士 多 啤 梨 雪 芳 蛋 糕 ,仲 有 一 小 杯 士 多 啤 梨 漿 相 伴 ,靚 到 殺 死 人。  



 為 自 己 加 點 甜 ,好 玩 亦 好 食。



 王 子 出 手 玩 ,好 友 阿 寶 出 手 影 . . . 不 過 我 都 係 事 後 至 知。



 Classic Chocolate Cake ($58) 水 準 唔 錯 ,朱 味 足 又 唔 會 太 甜。



   朱 古 力 蛋 糕 面 層 仲 有 厚 厚 嘅 朱 古 力 醬 ,未 放 埋 口 已 聞 到 陣 陣 朱 古 力 香。



 朱 古 力 蛋 糕 質 感 鬆 軟 ,但 又 唔 會 軟 到 好 似 海 綿 蛋 糕 咁。



 芒 果 千 層 蛋 糕 ($68) 靚 到 呢 . . . 食 咗 一 啖 已 即 時 愛 上。



    千 層 蛋 糕 採 用 大 量 泰 國 芒 果 肉 層 層 疊 ,再 加 勁 多 芒 果 漿 喺 面 ,幸 福 到 滿 瀉 呀! 


 芒 果 確 鮮 甜 ,蛋 糕 亦 鬆 軟 ,要 一 細 啖 一 細 啖 慢 慢 去 嘆。



 Greyhound 嘅 千 層 蛋 糕 應 該 可 以 成 為 店 方 嘅 招 牌 甜 品 。



 雜 莓 千 層 蛋 糕 ($68) 美 豔 度 唔 會 比 芒 果 千 層 蛋 糕 遜 色。



 雜 莓 千 層 蛋 糕 香 味 更 濃 ,甜 中 帶 兩 分 酸 ,大 啖 食?太 浪 費 咯!



 千 層 蛋 糕 亦 加 咗 勁 多 草 莓 漿 喺 面 ,又 係 幸 福 到 瀉 晒 落 碟。 



 千 層 蛋 糕 揀 芒 果 定 雜 莓 好?打 孖 上 囉 . . . 笨!


 
     鮮 椰 青 千 層 蛋 糕 ($78) 賣 相 無 咁 吸 引 ,價 錢 又 比 其 他 千 層 蛋 糕 貴 少 少 ,但 勝 在 少 有 噃!



    千 層 蛋 糕 有 好 多 好 多 鮮 椰 青 肉 ,味 道 清 甜 椰 味 濃 ,軟 軟 哋 口 感 好 特 別。 



 不 過 ,我 都 係 鍾 意 芒 果 及 雜 莓 千 層 蛋 糕 多 啲!



 電 話2383 6600                  平 均 消 費 : $80 - $100

 地 址 : 
尖 沙 咀 廣 東 道 17 號 海 港 城 海 運 大 廈 地 下 G01 號 舖


 


上一篇: Greyhound Cafe 尖沙咀店 美食篇

下一篇: Manchester United Restaurant Bar - 已結業


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,409,852
所有文章: 2,060
本日訪客人數: 1,852
累計訪客人數: 10,185,601