文章
相簿

→ 尖 沙 咀

Greyhound Cafe 尖沙咀店 美食篇

不眠王子 於 2012年03月14日發表   人氣:1569




      單 係 二 月 ,王 子 幫 襯 Greyhound Cafe 尖 沙 咀 店 已 經 多 達 5 次 ,包 括 兩 次 飲 下 午 茶 及 3 次 食 晚 飯 (仲 未 計 3 月),甜 品 都 試 咗 超 過 10 款 ,主 餐 牌 嘅 美 食 當 然 試 咗 更 多 啦!所 以 要 分 開 兩 篇 Blog 去 寫。一 間 餐 廳 無 可 能 瓣 瓣 掂 、樣 樣 精 ,由 於 咁 多 餐 都 係 跟 唔 同 嘅 朋 友 share ,邊 樣 好 食 邊 樣 麻 麻 大 家 意 見 頗 一 致 ,所 以 喺 某 程 度 上 有 一 定 參 考 性 ,希 望 你 搵 到 心 水 美 食 啦! 



      Greyhound Cafe 左 邊 嗰 本 係 主 餐 牌 ,跟 甜 品 menu 一 樣 ,款 式 比 中 環 店 多 好 多 ,上 文 講 過 尖 沙 咀 店 service 好 得 多  、坐 得 又 舒 服 ,所 以 我 已 經 將 中 環 店 拋 諸 腦 後 了。



      泰 式 柚 子 沙 律 ($88) 係 王 子 嘅 心 水 推 介 ,因 為 他 跟 市 面 一 般 泰 菜 館 嘅 柚 子 沙 律 不 一 樣。



      Greyhound 嘅 柚 子 沙 律 加 咗 大 量 銀 魚 乾 ,惹 味 又 好 咬 口 ,跟 香 甜 柚 子 一 齊 食 ,口 感 爽 到 不 得 了。 



    薄 切 三 文 魚 配 泰 式 辣 汁 ($98) 係 另 一 心 水 推 介 ,相 信 靈 感 嚟 自 泰 式 生 蝦 刺 身 ,薄 切 三 文 魚 伴 上 大 量 橄 欖 油 、九 層 塔、青 檸 汁 、蒜 片 、薄 荷 葉 等 香 料 ,賣 相 靚 之 餘 還 非 常 之 醒 胃。怕 醬 汁 太 濃 會 太 搶 味?你 食 三 文 魚 刺 身 會 唔 會 唔 蘸 wasabi 及 魚 生 豉 油 呢?



    炸 越 式 長 春 卷 ($68) 熱 烘 烘 香 口 鬆 脆 ,春 卷 內 嘅 豬 肉 碎 及 磨 菇 粒 堆 得 滿 滿 ,好 食。 



    脆 炸 粟 米 蟹 肉 餅 ($88) 炸 得 金 黃 熱 辣 辣 ,香 脆 好 咬 口 ,蘸 少 少 泰 式 酸 甜 醬 仲 好 食。蟹 肉 份 量 都 算 多 ,但 呢 個 價 錢 如 果 要 求 食 到 啖 啖 鮮 甜 蟹 肉 係 不 切 實 際 啲。 



    招 牌 脆 炸 單 骨 雞 翼 (68) 相 信 係 任 何 人 到 Greyhound 朝 聖 必 點 之 物 ,我 5 餐 都 有 點 嚟 食 ,仲 記 得 情 尋 朱 古 力 活 動 後 那 一 餐 ,十 幾 人 嘅 飯 局 食 剩 咗 碟 半 單 骨 雞 翼 ,我 將 之 全 部 打 包 做 宵 夜 ,到 天 光 剛 好 消 化 晒 . . . 我 真 係 好 鍾 意 食 雞 翼 的。 
 



    單 骨 雞 翼 份 量 唔 算 少 ,$68 有 十 幾 隻 ,比 唔 少 酒 吧 抵 食。店 方 將 雞 中 翼 開 邊 ,然 後 用 斑 蘭 葉 、魚 露 、辣 椒 等 多 種 配 料 醃 過 夜 ,客 人 落 單 後 才 即 炸 ,送 到 埋 口 自 然 又 熱 又 香 口 啦!  



 
     單 骨 雞 翼 炸 得 乾 身 唔 油 膩 ,雞 肉 卻 嫩 滑 依 然 ,最 正 係 軟 骨 部 份 都 咁 好 味 ,條 條 骨 都 俾 我 啜 到 乾 乾 淨 淨。


 

    奇 趣 三 文 治 碗 ($88) 其 實 係 凱 撒 沙 律 ,伴 以 吞 拿 魚 肉 及 切 粒 麵 包 ,一 粒 粒 點 變 三 文 治 呢?將 吞 拿 魚 沙 律 三 文 治 散 晒 落 個 碗 度 食 ,雖 然 好 味 ,但 感 覺 好 怪 . . . 不 枉 佢 配 上 奇 趣 之 名。



   
泰 式 沙 嗲 雞 柳 串 ($88) 包 括 彩 椒 及 雞 柳 各 3 串 ,另 跟 沙 嗲 醬 汁 及 麵 包 粒 ,輕 烤 過 嘅 彩 椒 香 噴 噴 之 餘 口 感 爽 脆 又 多 汁 ,雞 柳 肉 質 亦 夠 嫩 滑 ,正 到 食 咗 半 串 至 醒 起 未 蘸 沙 嗲 醬。



    
海 鮮 芝 士 餡 餅 ($98) 勁 似 葱 油 餅 ,但 完 全 唔 油 膩 ,攞 上 手 仲 係 熱 烘 烘 ,內 有 香 噴 噴 嘅 mozzarella 芝 士 汁 包 住 蝦 肉 、魷 魚 等 海 鮮 ,好 食 到 一 上 枱 即 被 大 家 掃 清。  



     
秘 制 辣 肉 醬 手 包 粉 卷 ($88) 有 啲 似 越 式 生 菜 包 ,所 唔 同 嘅 係 多 咗 粉 卷 皮 及 一 碗 辣 肉 醬 ,點 玩 呢?梗 係 搵 靚 女 示 範 啦!


  朋 友 仔 係 咪 包 得 好 靚 呢?



 辣 肉 醬 手 包 粉 卷 爽 口 得 嚟 帶 少 少 香 辣 ,值 得 一 試。 



    
冬 蔭 公 湯 配 意 大 利 雲 吞 ($98) 一 個 超 怪 嘅 組 合 ,仲 記 得 跟 朋 友 第 一 次 嚟 時 ,因 為 只 見 冬 蔭 公 湯 而 唔 見 意 大 利 雲 吞 ,於 是 搵 侍 應 查 問 ,幾 經 辛 苦 ,終 於 撈 到 兩 小 隻。



    
冬 蔭 公 湯 味 道 尚 可 ,只 係 熱 度 不 足 ,但 意 大 利 雲 吞 . . . 包 到 似 廣 東 雲 吞 ,竟 然 有 散 尾 ,意 大 利 雲 吞 唔 係 起 角 嘅 咩?呢 個 係 一 個 謎。但 意 大 利 雲 吞 內 放 河 蝦 粒 ,雲 吞 太 細 隻 ,食 咗 都 無 乜 感 覺 ,試 完 就 算。



    白 烚 銀 雪 魚 配 酸 辣 汁 ($248) 夠 晒 特 別 ,亦 好 好 食 ,鱈 魚 肉 質 滑 溜 到 不 得 了 , 入 口 即 溶 ,仲 帶 少 少 酸 辣 汁 香 ,係 一 道 清 新 開 胃 菜 式 ,不 過 唔 知 點 解 咁 貴 ,可 能 魚 係 用 野 生 嘅 貨 色 呱!



    
豬 肉 串 燒 配 糯 米 飯 ($?) 唔 記 得 幾 錢 ,反 正 唔 推 介。糯 米 飯 用 個 透 明 膠 袋 裝 住 ,感 覺 唔 太 衛 生 ,飯 粒 溫 溫 吞 吞 ,唔 知 點 咁 ,豬 肉 亦 燒 得 太 乾 ,無 晒 肉 汁。


 

    泰 式 蒜 茸 虎 蝦 配 白 飯 ($148) 配 個 清 湯 ,細 碼 虎 蝦 只 得 幾 隻 ,伴 以 大 量 蒜 茸 ,滴 少 少 青 檸 汁 落 去 ,都 幾 好 食 嘅 ,但 稍 嫌 貴 咗 少 少。



 鮮 蝦 炒 金 邊 粉 ($108) 配 料 豐 富 ,可 惜 鑊 氣 欠 奉。



 泰 式 豬 肉 丸 湯 河 ($78) 無 試 到 ,所 以 無 評 語。



 鹹 魚 乾 辣 椒 炒 飯 ($88) 外 表 平 凡 ,但 實 際 上 非 常 精 彩 ,推 介!   



   
鹹 魚 乾 辣 椒 炒 飯 炒 得 香 、有 鑊 氣 ,粒 粒 夠 乾 身 ,鹹 魚 由 泰 國 直 送 ,夠 晒 鹹 香 但 又 唔 會 鹹 過 龍 ,勁 好 食 ,而 且 份 量 多 到 夠 兩 個 人 去 share 添!



    
香 煎 海 鱸 魚 配 紅 咖 喱 汁 ($248) 食 落 無 乜 特 別 ,價 錢 亦 偏 貴 ,市 面 食 同 類 菜 式 頂 盡 都 只 係 $180 左 右 之 嘛! 



   
煙 肉 磨 菇 白 汁 意 大 利 麵 ($108) 水 準 之 上 ,配 料 份 量 十 足 ,意 粉 軟 硬 適 中 兼 且 夠 creamy。



    
鮮 蝦 帶 子 墨 魚 汁 麵 ($128) 唔 好 以 為 只 係 普 通 墨 魚 汁 麵 ,其 實 加 咗 泰 式 元 素 ,包 括 泰 國 辣 汁 及 魚 露 ,對!這 道 墨 魚 汁 麵 係 辣 的 ,惹 味 十 足。再 加 上 有 相 你 睇 嘅 大 大 隻 鮮 蝦 及 帶 子 ,喺 Greyhound 嚟 講 係 最 值 得 推 介 嘅 一 款 麵 食。



     
香 辣 鹹 牛 肉 意 大 利 麵 ($98) 亦 相 當 有 特 色 ,加 咗 泰 式 香 料 去 烹 調 ,辣 辣 哋 都 幾 過 癮。



   
Ice Lemon Tea Greyhound Style ($35) 係 Greyhound 嘅 招 牌 飲 品 ,採 用 泰 國 茶 葉 製 作 ,就 連 冰 粒 亦 係 用 茶 雪 成 冰 ,即 使 冰 粒 溶 咗 ,茶 味 都 唔 會 變 淡。網 上 有 人 話 粒 冰 係 加 咗 糖 ,其 實 佢 係 百 份 百 茶 冰 ,咁 糖 漿 在 那 裡? 望 望 杯 底 吧!唔 想 咁 甜 可 要 求 少 甜 或 走 甜 的。



 
  侍 應 仲 會 幫 你 分 開 上 ,先 奉 上 裝 滿 茶 冰 及 青 檸 檬 片 嘅 杯 ,再 用 另 一 小 杯 為 你 斟 茶。



   
泰 國 茶 茶 味 相 當 香 濃 ,濃 度 仲 可 以 一 直 keep 到 飲 完 為 止 ,而 青 檸 配 合 咁 濃 嘅 茶 比 黃 檸 檬 更 夾 味 ,出 名 係 有 原 因 嘅!


 

    Thai Iced Coffee ($36) 味 道 勁 香 濃 ,但 唔 係 人 人 都 慣 飲 呢 種 咁 濃 烈 嘅 泰 國 咖 啡 ,而 且 凍 飲 感 覺 都 幾 齋 啡 吓。



   
Thai Iced Tea With Milk ($36) 味 道 正 好 多 ,茶 味 香 濃 ,又 有 奶 香 ,大 大 杯 勁 抵 飲。



   Pink Cooler ($58) 係 由 西 瓜 、菠 蘿 及 橙 混 合 而 成 嘅 沙 冰 ,勁 好 飲 但 偏 貴。



 
Lemongrass Drink ($35) 亦 係 沙 冰 ,酸 酸 哋 味 道 唔 錯。



 
   
蝴 蝶 豆 甜 菊 花 茶 ($28) 有 個 好 靚 嘅 英 文 名 叫 Butterfly Pea & Stevia Tea ,蝴 蝶 豆 其 實 係 會 開 藍 色 小 花 嘅 擧 藤 植 物 ,據 講 可 以 提 高 免 疫 力 ,增 加 皮 膚 嘅 彈 性 及 骨 膠 原 ,仲 可 以 防 止 胃 痛 發 作 添!咁 勁?女 仕 們 必 愛 啦!而 甜 菊 本 身 糖 份 超 高 ,所 以 飲 呢 種 花 茶 就 咁 飲 都 得 ,不 過 ,我 發 現 好 多 人 都 唔 識 正 宗 嘅 飲 法 ,飲 完 亂 咁 寫 ,話 淡 而 無 味。

    
蝴 蝶 豆 甜 菊 花 茶 上 到 枱 時 唔 好 即 刻 飲 ,要 焗 至 少 8-10 分 鐘 ,花 茶 味 先 會 慢 慢 滲 出 嚟 ,倒 半 杯 、呷 一 啖 ,感 受 吓 甘 香 嘅 花 茶 味 ,然 後 每 次 要 飲 時 至 斟 適 當 嘅 份 量 ,唔 好 一 次 過 倒 滿 一 杯 ,咁 你 就 會 越 嚟 越 享 受 到 呢 種 藍 色 花 茶 嘅 獨 特 味 道 了。



 電 話 : 2383 6600                  平 均 消 費 : $250 - $300

 地 址 : 尖 沙 咀 廣 東 道 17 號 海 港 城 海 運 大 廈 地 下 G01 號 舖


 


上一篇: 皇家太平洋酒店 柏景餐廳 自助晚餐 甜品篇

下一篇: Greyhound Cafe 尖沙咀店 甜品篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,330,476
所有文章: 2,060
本日訪客人數: 2,836
累計訪客人數: 10,111,653