文章
相簿

↗ 九 龍

皇家太平洋酒店 柏景餐廳 自助晚餐 美食篇

不眠王子 於 2012年03月16日發表   人氣:676




       家 太 平 洋 酒 店 - 柏 景 餐 廳 自 助 晚 餐 3 月 份 主 題 係【味 遊 ‧ 法 式 饗 宴】,甜 品 區 噚 日 講 完 ,但 王 子 覺 得 最 精 彩 係 熱 葷 區 ,多 款 菜 式 都 配 合 主 題 ,喺 buffet 中 食 到 法 國 菜 真 係 唔 多 見 ,所 以 王 子 今 次 主 攻 熱 葷 區 ,唔 少 菜 式 都 頗 有 驚 喜。

    自 助 晚 餐 平 日 每 位 $398 ,甜 品 、頭 盤 及 熱 葷 嘅 款 式 極 之 豐 富 ,又 無 話 分 時 段 ,可 以 食 足 3 粒 鐘 有 多 ,相 當 抵 食 ,大 家 真 係 唔 需 要 急 、唔 需 要 搶 ,因 為 開 放 式 廚 房 內 嘅 一 班 廚 師 補 充 食 物 嘅 速 度 非 常 之 快 ,值 得 一 讚。

    今 次 王 子 獲 邀 試 呢 個 buffet 新 主 題 之 餘 ,仲 可 以 聯 同 一 班 朋 友 出 席 ,於 是 Meling 、Alison 、愛 麗 絲 及 王 妃 嚟 個 四 美 相 伴 ,食 吓 、傾 吓 直 到 十 點 幾 至 走。

    喺 度 多 謝 酒 店 嘅 熱 情 款 待 之 餘 ,更 要 多 謝 靚 仔 及 靚 女 公 關 整 晚 輪 流 照 顧 我 哋 ,亦 感 激 幾 位 餐 廳 經 理 及 一 眾 廚 師 喺 兩 百 幾 人 爆 晒 場 嘅 情 況 下 協 助 王 子 拍 攝 ,唔 係 熱 葷 啲 相 邊 可 能 影 到 碟 碟 咁 靚 咁 完 整 呀!  
  



       記 得 去 酒 店 嘅 facebook 單 撈 coupon 呀!王 子 fans page : facebook.com/sleeplesspalace 亦 有 呢 張 coupon 嘅 連 結。



       自 助 晚 餐 會 不 定 期 送 上 特 別 嘅 菜 式 俾 每 位 客 人 ,呢 晚 位 上 嘅 係 百 里 香 白 酒 煑 蜆 ,份 量 約 有 半 打 ,蜆 肉 肥 美 兼 帶 酒 香 ,So Yummy! 



       刺 身 款 式 唔 少 ,質 素 亦 唔 錯 ,包 括 三 文 魚 、吞 拿 魚 、雕 魚 、希 靈 魚 、八 爪 魚 等。



 
其 中 三 文 魚 腩 、雕 魚 及 希 靈 魚 係 王 子 嘅 心 水 推 介。 



 
黃 金 螺 無 翡 翠 螺 咁 好 肉 ,但 勝 在 味 道 鮮 甜。



 
藍 貝 隻 隻 都 咁 肥 美 ,質 感 嫩 滑。 



 
凍 蝦 亦 都 幾 大 隻 ,我 食 咗 半 打 以 上 呢!



       呢 晚 座 無 虛 席 ,我 哋 又 各 自 忙 影 相 ,靚 仔 公 關 於 是 好 細 心 咁 幫 我 哋 執 咗 大 大 盆 海 鮮 ,青 口 、黃 金 螺 、藍 貝 、凍 蝦 、阿 拉 斯 加 蟹 腳 、鱈 場 蟹 腳 、法 國 麵 包 蟹 樣 樣 齊。 



 
呢 期 嘅 麵 包 蟹 好 得 呀!蟹 膏 超 多 ,蟹 肉 又 多 又 鮮 甜。 



    煎 薯 蓉 班 戟 伴 鵝 肝 相 信 會 係 今 個 月 嘅 皇 牌 美 食 ,即 叫 即 煎 ,最 多 人 排 隊 order 時 ,香 味 遠 一 遠 都 聞 到。



  每 件 薯 蓉 班 戟 都 釀 入 一 件 鵝 肝 ,熱 烘 烘 、香 噴 噴 ,超 好 味 到 我 唔 記 得 自 己 食 咗 幾 多 件。



  煎 薯 蓉 班 戟 伴 三 文 魚 亦 係 即 叫 即 煎 ,但 味 道 就 唔 係 咁 夾。  



 平 日 喺 buffet 少 食 西 冷 ,但 今 次 忍 唔 住 了 . . . 



  肉 嫩 、味 濃 ,唔 駛 蘸 醬 汁 已 好 好 味。 



     廚 師 即 場 不 停 咁 以 鐵 板 燒 大 蝦 、三 文 魚 頭 、秋 刀 魚 、雞 肉 串 、雞 軟 骨 串 、牛 仔 腸 、牛 仔 骨 及 羊 扒。



      靚 仔 公 關 又 再 好 細 心 咁 幫 我 哋 執 咗 大 大 碟 串 燒 ,等 大 家 可 以 慢 慢 影 、慢 慢 食。  



     鐵 板 燒 大 蝦 大 隻 到 無 10 吋 都 有 8 吋 咁 長 ,蝦 肉 鮮 味 彈 牙 ,仲 有 唔 少 蝦 膏 添!



 
雞 軟 骨 串 肉 嫩 骨 軟 ,惹 味 十 足。 



 
鐵 板 燒 牛 仔 腸 啖 啖 肉 ,相 當 爽 口。 



 
焗 普 羅 旺 斯 蔬 菜 煲 好 香 好 juicy 呀!



 

芝 士 焗 波 菜 蓉 伴 帶 子 睇 見 就 流 口 水 ,任 食 . . . 實 在 太 幸 福 了。



 
帶 子 勁 大 隻 ,俾 厚 厚 嘅 芝 士 包 圍 住 ,香 到 呢 . . . .



 
   焗 釀 火 腿 卷 苣 菊 菜 伴 忌 廉 汁 必 試 ,火 腿 夠 鹹 香 ,苣 菊 菜 索 滿 忌 廉 汁 ,非 常 juicy!   



 

蜆 殼 粉 焗 釀 田 螺 一 定 要 趁 廚 師 捧 出 嚟 時 即 攞 即 食。  



 

田 螺 size 有 番 咁 上 下 大 隻 ,伴 以 菠 菜 焗 到 香 噴 噴。 



 

焗 釀 田 螺 跟 蜆 殼 粉 一 啖 一 粒 ,口 感 過 癮。



     
意 大 利 紅 酒 燴 牛 胸 肉 質 感 滑 溜 ,無 乜 酒 味 ,但 帶 有 少 少 果 酸 香 ,好 食。



 

法 式 紅 酒 燴 雞 一 定 一 定 要 食 ,真 係 超 超 超 正。 



 
      雞 肉 嫩 滑 到 不 得 了 ,食 落 仲 有 陣 濃 濃 嘅 酒 香 ,好 想 即 刻 搵 碗 白 飯 嚟 送。



 

法 國 香 草 焗 羊 架 又 係 要 趁 焗 起 即 食。  



 
 連 薯 蓉 都 唔 好 放 過 ,因 為 底 部 索 滿 羊 肉 精 華。



 
   羊 架 肉 質 夠 粉 嫩 ,最 怕 焗 到 熟 晒 肉 味 、肉 汁 盡 失 嘅 羊 架 ,咁 粉 嫩 嘅 羊 架 有 少 少 羶 味 唔 出 奇 ,咁 至 夠 惹 味 呀!



 

豉 油 皇 炒 野 菌 無 試 到 ,no comment!



 

秘 製 話 梅 骨 酸 酸 哋 幾 醒 胃 的。  



 

烤 豬 頸 肉 伴 辣 糖 醋 汁 香 噴 噴 、好 惹 味。



 

香 煎 田 雞 腿 配 雜 香 草 驚 喜 源 自 配 料 ,香 氣 撲 鼻。 



 
田 雞 腿 肉 質 嫩 滑 ,惹 味 到 不 得 了。



 

法 式 香 橙 鴨 亦 有 少 少 驚 喜 ,值 得 一 試。 



 
橙 肉 嘅 汁 滲 落 鴨 肉 度 ,嫩 嫩 鴨 肉 滲 出 橙 香 ,好 味。 


 
 陣 容 咁 豐 富 都 仲 唔 夠 飽?去 粉 麵 檔 食 碗 魚 蛋 粉 囉!


 
 電 話 : 2738 2322                   供 應 時 間 : 6:30p.m - 9:30p.m                  

 平 均 消 費 : $398 / 位 (星 期 一 至 四)
                     $438 / 位 (星 期 五 至 同 、公 眾 假 期 及 前 夕)


 地 址 : 尖 沙 咀 廣 東 道 33 號 中 港 城 皇 家 太 平 洋 酒 店 園 景 翼 2 樓 


 


上一篇: LUX Bistro & Bar 紅色的餐廳 是誘惑原是你

下一篇: 皇家太平洋酒店 柏景餐廳 自助晚餐 甜品篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,961,222
所有文章: 2,060
本日訪客人數: 1,792
累計訪客人數: 9,786,471