文章
相簿

→ 中 環

LUX Bistro & Bar 紅色的餐廳 是誘惑原是你

不眠王子 於 2012年03月20日發表   人氣:839



 
   蘭 桂 坊 裡 有 一 間 超 正 嘅 酒 吧 餐 廳 ,以 紅 色 做 主 打 ,名 字 叫 LUX Bistro & Bar,位 於 1 樓 嘅 用 餐 區 ,無 論 餐 廳 嘅 格 局 、氣 氛 以 至 菜 式 ,都 俾 食 客 一 種 fine dining 嘅 感 覺 ,你 唔 睇 文 字 ,只 係 睇 相 都 應 該 會 感 受 到 ,最 重 要 係 跟 中 環 一 堆 扮 高 貴 ,食 一 客 普 通 香 煎 銀 鱈 魚 都 夠 膽 收 你 $500 嘅 fine dining 餐 廳 相 比 ,LUX 嘅 價 錢 顯 得 合 理 得 多 ,親 民 得 多 ,同 另 一 半 嚟 食 個 燭 光 晚 餐 ,真 係 冧 到 暈 之 餘 荷 包 又 無 咁 重 傷。

    所 以 呢 一 篇 ,要 出 王 子 印 章。
 



 
   跟 曼 聯 餐 廳 一 樣 , LUX Bistro & Bar 嘅 用 餐 區 設 於 1 樓 ,但 後 者 嘅 地 舖 真 係 一 間 酒 吧 ,成 間 舖 紅 噹 噹 喺 正 蘭 桂 坊 嘅 十 字 路 口 位 ,唔 會 見 唔 到 佢。



 酒 吧 樓 底 高 ,巨 型 紅 牆 上 嘅 酒 櫃 何 其 壯 觀。  



      到 樓 上 嘅 餐 廳 層 ,又 有 另 一 番 感 覺 ,紅 噹 噹 之 餘 喺 天 花 板 加 塊 大 鏡 以 增 加 空 間 感 ,不 過 著 低 胸 衫 嘅 靚 女 就 要 小 心。  


 
    酒 吧 位 置 就 紅 得 搶 眼 ,但 餐 廳 嘅 主 色 就 俾 人 感 覺 溫 暖 舒 服 ,窗 台 仲 種 滿 綠 色 嘅 植 物 添!  



      餐 枱 係 玻 璃 做 的 (我 估 係 啦!現 場 咁 黑),所 以 防 滑 枱 墊 自 然 唔 少 得 ,不 過 玻 璃 枱 有 玻 璃 枱 嘅 浪 漫 feel (睇 落 去 就 明)。  



       對 一 間 餐 廳 嘅 印 象 好 唔 好 ,有 時 都 幾 取 決 於 麵 包 籃 ,因 為 喺 餐 廳 第 一 樣 接 觸 嘅 食 物 ,就 係 麵 包。你 睇 LUX 嘅 麵 包 set 幾 型 ,筆 挺 白 恤 衫 內 插 金 黃 色 嘅 包 包 ,未 食 都 feel 到 會 好 好 味。


 
 麵 包 熱 烘 烘 ,鬆 脆 帶 蒜 香 ,食 吓 食 吓 食 晒 添!  



     餐 廳 做 埋 酒 吧 ,飲 品 選 擇 自 然 多 ,水 準 亦 有 番 咁 上 下。呢 杯 Luxberry ($83) 睇 個 名 就 知 係 LUX 嘅 招 牌 特 飲 ,由 冧 酒 、士 多 啤 利 酒 、士 多 啤 莉 果 蓉 、青 檸 梳 打 、白 柑 桂 酒 等 組 合 而 成 ,甜 甜 哋 飲 飲 吓 真 係 醉 咗 都 唔 知 架!    



      Mojito ($72) 係 王 子 至 愛 嘅 飲 品 之 一 ,鍾 意 佢 既 有 薄 荷 葉 香 ,又 有 青 檸 香 ,又 可 以 要 求 non-alcoholic ,始 終 年 紀 大 ,唔 想 飲 太 多


 
 剛 才 話 玻 璃 枱 有 玻 璃 枱 嘅 浪 漫 feel ,你 睇 . . . . 



    原 隻 波 士 頓 龍 蝦 咯 嗲 ($268) 單 係 賣 相 都 足 以 令 任 何 人 嘩 嘩 聲!就 咁 睇 相 ,真 係 感 覺 唔 到 呢 道 菜 究 竟 有 幾 震 撼 ,但 你 睇 吓 兩 小 碗 醬 汁 ,應 該 估 計 到 個 龍 蝦「杯」有 幾 巨 型。



 原 隻 波 士 頓 龍 蝦 足 有 1 磅 重 ,凍 食 乜 醬 汁 都 唔 蘸 已 相 當 夠 鮮 味。




    龍 蝦 啖 啖 肉 ,鮮 甜 彈 牙 ,最 正 係 呢 種 size 嘅 龍 蝦 比 平 時 食 開 嘅 大 大 隻 龍 蝦 肉 質 更 鮮 嫩 ,一 路 寫 呢 篇 一 路 都 記 得 嗰 份 鮮 味。



    龍 蝦 蘸 醬 汁 提 味 都 有 兩 種 選 擇 ,大 廚 精 心 製 作 咗 以 蕃 茄、辣 根 蓉 、tabasco 及 檸 檬 汁 製 成 嘅 salsa 醬 及 由 紅 酒 醋 、黑 椒 及 青 蔥 混 合 而 成 嘅 香 檳 醋。前 者 夠 惹 味 ,後 者 較 清 怡 ,各 有 各 好。



     黑 魚 籽 醬 配 煎 鵪 鶉 蛋 及 烤 餅 ($128) 一 客 3 件 ,非 常 精 緻 ,遠 睇 好 似 荷 包 蛋 ,但 又 無 理 由 咁 細 隻 ,原 來 係 用 咗 鵪 鶉 蛋 ,上 面 仲 加 咗 大 量 嘅 矝 貴 黑 魚 籽 醬 ,感 覺 高 貴。



    鵪 鶉 蛋 煎 香 ,蛋 香 比 雞 蛋 更 濃 ,蛋 下 有 塊 熱 烘 烘 嘅 烤 鬆 餅 ,而 一 堆 黑 魚 子 醬 嚟 自 加 拿 大 ,點 食 法?梗 係 成 件 放 入 口 啦!



 
黑 魚 籽 醬 配 煎 鵪 鶉 蛋 及 烤 餅 好 味 嗎?包 你 上 癮 ,但 小 心 膽 固 醇 . . .  



   
雜 錦 串 標 ($148) 一 客 3 串 ,包 括 雞 肉 、牛 柳 及 羊 肉 ,雞 肉 以 印 度 天 多 尼 雞 製 法 ,羊 肉 則 以 百 里 香 、黑 椒 等 配 料 醃 製 ,上 枱 後 侍 應 至 喺 串 燒 上 淋 上 Vodka 再 點 火 ,漆 黑 嘅 餐 廳 霎 時 火 光 熊 熊。


 

   串 燒 食 落 固 然 有 酒 香 ,而 下 面 嘅 小 火 盆 依 然 餘 火 閃 閃 ,令 每 串 肉 都 仍 然 保 持 熱 力 。 



     
雞 沙 律 福 袋 配 奇 尊 汁 ($108) 雖 然 大 大 隻 ,但 其 實 可 以 當 係 一 道 清 新 嘅 小 食。



 
    廚 師 將 雞 髀 肉 、洋 蔥 及 蛋 黃 醬 釀 入 班 戟 皮 內 再 紥 成 福 袋 ,打 開 福 袋 ,肉 香 四 射 (又 洋 蔥 又 蛋 黃 醬 當 然 香 啦!),口 感 有 啲 似 食
雞 肉 班 戟 ,甜 甜 滑 滑 好 好 味。



    
紐 西 蘭 小 羊 排 (左)、上 級 美 國 肉 眼 (中) 及 檸 香 煎 銀 雪 魚 (右) 分 開 落 單 ,但 上 到 枱 時 全 部 放 喺 一 塊 大 木 板 上 ,感 覺 當 然 比 分 開 碟 上 豪 華 有 氣 派 得 多 啦!



    
檸 香 煎 銀 鱈 魚 ($198) 好 多 餐 廳 都 有 得 供 應 ,要 令 食 客 留 下 印 象 ,就 要 睇 吓 廚 師 夠 唔 夠 心 機 去 烹 調 了 ,LUX 嘅 主 廚 明 顯 做 得 到。 



     
銀 鱈 魚 煎 到 色 澤 均 勻 香 噴 噴 ,外 層 金 黃 帶 微 脆 ,但 魚 肉 依 然 白 又 滑 ,唔 好 以 為 好 容 易 , 尤 其 是 銀 鱈 魚 肉 質 本 身 非 常 嫩 滑 ,煎 得 唔 好 隨 時 令 魚 肉 散 收 收。



    
銀 鱈 魚 外 層 微 脆 勁 香 口 ,食 到 咁 上 下 又 feel 到 鬼 咁 嫩 滑 ,口 感 一 流。 



    
紐 西 蘭 小 羊 排 ($230) 用 3 個 月 大 嘅 新 鮮 紐 西 蘭 小 羊 排 肉 以 火 山 石 燒 製 ,唔 知 喺 咪 加 埋 芝 士 一 齊 燒 ,香 噴 噴 到 不 得 了。



 
小 羊 排 肉 質 無 比 鮮 嫩 ,肉 汁 勁 多 ,兼 帶 有 濃 濃 芝 士 香 ,10 級 邪 



    
上 級 美 國 肉 眼 ($250) 採 用 8oz 嘅 Prime 級 級 美 國 安 格 斯 牛 肉 ,煎 得 外 微 脆 、內 分 嫩 ,相 當 有 水 準。



    
肉 汁 亦 非 同 小 可 ,據 主 廚 講 原 來 用 咗 牛 骨 、火 雞 骨 、香 芹 、甘 荀 等 大 量 雜 菜 ,再 加 上 紅 酒 、白 酒 、醋 及 砵 酒 等 ,分 3 層 步 驟 合 共 熬 製 咗 21 小 時 而 成 ,唔 試 吓 真 係 愧 對 大 廚 嘅 一 份 心 機。 



    
肉 眼 肉 嫩 牛 味 濃 ,就 咁 食 已 juicy 到 極 ,蘸 埋 個 香 濃 肉 汁 就 更 加 惹 味。


 
    
芒 果 拿 破 崙 配 鮮 雲 呢 嗱 吉 士 ($68) 採 用 菲 律 賓 芒 果 製 作 ,唔 香 甜 就 奇 ,酥 皮 雖 有 少 少 厚 但 相 當 香 口 鬆 脆 ,加 上 新 鮮 雲 呢 嗱 籽 製 成 嘅 吉 士 醬 ,食 落 脆 口 得 嚟 又 香 又 滑 溜。



 
咁 正 嘅 芒 果 拿 破 崙 真 係 唔 捨 得 同 人 share 囉!



 電 話 : 2868 9538            平 均 消 費 : $350 - $400 / 位

 地 址 : 
中 環 德 己 立 街 21 號 The Plaza 地 下 及 高 層

                

 


上一篇: Jashan 型格印度 食在蘇豪

下一篇: 皇家太平洋酒店 柏景餐廳 自助晚餐 美食篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,077,020
所有文章: 2,060
本日訪客人數: 1,468
累計訪客人數: 9,893,082