文章
相簿

→ 觀 塘

蘭香園 公屋小菜王

不眠王子 於 2008年04月03日發表   人氣:541


      

       牛 頭 角 嘅 蘭 香 園 茶 餐 廳 ,基 本 上 一 般 街 外 人 係 唔 識 得 嚟 嘅!但 食 過 幾 次 無 論 係 日 頭 或 夜 晚 都 鬼 咁 爆 場 ,無 計!因 為 太 多 報 紙 雜 誌 甚 至 Cable TV 都 介 紹 過 嘛!

            

      唔 係 講 笑 ,段 Youtube 片 係 喺 佢 個 網 站 搵 到 嘅!原 來 佢 哋 好 有 規 模 架!有 幫 幼 稚 園 設 計 餐 單 外 ,仲 有 小 炒 到 會 添!

      無 錯 ,係 好 有 鑊 氣 嘅 小 炒 到 會

      

       之 前 lunch time 嚟 食 雞 翼 一 丁 ,味 道 令 我 念 念 不 忘

      

       咁 受 歡 迎 皆 因 佢 哋 嘅 小 菜 款 式 夠 多 兼 講 明 唔 落 味 精 ,好 多 小 菜 仲 好 有 特 色 兼 價 錢 公 道 ,仲 包 白 飯 同 老 火 靚 湯 添

     今 次 叫 咗 3 個 小 菜 ,所 以 嚟 咗 一 大 窩 老 火 嘅 竹 蔗 茅 根 煲 豬  湯 ,睇 吓 幾 足 料!清 甜 滋 潤 無 味 精 架!

      

       三 代 同 堂 即 使 係 嚟 食 晚 飯 都 忍 唔 住 要 order ,大 家 都 知 王 子 係 蝦 蝦 狂 嘛!佢 哋 將 蝦 籽 、蝦 米 同 鮮 蝦 仁 去 做 腸 粉

      

       你 睇 賣 相 幾 正!皮 薄 餡 靚 ,蝦 味 當 然 勁 濃 啦!

      

       即 叫 即 蒸 好 食 過 好 多 酒 樓 出 品 ,$25 咋!

      

       鮮 蝦 仁 好 大 隻 噃!

      

       沙 薑 雞 煲 係 呢 度 嘅 招 牌 菜 ,用 煲 仔 上 零 舍 有 風 味 架

      

       2 個 人 食 唔 到 半 隻 雞 煲?可 以 叫 例 牌 ,只 係 $40 咋!

      

       水 晶 佛 手 骨 香 噴 噴 ,味 道 有 啲 似 鎮 江 骨 ,再 睇 真 啲

      

       加 咗 椰 果 同 佛 手 果 架!幾 有 創 意 噃! 

      

       香 濃 冶 味 之 餘 仲 多 咗 啲 清 甜 口 感 ,送 飯 一 流!$55 咋!  

      

       香 芒 煙 鴨 胸 炒 蝦 球 夠 晒 鑊 氣 兼 份 量 十 足

      

       煙 鴨 胸 肉 質 好 腍 ,一 啲 都 唔 韌 ,蝦 球 亦 鮮 味 彈 牙

       

       電 話 : 2389 6443         平 均 消 費 : $60 - $90 / 位

      地 址 : 九 龍 牛 頭 角 道 273-275 號 地 下 (地 鐵 站 B2 出 口)
 
     
     

 


上一篇: 三國之見龍卸甲 無劉德華 唔掂

下一篇: 永遠懷念張國榮 永遠的巨星


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,692,573
所有文章: 2,060
本日訪客人數: 3,128
累計訪客人數: 9,548,912