文章
相簿

澳 門 酒 店 ● 食

澳門星際酒店 蘇浙匯 寫意 品茗

不眠王子 於 2012年04月03日發表   人氣:1350



 
   上 個 月 情 人 節 ,王 子 跟 王 妃 過 咗 澳 門 慶 祝 ,見 上 年 喺 星 際 酒 店 住 得 好 舒 服 ,於 是 又 去 住 番 晚 ,平 時 不 眠 的 我 ,舒 服 到 瞓 到 接 近 中 午 至 捨 得 起 身 ,去 邊 度 醫 肚 好 呢?情 人 節 嘛!將 話 事 權 俾 咗 王 妃 ,佢 話 想 去 酒 店 內 嘅 蘇 浙 匯 食 點 心 ,我 起 勢 點 頭 和 應。

   中 、港 、澳 嘅 蘇 浙 匯 王 子 都 曾 經 幫 襯 過 ,坦 白 講 ,無 論 裝 修 格 局 、廚 師 水 準 、服 務 質 素 等 ,每 一 方 面 都 以 澳 門 店 更 勝 一 籌 ,最 令 人 失 望 嘅 反 而 係 上 海 店。



      店 子 嘅 格 局 感 覺 到 有 經 過 細 心 安 排 ,對 住 正 門 係 幾 間 私 癮 度 甚 高 嘅 VIP 房 ,向 右 行 入 大 廳 之 前 ,長 廊 靠 窗 嘅 一 邊 有 多 張 4 人 餐 枱。 



      大 廳 靠 窗 嘅 一 邊 有 幾 張 可 容 納 14 人 嘅 大 餐 枱 ,View 就 只 係 一 般 街 景 ,但 感 覺 都 幾 開 揚。而 其 他 餐 枱 之 間 亦 有 一 定 嘅 距 離 ,跟 另 一 半 講 悄 悄 話 ,都 唔 怕 有 3 菇 6 婆 偷 聽 到。 


 
   蘇 浙 匯 平 日 嘅 午 市 有 任 點 任 食 時 段 ,每 位 只 係 MOP98 ,抵 到 不 得 了。但 兩 個 時 段 都 係 規 定 食 兩 個 小 時 ,我 既 想 慢 慢 嘆 一 盅 兩 件 ,更 想 試 試 任 點 任 食 餐 紙 以 外 嘅 招 牌 菜 ,所 以 最 後 都 係 揀 單 點 算 了 ,反 正 價 錢 都 唔 貴 ,嘆 一 籠 靚 蝦 餃 都 只 係 28 蚊 ,但 起 碼 我 可 以 慢 慢 影 、慢 慢 食 嘛! 


 
   花 雕 醉 雞 (MOP66) 係 一 碟 四 圍 食 到 嘅 美 食 ,香 港 有 唔 少 店 子 亦 做 到 肉 嫩 滑 、帶 酒 香 ,但 皮 爽 脆 ,肉 鮮 味 呢?唔 係 有 幾 多 間 做 到 ,好 多 醉 雞 更 有 一 陣 雪 藏 味。 


 
   呢 度 嘅 醉 雞 皮 爽 脆 、肉 有 雞 味 、質 感 嫩 滑 、酒 鮮 香 (唔 係 浸 到 變 晒 味 嘅 隔 夜 酒 香) ,值 得 你 去 慢 慢 嘆。


 
   蘇 浙 湯 包 (MOP48) 即 係 小 籠 包 ,係 蘇 浙 匯 嘅 招 牌 點 心 ,一 籠 8 粒 ,午 市 比 晚 市 平 20 蚊 ,但 水 準 不 變 (因 為 王 子 試 過)。 


 
 小 籠 包 花 紋 清 晰 包 得 靚 ,肉 味 鮮 、湯 汁 夠 火 候 ,熱 氣 騰 騰 好 好 食。 


 
 水 晶 鮮 蝦 餃 (MOP28) 皮 算 薄 ,脹 卜 卜 、餡 料 足 ,蝦 肉 夠 彈 牙。


 
   招 牌 樟 茶 鴨 (MOP88 / 半 隻) 係 蘇 浙 匯 嘅 招 牌 菜 ,樟 茶 鴨 經 過 醃、燻、蒸、炸 處 理 ,係 功 序 繁 複 但 又 經 濟 抵 食 嘅 菜 式。



      荷 葉 餅 係 用 嚟 包 住 樟 茶 鴨 一 齊 食 ,但 我 見 攞 上 手 軟 熟 熱 烘 烘 ,於 是 . . . 忍 唔 住 . . . 就 咁 . . .



     樟 茶 鴨 經 過 醃、燻、蒸、炸 處 理 ,即 係 唔 需 要 蘸 醬 汁 已 經 夠 晒 味 ,未 放 入 口 ,鼻 孔 先 吸 到 煙 燻 香 氣 ,皮 脆 肉 嫩 但 唔 油 膩 ,因 為 經 過 先 蒸 後 炸。 


 
 荷 葉 餅 得 6 件 ,但 鴨 肉 有 咁 多 嚿 ,惹 味 到 我 想 叫 碗 飯 食 呀!


 
 蠔 皇 鮮 竹 卷 (MOP22) 熱 辣 辣 、餡 料 足 ,腐 皮 爽 滑 好 咬 口。


 
    弄 堂 糍 飯 糕 (MOP17) 其 實 係 上 海 人 地 道 嘅 古 老 小 食 ,將 煮 熟 嘅 糯 米 及 大 米 調 味 ,冷 卻 後 切 成 條 狀 攞 去 炸 至 金 黃 ,賣 相 有 啲 似 魚 蛋 片 ,香 口 鬆 脆 ,食 一 條 已 有 少 少 飽 肚 感。  



 果 碟 係 送 嘅 ,4 款 生 果 2 人 用 ,都 夠 新 鮮。


 
 電 話 : (853) 8290 8638         平 均 消 費 : MOP90 - MOP120

 地 址 : 
澳 門 新 口 岸 友 誼 大 馬 路 星 際 酒 店 6 樓 


 


上一篇: 新七大奇蹟 作者分享及簽書會

下一篇: Starbucks 咖啡大師親授 星巴克咖啡體驗課程


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,404,694
所有文章: 2,060
本日訪客人數: 2,419
累計訪客人數: 10,180,465