文章
相簿

酒 店 餐 飲 離 島 飲 食

大澳文物酒店 Tai O Lookout 風土味濃

不眠王子 於 2012年04月18日發表   人氣:1411




      本 來 呢 篇 放 頂 頭 嘅 相 ,應 該 用 餐 廳 嘅 招 牌 菜 ,但 到 呢 一 刻 仍 叫 我 念 念 不 忘 嘅 ,卻 係 一 件 抹 茶 芝 士 餅 ,雖 然 王 子 食 遍 全 港 每 個 角 落 ,但 大 澳 . . . . 我 係 一 生 人 第 一 次 踏 足 ,唔 好 問 我 原 因 ,但 新 開 嘅 大 澳 文 物酒 店 確 係 有 好 大 吸 引 力 ,一 場 嚟 到 ,無 理 由 唔 到 洒 店 嘅 餐 廳 Tai O Lookout

   有 一 點 大 家 要 留 意 嘅 ,喺 下 午 兩 點 半 後 嘅 下 午 茶 時 段 只 得 幾 款 餅 撻 類 小 食 ,想 食 啲 特 色 美 食 最 後 喺 午 市 或 晚 市 去 會 好 啲! 



     去 大 澳 文 物 酒 店 除 咗 陸 路 ,亦 可 以 由 水 路 坐 大 飛 過 去 ,巴 士 站 附 近 有 間 睇 海 豚 嘅 公 司 有 得 搭 ,每 位 $10 ,OK 啦!行 過 去 都 差 唔 多 要 30 分 鐘 架!  


 
坐 大 飛 過 去 ,仲 可 以 離 遠 影 吓 酒 店 外 圍 嘅 景 色 添! 



 由 水 路 坐 大 飛 到 酒 店 旁 嘅 碼 頭 ,船 程 約 5 分 鐘。 



 Tai O Lookout 位 於 酒 店 1 樓 ,係 一 間 相 當 雅 緻 嘅 玻 璃 小 屋。



     由 地 面 上 酒 店 ,可 以 搭 登 山 電 梯 ,不 過 ,人 多 時 會 俾 老 人 家 優 先 乘 搭。 



 搭 到 上 嚟 ,不 妨 輕 倚 欄 杆 影 影 相 ,對 出 風 景 好 靚 架!



 王 子 無 搭 登 山 電 梯 ,邊 行 樓 梯 邊 睇 吓 蝴 蝶 仲 正 啦! 



     Tai O Lookout 話 係 玻 璃 小 屋 ,其 實 望 落 都 幾 大 架 ,仲 劃 分 咗 窗 口 位 、卡 位 、露 天 位 等 4 個 區。 



     其 中 一 part 露 天 位 ,只 放 兩 張 大 枱 ,一 家 人 喺 樹 蔭 下 食 飯 都 幾 好 feel。  


 
 另 一 part 露 天 位 就 喺 餐 廳 旁 邊 嘅 走 廊。  


 
 屋 頂 都 係 用 大 片 玻 璃 窗 ,陽 光 普 照 或 落 雨 時 都 好 好 feel。 


 
 實 木 雕 花 卡 位 古 色 古 香 ,其 實 係 嚟 自 另 一 結 業 嘅 餐 廳。



 Lunch time 提 供 嘅 食 物 選 擇 唔 算 多 ,但 勝 在 有 大 澳 特 色。


     Menu 一 眼 睇 晒 ,但 好 多 人 都 miss 咗 一 入 門 口 嘅 左 手 邊 、out of menu 嘅 多 款 蛋 糕。



    蝦 醬 豬 扒 包 ($60) 係 餐 廳 嘅 名 物 ,最 特 別 當 然 係 以 大 澳 蝦 醬 所 醃 製 嘅 豬 扒 啦!充 滿 大 澳 風 味 嘛!


 
      豬 扒 確 有 蝦 醬 味 ,但 如 果 可 以 醃 豬 扒 時 搥 鬆 多 幾 吓 ,再 煎 香 少 少 ,口 感 會 更 好。


 
   炸 魚 薯 條 配 他 他 汁 ($60) 都 有 少 少 驚 喜 ,炸 魚 唔 係 外 邊 一 般 餐 廳 或 酒 吧 咁 用 脆 粉 去 炸 ,而 係 玩 吉 列 ,個 人 覺 得 更 加 香 口 ,而 內 裡 嘅 魚 肉 依 然 嫩 滑。



 餐 廳 侍 應 人 數 超 多 ,而 水 吧 亦 有 唔 少 人 手 ,所 以 服 務 水 準 極 高。 


 
    Parrot's Special ($65) 係 
餐 廳 嘅 酒 精 類 招 牌 特 飲 ,亦 充 滿 大 澳 風 味 ,因 為 特 飲 中 加 入 咗 大 澳 名 物 紫 貝 天 葵 ,味 道 調 得 相 當 唔 錯。  


 
 Frozen Fresh Lime ($40) 即 係 青 檸 沙 冰 ,現 場 有 唔 少 人 order。


 
 青 檸 沙 冰 打 得 夠 蓉 ,味 清 香 而 唔 會 太 酸。 


 
 沙 冰 中 加 咗 少 量 青 檸 檬 皮 ,令 檸 香 更 濃。 



 餐 廳 一 入 門 口 左 手 邊 嘅 蛋 糕 櫃 ,每 日 供 應 多 款 唔 同 口 味 嘅 蛋 糕。





  好 想 試 朱 古 力 蛋 糕 ,但 下 面 呢 件 更 吸 引。 



  抹 茶 芝 士 蛋 糕 ($48) 好 食 到 想 買 一 個 走。



      芝 士 蛋 糕 香 滑 軟 綿 綿 ,抹 茶 味 夠 香 濃 、餅 底 微 脆 ,橙 色 嗰 層 喺 熱 情 果 ,令 抹 茶 芝 士 蛋 糕 帶 多 兩 分 香 甜。  



  蛋 糕 有 酒 店 級 水 準 ,$48 合 理 價。



    大 澳 特 式 芝 士 餅 ($48) 其 實 係 紫 貝 天 葵 芝 士 餅 ,係 餐 廳 招 牌 名 物 ,當 然 係 長 期 放 入 餐 牌 之 內。



      紫 貝 天 葵 芝 士 餅 賣 相 吸 引 ,面 層 係 紫 貝 天 葵 啫 喱 ,再 跟 海 綿 蛋 糕 及 慕 絲 蛋 糕 組 合 而 成 ,一 件 蛋 糕 有 幾 種 口 感 ,唔 好 食 就 奇。 



  伴 碟 嘅 香 濃 朱 古 力 漿 亦 搶 鏡 到 極 ,一 定 要 蘸 蘸 佢。



 電 話 : 2985 8383           平 均 消 費 : $110 / 位 

 地 址 : 大 澳 石 仔 埗 街 大 澳 文 物 酒 店 1 樓

 


上一篇: 小心飛機扒手 空中驚魂 三個半小時

下一篇: 新七大奇蹟 作者分享及簽書會


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,965,812
所有文章: 2,060
本日訪客人數: 283
累計訪客人數: 9,791,014