文章
相簿

微 服 出 巡

小心飛機扒手 空中驚魂 三個半小時

不眠王子 於 2012年04月25日發表   人氣:614




    上 星 期 王 子 去 浮 羅 交 怡 玩 咗 幾 日 ,噚 日 半 夜 喺 吉 隆 坡 搭 馬 來 西 亞 航 空 公 司 嘅 飛 機 回 港 ,喺 飛 機 上 親 身 經 歷 並 成 功 阻 止 一 幫 賊 人 意 圖 偷 竊 事 件。

    請 大 家 帶 隨 身 行 李 上 機 時 ,記 緊 要 睇 實 放 喺 行 李 架 內 嘅 物 品。

    亦 請 將 呢 篇 Blog 轉 發 俾 其 他 朋 友 知。


    話 說 王 子 乘 搭 馬 來 西 亞 航 空 公 司 於 零 晨 1 點 起 飛 嘅 班 機 回 港 ,全 程 大 約 3 個 半 小 時 ,由 於 唔 係 旅 遊 旺 季 兼 係 閒 日 兼 係 半 夜 機 ,乘 客 唔 太 多 ,所 以 全 機 有 唔 少 空 位。我 同 王 妃 一 早 劃 咗 坐 飛 機 中 間 嘅 靠 窗 口 位 置 ,當 王 妃 先 到 座 位 時 ,竟 發 現 個 位 被 一 個 梳 平 頭 裝 嘅 中 國 籍 男 人 坐 咗 ,空 姐 帶 佢 埋 位 坐 並 向 該 男 子 要 求 出 示 機 票 ,該 人 無 理 會 亦 無 離 開 ,只 係 移 一 個 位 ,坐 喺 王 妃 旁 邊 (當 時 我 未 行 到 埋 位)。

    當 我 發 現 我 嘅 座 位 被 呢 個 男 人 坐 咗 ,空 姐 帶 我 埋 位 坐 並 再 次 向 該 男 子 要 求 出 示 機 票 ,該 人 才 好 無 癮 咁 離 開 ,並 眼 光 怪 怪 咁 周 圍 望 ,最 後 坐 後 咗 6、7 排 ,王 妃 喺 呢 個 時 候 忽 然 醒 起 並 同 我 講 ,最 近 有 航 空 公 司 嘅 航 班 發 生 多 宗 機 上 偷 竊 案 ,佢 望 到 該 人 多 次 坐 喺 唔 同 嘅 位 置 ,非 常 可 疑 ,於 是 我 哋 即 時 提 高 咗 驚 覺。

    飛 機 準 備 起 飛 時 ,所 有 人 應 扣 上 安 全 帶 ,但 呢 個 男 人 突 然 起 身 同 較 後 排 嘅 同 黨 打 招 呼 後 再 走 入 廁 所 ,到 出 番 嚟 時 突 然 坐 喺 我 旁 邊 嘅 中 間 排 . . .  

   
零 晨 嘅 班 機 大 部 份 時 間 都 係 漆 黑 一 片 ,俾 乘 客 爭 取 時 間 休 息 ,食 完 飛 機 餐 無 幾 耐 ,部 份 乘 客 已 瞓 著 ,包 括 王 妃 及 我 後 面 對 香 港 情 侶 ,呢 個 時 候 ,個 男 人 突 然 起 身 準 備 打 開 我 身 後 嗰 排 行 李 櫃 (內 裡 只 得 pair 情 侶 嘅 背 包),正 在 睇 緊 Mission Impossible 4 嘅 我 突 然 擰 轉 頭 望 住 佢 ,嚇 到 佢 即 刻 縮 手 ,坐 番 埋 位。

    我 以 為 件 事 就 咁 完 咗。

    由 於 我 一 直 keep 住 備 戰 狀 態 ,當 時 又 過 咗 零 晨 3 點 ,終 於 不 知 不 覺 瞓 著 咗 ,過 咗 唔 知 幾 耐 ,王 妃 開 咗 小 燈 食 零 食 而 令 我 醒 咗 ,我 仲 話 佢 食 嘢 駛 乜 開 燈 呀?落 咗 機 之 後 佢 至 話 番 俾 我 知 ,我 瞓 著 咗 後 個 男 人 再 次 起 身 近 距 離 望 望 我 ,睇 我 係 咪 真 係 瞓 咗 ,然 後 意 圖 打 開 我 頭 頂 嘅 行 李 櫃 (內 裡 只 得 我 個 背 包),嚇 到 王 妃 即 刻 開 燈 食 嘢 ,等 佢 知 難 而 退 ,而 之 後 我 一 直 再 唔 敢 瞓 ,直 至 落 機。

   
飛 機 降 落 前 15 分 鐘 ,個 男 人 最 後 一 次 起 身 ,走 到 近 廁 所 門 口 ,突 然 無 啦 啦 轉 身 扮 伸 懶 腰 ,然 後 慢 慢 一 邊 行 一 邊 逐 排 睇 吓 每 個 靠 近 窗 口 位 置 坐 嘅 乘 客 . . . 古 靈 精 怪 到 極。

    最 後 我 哋 急 步 落 機 去 等 攞 行 李 ,無 再 見 佢 哋 出 關 ,可 能 係 轉 機 啦!

    Anyway, 我 相 信 啲 賊 只 會 搭 短 途 ,因 為 一 來 長 途 機 票 太 貴 、太 花 成 本 啦!二 來 搭 短 途 可 以 速 戰 速 決。
 

    但 點 都 好 ,大 家 帶 隨 身 行 李 上 機 時 ,真 係 記 緊 要 睇 實 放 喺 行 李 架 內 嘅 物 品 呀!唔 值 錢 嘅 東 西 可 以 放 入 行 李 櫃 ,但 值 錢 如 銀 包 、手 機 、平 板 電 腦 、相 機 等 ,最 好 放 入 另 一 袋 中 跟 身 ,擺 喺 地 下 再 用 雙 腳 夾 住 好 了。 

 


上一篇: GODIVA 夏日好禮 買朱古力換 水晶甜點架

下一篇: 大澳文物酒店 Tai O Lookout 風土味濃


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,133,042
所有文章: 2,060
本日訪客人數: 48
累計訪客人數: 9,941,010