文章
相簿

→ 太 子

小魚滋味 服務質素改 顧客自然來

不眠王子 於 2008年06月09日發表   人氣:496


      

       小 魚 滋 味 係 間 台 式 餐 廳 ,開 咗 咁 多 年 總 係 無 乜 口 碑 都 幾 令 人 跌 眼 鏡 ,其 實 啲 嘢 食 都 幾 有 水 準 架 !失 敗 全 因 一 個 字 : Service! 

     呢 度 啲 侍 應 嘅 服 務 態 度 好 出 名 架!唔 算 惡 劣 ,但 絕 無 可 能 用 個 好 字 去 形 容 ,總 之 就 唔 合 格 啦 !侍 應 數 量 唔 少 架!但 個 個 都 木 口 木 面 ,部 份 甚 至 有 啲 晦 晦 氣 氣 !最 慘 係 反 應 慢 又 唔 細 心 ,好 似 最 近 呢 次 去 幫 趁 ,同 王 妃 shopping 完 攞 住 四 大 袋 戰 利 品 入 到 去 明 明 見 有 卡 位 ,侍 應 竟 然 安 排 場 中 間 嘅 細 枱 俾 我 哋 ,同 佢 反 映 有 幾 袋 嘢 會 影 響 其 他 人 出 入 可 唔 可 以 轉 卡 位 ,佢 竟 然 答 :「係 得 呢 張 咋!」

     我 粒 聲 唔 出 掉 轉 頭 就 走 ,好 彩 個 經 理 醒 目 走 埋 嚟 話 執 緊 張 卡 位 叫 我 等 陣 . . . 個 故 仔 未 完 架 !Order 咗 個 $188 嘅 二 人 dinner set ,餐 飲 上 完 之 後 ,有 侍 應 見 我 哋 嘢 都 飲 完 仲 唔 埋 單 竟 然 用 啲 好 晦 氣 嘅 語 氣 同 我 講 :「唔 知 仲 有 乜 嘢 要 呢?」

     我 無 出 聲 . . . 王 妃 唯 有 開 口 話 甜 品 仲 未 上 . . . 個 侍 應 呆 咗 一 呆 、望 吓 張 落 單 紙 、sorry 都 唔 講 就 行 咗 去  

      咁 點 解 最 後 個 評 級 係 幾 正?咁 呢 度 啲 嘢 真 係 幾 好 食 嘛!我 會 俾 多 次 機 會 佢 哋 囉! 

     $188 嘅 套 餐 可 以 揀 2 款 小 食 及 2 款 主 菜 ,仲 有 2 杯 飲 品 及 2 個 甜 品 ,飯 亦 可 以 揀 白 飯 或 菜 飯 ,同 menu 對 吓 散 叫 嘅 價 錢 ,未 計 飲 品 及 甜 品 都 過 咗 $188 ,咁 即 係 好 抵 食 囉! 

      

       鹽 酥 茄 子 粒 外 脆 內 軟 ,少 少 鹹 又 夠 香 口 ,送 飯 一 流

      

       蒜 泥 白 肉 無 論 賣 相 及 味 道 都 係 very good!值 得 推 介

      

       肉 質 鮮 嫩 肉 味 濃 ,點 埋 微 辣 嘅 醬 汁 透 心 涼 兼 好 醒 胃 

      

       曲 香 怪 味 雞 其 實 味 道 唔 怪 ,白 啲 講 係 無 乜 特 別 ,有 啲 似 星 加 坡 式 嘅 海 南 雞 ,都 係 肉 嫩 亦 凍 凍 哋 ,但 就 無 起 到 骨 ,啖 啖 嫩 滑 雞 肉 味 道 都 唔 錯 ,唔 點 醬 汁 都 得

      

       西 蘭 花 炒 河 蝦 仁 係 全 餐 晚 飯 最 令 我 印 象 難 忘 ,平 日 喺 出 面 食 一 客 清 炒 河 蝦 仁 等 閒 都 要 $100 左 右 ,無 諗 到 $188 嘅 二 人 套 餐 都 有 呢 道 菜 之 餘 仲 整 得 咁 有 水 準 ,河 蝦 仁 鮮 味 爽 滑 勁 彈 牙 ,份 量 亦 唔 算 少 添!

      

       薑 茶 芝 麻 湯 圓 算 幾 特 別 ,味 道 唔 錯 湯 圓 滑 溜 薑 味 濃

      

       綠 茶 雪 糕 就 無 乜 特 別 ,只 係 普 通 本 地 貨 式

      

       懷 舊 紅 豆 冰 & 凍 檸 茶 味 道 合 格 ,懷 舊 2 字 多 此 一 舉

      總 括 嚟 講 咁 嘅 價 錢 有 咁 嘅 水 準 兼 坐 得 舒 服 算 唔 錯 啦

      

       電 話 : 3106 2262            平 均 消 費 :  $80 - $110 / 位

      地 址 : 旺 角 彌 敦 道 750 號 始 創 中 心 2 樓 214-217 號 舖

      

 


上一篇: 阿斗官京華私房菜 抵食美味 順德菜

下一篇: 不眠王子日誌 @ June No.2 又上榜


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,570
所有文章: 2,060
本日訪客人數: 748
累計訪客人數: 9,940,541