文章
相簿

民 間 甜 品

金澤烏骨鷄蜂蜜蛋糕 日本直送

不眠王子 於 2012年05月07日發表   人氣:449




    幾 個 月 前 喺 Blog 內 推 介 過 一 間 叫 Oisix 嘅 網 購 日 本 食 品 專 門 店 ,身 邊 有 勁 多 朋 友 仔 都 係 幫 襯 佢 ,王 子 最 近 同 佢 哋 訂 抹 茶 曲 奇 捧 時 ,佢 哋 送 咗 盒 金 澤 烏 骨 鷄 蛋 造 嘅 蜂 蜜 蛋 糕 俾 我 試 吓 ,烏 骨 鷄 蛋 造 嘅 蜂 蜜 蛋 糕?



     金 澤 烏 骨 鷄 蛋 蜂 蜜 蛋 糕 由 日 本 石 川 縣 直 送 ,原 來 為 慶 祝 母 親 節 ,品 牌 出 咗 一 小 批 喺 蛋 糕 上 印 上 康 乃 馨 圖 案 超 限 量 版 本 ,有 幾 限 量 ,Oisix 上 月 底 一 推 出 無 耐 就 賣 晒 ,出 Blog 前 上 網 睇 過 ,加 推 嘅 最 後 一 批 剩 得 33 盒 咋!



   金 澤 烏 骨 鷄 蛋 蜂 蜜 蛋 糕 採 用 罕 有 嘅 野 生 天 來 烏 骨 鷄 嘅 雞 蛋 焗 製 ,一 隻 烏 骨 鷄 每 年 只 生 30 至 40 隻 蛋 ,喺 日 本 ,半 打 烏 骨 鷄 蛋 平 均 賣 港 幣 $320 ,所 以 呢 盒 蛋 糕 賣 over $200 係 有 物 有 所 值 嘅!  



    烏 骨 鷄 蛋 蜂 蜜 蛋 糕 質 感 鬆 軟 得 嚟 又 夠 挺 身 ,密 度 亦 相 當 高 ,一 食 就 知 真 材 實 料 ,因 為 加 咗 蜂 蜜 ,所 以 入 口 有 濃 濃 嘅 蛋 香 之 餘 ,甜 度 亦 算 清 怡。配 合 埋 好 友 所 送 嘅 TWG Silver Moon 綠 茶 一 齊 食 ,正 到 我 想 即 刻 食 多 件 . . . 囉! 

 


上一篇: Starbucks 文化中心店 店員無禮事件

下一篇: Ritz Carlton 酒店 Ozone 米芝蓮二星名廚 今夜客串


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,130,913
所有文章: 2,060
本日訪客人數: 1,459
累計訪客人數: 9,938,887