文章
相簿

新 界 飲 食

爵士拉麵 全港最正 拉麵店之一

不眠王子 於 2008年08月01日發表   人氣:596


    好 好 feel 呀 . . .

  又 到 王 子 周 末 推 介 啦!王 子 喺 五 月 底 試 完 爵 士 拉 麵 ,一 直 唔 寫 Blog 其 實 係 有 原 因 . . . 但 我 先 想 講 . . .

  呢 度 係 我 喺 香 港 食 過 最 正 嘅 拉 麵 之 一 ,喺 三 甲 之 內 

  

 

   你 見 過 一 間 食 店 成 個 月 只 開 5 日 嗎?再 望 吓 最 底 嘅 營 業 時 間 ,一 日 只 開 4 個 鐘 ,食 唔 食 到 真 係 要 睇 緣 份 . . .

  點 解 開 咁 少 日 ,同 老 闆 娘 小 川 太 太 傾 咗 陣 計 ,原 來 一 家 人 思 鄉 病 重 ,經 常 要 返 鄉 下 北 海 道 . . .

  講 起 小 川 太 太 ,網 上 有 唔 少 食 評 話 佢 態 度 差 ,我 覺 得 只 係 一 場 誤 會 ,小 川 太 太 係 日 本 人 ( 我 估 咋!),識 講 唔 太 流 利 嘅 廣 東 話 ,一 個 人 睇 樓 面 忙 到 暈 ,見 佢 有 時 回 應 啲 客 會 有 少 少 詞 不 達 意 ,但 可 以 體 諒 嘅!我 哋 仲 不 知 幾 好 傾 添!其 實 佢 好 nice 同 對 客 好 熱 情 、好 細 心 架  

    

 

   爵 士 拉 麵 嘅 老 闆 小 川 先 生 嚟 自 日 本 北 海 道 ,而 北 海 道 札 幌 拉 麵 被 譽 為 日 本 嘅 三 大 拉 麵 之 一 ,望 住 老 闆 一 邊 聽 住 jazz music 一 邊 投 入 咁 做 拉 麵 ,仲 以 為 自 己 喺 日 本

  

 

   Menu 好 簡 單 ,先 揀 咗 湯 底 . . .

  

 

   再 揀 拉 麵 種 類 ,1、4、5 最 熱 門 ,小 碗 同 中 碗 只 相 差 $4 ,梗 係 揀 中 碗?但 我 哋 想 試 多 啲 嘢 所 以 揀 咗 細 碗

  

 

   不 設 第 2 次 落 單?係 架!想 食 啲 乜 最 好 一 次 過 order ,而 且 係 要 俾 咗 錢 先 架!我 唔 覺 有 乜 問 題 噃

  

   爵 士 拉 麵 係 呢 度 嘅 招 牌 麵 ,梗 係 要 試 啦!我 揀 咗 老 闆 最 強 項 嘅 札 幌 味 噌 湯 底 ,食 完 真 係 後 悔 嗌 咗 細 碗 呀

  好 好 味 呀!個 湯 底 勁 香 濃 呀!味 道 好 正 宗 飲 落 清 甜 中 帶 點 微 辣 相 當 正 呀!我 仲 飲 到 見 底 添

  

   肥 牛 肉 、叉 燒 、蟹 柳 、日 式 醬 油 蛋 、粟 米 、紫 菜 、芽 菜 . . .咁 多 配 料 勁 豐 富 呀

  

   肥 牛 肉 拉 麵 試 咗 用 清 豬 骨 湯 嘅 東 京 醬 油 湯 底 ,食 落 同 爵 士 拉 麵 各 有 特 色 ,湯 底 亦 一 樣 咁 好 味

  

   肥 牛 肉 份 量 相 當 多 ,肉 質 好 鮮 嫩 ,亦 好 爽 滑 ,啖 啖 唔 駛 點 咬 、入 口 即 溶

  

   拉 麵 爽 身 彈 牙 ,仲 有 陣 好 濃 嘅 牛 味 及 好 香 嘅 醬 油 味

  

   吉 列 炸 蝦 3 大 隻 炸 到 咁 靚 都 係 $38 咋!一 定 要 試 吓!

  

   吉 列 炸 蝦 炸 到 金 黃 香 脆 ,入 口 脆 卜 卜 、蝦 肉 熱 辣 辣 

   

   芝 士 餃 子 賣 相 就 麻 麻 哋!但 4 件 pizza 芝 士 加 菜 肉 餡 味 道 唔 錯 架 !$33 都 幾 抵 食!

  

  

   平 均 消 費 : $70 - $100 / 位

  地 址 : 粉 嶺 聯 和 墟 聯 昌 街 2 號 A 地 下 6 號 舖

   

 


上一篇: 阿柱畫展 08

下一篇: 菊 日本料理 - 已結業


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,607
所有文章: 2,060
本日訪客人數: 785
累計訪客人數: 9,940,578