文章
相簿

→ 九 龍 區

海景嘉福酒店 海景軒 星廚盛宴

不眠王子 於 2012年05月24日發表   人氣:1072




      王 子 曾 經 喺 Blog 內 先 後 推 介 過 海 景 嘉 福 酒 店 嘅 buffet 餐 廳 Cafe On M 、意 大 利 餐 廳 The Mistral ,印 象 非 常 好 ,後 者 更 出 了【王 子 推 介】印 章 呢!

   壓 軸 當 然 要 去 埋 酒 店 嘅 皇 牌 、擁 有 米 芝 蓮 一 星 嘅 中 菜 廳
海 景 軒。是 次 係 再 度 得 到 酒 店 嘅 邀 請 ,試 試 幾 款 得 獎 名 菜 及 新 推 出 嘅 菜 式 之 餘 ,更 重 要 嘅 係 能 夠 拜 會 獲 獎 無 數 、坊 間 食 友 一 致 公 認 既 煮 得 一 手 好 菜 、人 又 健 談 隨 和 嘅 行 政 總 廚 梁 輝 雄 師 傅。

   梁 師 傅 係 王 子 見 過 嘅 多 位 大 廚 中 最 nice 、最 與 時 並 進 嘅 一 位 ,香 港 有 幾 多 名 廚 像 梁 師 傅 一 樣 有 玩 facebook 及 微 博 兼 且 擁 有 大 量 粉 絲 呢?最 重 要 係 入 廚 多 年 仍 有 一 股 驚 人 魄 力 ,勇 於 不 斷 創 新 去 設 計 出 無 數 精 彩 嘅 新 菜 式。 



   海 景 軒 位 於 酒 店 嘅 地 庫 樓 層 ,門 口 排 場 十 足 ,雖 然 無 海 景 ,但 地 方 相 當 大 ,所 以 餐 桌 雖 多 ,卻 無 丁 點 擠 迫 感 覺 ,而 且 內 裡 佈 置 頗 有 中 國 色 彩 ,跟 以 豪 裝 作 賣 點 嘅 酒 店 中 菜 廳 多 了 幾 分 古 色 古 香。至 於 service 水 準 之 高 唔 可 以 簡 單 用 殷 勤 、貼 心 幾 隻 字 去 形 容。

   是 夜 跟 王 子 同 場 嘅 仲 有 好 友 
Meling 、神 級 食 家 KC Isaac 兄 ,呢 個 試 菜 陣 容 係 我 近 年 合 作 得 最 密 嘅 組 合 ,食 得 開 心 之 餘 又 學 到 唔 少 嘢。
 


   連 埋 酒 店 兩 位 公 關 美 女 ,6 人 是 夜 嚐 盡 10 道 相 味 俱 佳 嘅 菜 式。字 太 細 睇 唔 到?繼 續 睇 落 去 吧!



   四 式 小 拼 ($88 / 位) 包 括 蜜 梅 京 燒 骨 、枝 竹 豆 苗 卷 、甜 蜜 南 瓜 件 及 玫 瑰 花 薰 帶 子 ,每 款 前 菜 均 屬 梁 師 傅 嘅 得 意 傑 作。



   玫 瑰 花 薰 帶 子 係 海 景 軒 嘅 招 牌 前 菜 之 一 ,賣 相 可 愛 到 極 ,金 黃 色 嘅 帶 子 你 可 曾 見 過?帶 子 經 幾 種 茶 葉 、白 飯 、片 糖 、玫 瑰 花 瓣 及 多 種 配 料 去 煙 薰 ,味 道 微 甜 帶 花 香 又 不 肉 鮮 質 嫩 滑 ,用 煎 或 炒


 
 枝 竹 豆 苗 卷 得 個 睇 字 ,唔 食 得 豆 苗 ,無 辦 法 comment 到。 


 
   蜜 梅 京 燒 骨 係 全 晚 令 我 印 象 最 難 忘 嘅 美 食 之 一 ,唔 好 怪 王 子 誇 張 講 句 ,近 年 食 過 嘅 同 類 或 類 近 菜 式 中 ,無 論 賣 相 或 味 道 ,都 以 海 景 軒 做 得 最 出 色 ,唔 信 你 去 Google 圖 片 搜 尋 器 search 吓 蜜 梅 京 燒 骨 就 明。我 部 DC 仔 無 辦 法 影 到 晶 瑩 剔 透 、猶 如 被 麥 芽 糖 包 圍 嘅 外 層 ,咬 落 去 嘅 層 次 係 香 香 脆 脆 酸 酸 甜 甜 勁 鬆 化 ,下 次 ,下 次 我 一 定 要 獨 立 order 一 碟。



 甜 蜜 南 瓜 件 嘅 香 甜 程 度 ,其 實 可 以 當 作 甜 品 放 喺 最 後 出 場。


 
   菠 菜 茸 海 鮮 羹 ($88 / 位) 唔 好 見 到 海 鮮 羹 就 以 為 係 普 通 貨 色 ,菠 菜 茸 、味 鮮 濃 ,海 鮮 就 魚 蝦 蟹 樣 樣 齊 ,足 料 製 作。 


 
   發 財 金 銀 ($168) 係 一 個 由 髮 菜 、豆 腐 及 蝦 膠 叠 成 嘅 組 合 ,有 啲 似 擺 酒 所 食 嘅 菜 式。



 呢 個 組 合 唔 會 唔 好 食 ,只 係 稍 嫌 無 乜 特 色。


 
   龍 皇 白 玉 卷 ($168/ 件) 係 梁 師 傅 於 09 年 美 食 之 最【海 鮮 組】中 獲 得 至 高 榮 譽 金 獎 嘅 得 獎 菜 ,上 到 枱 時 大 家 都 掛 住 影 影 影 . . . 賣 相 靚 ,色 彩 配 搭 亦 見 心 思 ,所 以 我 影 咗 好 耐 都 唔 捨 得 食。



   龍 皇 白 玉 卷 底 層 綠 油 油 嘅 係 以 菠 菜 蓉 整 成 嘅 菠 菜 蛋 白 ,外 圍 以 鹹 蛋 黃 汁 作 伴 ,入 口 味 濃 質 感 滑。
  



   中 層 係 釀 咗 蝦 膠 嘅 冬 菇 ,彈 牙 對 彈 牙。而 頂 層 係 捲 住 金 華 火 腿 嘅 東 星 斑 片 ,鮮 嫩 滑 溜 之 餘 又 帶 惹 味 鹹 香。

 

  充 滿 多 層 次 嘅 視 覺 及 味 覺 享 受 ,係 必 試 嘅 一 道 菜。 


 
   百 花 煎 釀 金 蠔 ($368 / 6 件) 伴 以 香 口 脆 麵 ,金 蠔 唔 係 未 食 過 ,但 飽 滿 肥 美 嘅 優 質 金 蠔 喺 呢 個 年 代 係 可 遇 不 可 求 ,呢 一 晚 有 幸 遇 到 ,係 一 種 福 氣。 



 金 蠔 釀 滿 蝦 膠 ,增 加 彈 牙 口 感 之 餘 ,亦 吸 盡 金 蠔 精 華 ,汁 香 味 濃。 



    呢 碟 唔 係 乜 嘢 特 別 菜 式 ,只 係 前 菜 XO 醬 魚 乾 仔 太 惹 味 ,人 多 唔 夠 分 ,於 是 靚 女 公 關 點 咗 一 大 碗 嚟 到 ,正! 



 其 餘 前 菜 亦 係 以 惹 味 為 主 ,一 早 掃 清 了。 



   萬 壽 牛 肋 肉 ($220) 亦 係 海 景 軒 另 一 道 招 牌 菜 ,以 原 個 木 瓜 去 炆 牛 肋 肉 ,火 候 夠 唔 夠 ?木 瓜 粒 軟 腍 得 嚟 帶 有 肉 香 ,你 話 呢?  


   
   牛 肋 肉 入 口 鬆 化 兼 帶 有 濃 濃 嘅 木 瓜 甜 香 ,係 食 一 次 就 會 印 象 難 忘 嘅 菜 式。



   呢 魚 湯 稻 庭 烏 冬 並 非 於 試 菜 之 列 ,見 Isaac 兄 陰 陰 笑 咁 落 單 兼 打 包 已 暗 生 奇 怪 ,但 我 食 得 太 飽 ,唔 夠 食 力 去 試 ,回 家 翻 看 Isaac 個 Blog 才 知 走 寶 ,原 來 魚 湯 係 用 咗 新 鮮 海 斑 去 熬 製 ,咁 落 本 真 係 坊 間 少 有 ,下 次 我 知 點 做 了 . . . 哼!



   健 談 隨 和 嘅 梁 輝 雄 師 傅 中 段 更 坐 低 跟 大 家 暢 談 食 經 ,獲 益 良 多 ,亦 深 深 佩 服 呢 位 大 廚 平 易 近 人 嘅 風 格 ,日 做 多 個 小 時 ,仍 不 忘 走 出 嚟 跟 每 枱 客 人 打 招 呼 ,不 時 更 會 親 自 堂 弄 有 唔 少 食 友 激 讚 嘅 蛋 白 杏 仁 荼 呢!今 時 今 日 有 咁 嘅 服 務 態 度 想 唔 多 熟 客 就 難。 


 
   鴛 鴦 糯 米 飯 ($200 / 4 件) 係 海 景 軒 嘅 招 牌 菜 之 一 ,更 喺 去 年 於 美 食 之 最【粉 麵 飯 組】中 奪 得 金 獎 ,賣 相 咁 靚 嘅 得 獎 菜 豈 能 不 試。



   鴛 鴦 糯 米 飯 嘅 頂 層 係 由 黑 糯 米 及 荔 芋 蓉 組 合 而 成 ,並 以 黑 松 露 、砵 酒 、糯 米 酒 等 多 種 配 料 去 製 作 ,外 香 脆 、內 鬆 軟。下 層 則 係 加 咗 火 腿 、雞 肉 粒、鹹 蛋 黃 、紫 米 、糯 米 等 煎 香 而 成 嘅 糯 米 雞 ,影 咗 咁 耐 相 至 食 都 依 然 熱 烘 烘 、又 軟 糯 ,口 感 一 流。


 
   狀 元 煎 茶 果 ($42 / 3 件) 又 係 海 景 軒 嘅 名 物 ,肥 嘟 嘟 嘅 外 形 一 睇 就 知 有 幾 足 料 啦!


 
 茶 果 蒸 完 再 煎 香 ,變 成 外 層 軟 糯 、底 部 微 脆 嘅 經 典 飯 後 "果" 。 



   狀 元 煎 茶 果 內 有 豬 肉 、菜 甫 、蘿 蔔 、花 生 、青 瓜 、蝦 米 等 配 料 堆 得 滿 滿 ,食 一 隻 都 飽 飽 哋 了。


 
   蛋 白 杏 仁 茶 
($40 / 位) 由 梁 師 傅 即 場 親 手 烹 調 ,旁 邊 食 友 跟 王 子 悄 悄 話 ,如 果 由 其 他 廚 師 去 弄 ,水 準 確 係 會 比 較 遜 色 ,望 住 大 廚 一 副 從 容 不 迫 嘅 模 樣 ,慢 工 出 細 貨 ,就 知 呢 道 甜 品 一 定 要 慢 煮 ,急 唔 嚟! 



 蛋 白 杏 仁 茶 熱 烘 烘 ,香 滑 甜 潤 ,一 碗 . . . 其 實 真 係 唔 多 夠 喉。 
  



   黃 糖 甜 腸 粉 
($44) 係 兒 時 到 酒 樓 必 點 之 甜 物 ,呢 個 充 滿 數 碼 嘅 年 代 都 好 難 搵 到「菲 林」了 ,而 用 黃 糖 製 成 嘅 黃 菲 林 就 更 少 見 ,甜 腸 粉 捲 得 多 層 又 夠 密 度 高 ,食 落 自 然 夠 晒 煙 煙 韌 韌 ,甜 度 適 中 又 唔 會 過 龍 ,好 味! 



   香 芒 糯 米 卷 
($42 / 3 件) 就 唔 怕 老 實 講 覺 得 麻 麻 哋 ,本 身 唔 夠 凍 ,內 裡 質 感 唔 夠 滑 ,芒 果 肉 亦 唔 夠 多 ,但 又 唔 係 唔 好 食 ,只 係 未 達 自 己 要 求 而 矣!

   但 整 體 嚟 講 ,係 值 得 出【王 子 推 介】印 章 ,我 一 定 會 好 快 再 約 朋 友 嚟 試 試 其 他 菜 式。

   喺 度 再 次 謝 謝 酒 店 及 兩 位 靚 女 公 關 嘅 熱 情 款 待 ,更 要 多 謝 梁 輝 雄 師 傅 喺 百 忙 中 抽 空 跟 我 哋 傾 餐 飽 ,係 王 子 今 年 試 菜 局 之 中 最 開 懷 嘅 一 餐。


 
 電 話 : 2731 2883           平 均 消 費 : $500 - $600 / 位 

 地 址 : 尖 沙 咀 麼 地 道 70 號 海 景 嘉 福 酒 店 B2 層
 

                         

 


上一篇: 麗景酒店 AVA Restaurant 半自助午餐

下一篇: 可口可樂 x Genevieve Gauckler x :CHOCOOLATE 寶盒


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,961,898
所有文章: 2,060
本日訪客人數: 2,468
累計訪客人數: 9,787,147