文章
相簿

↗ 九 龍

麗景酒店 AVA Restaurant 半自助午餐

不眠王子 於 2012年05月30日發表   人氣:889




     麗 景 酒 店 1 樓 嘅 buffet 食 咗 幾 十 次 ,Santa Lucia 亦 食 咗 唔 少 遍 ,Blog 都 出 過 幾 十 篇 ,食 到 可 以 同 酒 店 crossover 送 獨 家 優 惠 券 俾 一 班 捧 王 子 個 Blog 場 嘅 朋 友。

   我 好 懷 念 那 些 年 嘅 美 好 時 光 ,喺 1 樓 ,跟 每 一 個 侍 應 到 經 理 至 廚 師 ,熟 到 有 傾 有 講 ,上 到 38 樓 Santa Lucia ,無 一 次 晚 飯 唔 係 盡 興 到 半 夜 至 走。但 近 呢 一 年 ,真 係 無 乜 再 幫 襯 ,因 為 以 前 最 熟 嘅 一 班 ,差 不 多 走 剩 一 兩 個。而 家 再 去 ,當 然 無 人 知 我 係 乜 水 了。

   今 次 多 謝 好 友 KC 嘅 邀 請 ,跟 另 一 位 友 人 Isaac 兄 前 來 試 菜。王 子 唔 會 似 某 啲 人 咁 ,叫 殿 堂 食 家 帶 自 己 去 試 菜 ,跟 住 喺 Openrice 寫 話 自 己 係 店 方 邀 請 咁 cheap。今 次 兩 位 公 關 明 顯 唔 知 王 子 係 酒 店 嘅 熟 客 ,甚 至 未 聽 過 不 眠 王 子 個 名 (講 幾 句 就 feel 到),令 我 不 勝 唏 噓。




      去 年 Santa Lucia 大 變 身 ,內 部 豪 裝 兼 改 埋 個 名 ,叫 AVA Restaurant Slash Bar ,環 境 確 係 比 以 前 富 麗 堂 皇 ,但 就 少 咗 Santa Lucia 年 代 嘅 浪 漫 感 ,望 落 似 一 間 高 級 中 菜 廳 多 過 似 西 餐 廳 (枱 放 得太 密 了)。



     灰 色 牆 身 、灰 色 地 毯 、灰 色 梳 化 、灰 色 嘅 柱 . . . 巧 合 加 埋 灰 蒙 蒙 嘅 天 色 ,攪 到 個 人 都 灰 埋 ,感 覺 渾 身 不 自 在 ,以 前 嘅 木 色 作 主 調 ,實 在 高 貴 、溫 暖 得 多 ,同 意 嗎?



     AVA 上 過 嚟 兩 次 ,一 次 跟 朋 友 下 午 茶 聚 ,一 次 跟 雜 誌 做 訪 問 ,都 係 坐 到 咁 靚 嘅 VIP 房 ,唔 係 刻 意 事 前 book ,只 係 tea time 時 間 水 靜 鵝 飛 ,只 得 兩 三 枱 客 ,可 能 佢 哋 嘅 英 式 下 午 茶 訂 價 太 高 ,賣 相 又 唔 夠 吸 引 吧!

   不 過,呢 度 嘅 半 自 助 午 餐 質 素 都 唔 錯 ,我 哋 去 食 嘅 時 候 PR 話 係 星 期 一 至 六 $288 兩 位 ,但 篇 Blog 出 咗 無 耐 就 聽 到 朋 友 話 六 月 起 要 $298 兩 位 ,兼 且 只 供 應 星 期 一 至 五 ,而 星 期 六 就 加 到 $348 / 兩 位 ,抵 唔 抵 你 自 己 判 斷 好 了。頭 盤 及 甜 品 係 自 助 形 式 ,主 菜 就 6 揀 1 ,二 人 同 行 仲 送 海 鮮 併 盤 (有 埋 呢 個 都 幾 抵 嘅!)。每 人 俾 $170 就 可 以 嘆 個 咁 正 嘅 海 景 lunch ,係 尖 沙 咀 區 酒 店 嚟 講 算 係 合 理 嘅!




     最 討 厭 酒 店 嘅 麵 包 係 自 家 製 ,多 數 係 鬆 軟 好 食 到 停 唔 到 口 嘛!你 叫 我 食 包 好 定 留 個 肚 食 其 他 嘢 好 先?包 食 多 一 兩 片 就 好 易 飽 肚 架!



  頭 盤 陣 容 唔 算 少 ,呢 張 枱 只 係 其 中 一 part ,同 你 兜 個 圈 吧!


 
 巴 馬 火 腿 出 現 喺 lunch buffet 唔 多 見 吧?係 咪 開 始 有 抵 嘅 感 覺 呢?



 幾 款 cold cut 都 會 有 啲 配 料 襯 托 吓 ,增 加 美 感 、增 加 口 感。




 煙 吞 拿 魚 就 比 較 失 色 ,肉 質 乾 到 好 似 脫 咗 水 咁。


 
 沙 律 仲 可 以 自 己 custom made 添! 



      水 牛 芝 士 蕃 茄 賣 相 可 以 反 映 廚 師 心 態 ,點 解 唔 砌 靚 少 少 呢?Anyway, 蕃 茄 片 得 太 薄 了 ,你 會 想 像 到 ,跟 水 牛 芝 士 一 齊 食 結 果 會 係 點。 


     
    水 牛 芝 士 蕃 茄 蓉 反 而 有 驚 喜 ,茄 味 濃 又 夠 水 漾 ,配 法 包 、配 沙 律 甚 至 就 咁 食 都 咁 正。



     附 送 嘅 海 鮮 併 盤 絕 不 欺 場!幾 隻 蟹 腳 、半 打 生 蠔 再 加 幾 隻 凍 蝦 ,收 貨 有 餘 了。



     幾 隻 蟹 腳 、半 打 生 蠔 再 加 幾 隻 凍 蝦 ,保 持 到 一 貫 麗 景 嘅 質 素 ,以 前 寫 得 太 多 ,唔 需 要 再 讚 啦! 



 餐 湯 不 過 不 失 ,以 酒 店 標 準 只 能 講 算 係 合 格。



     KC 選 嘅 主 菜 係 野 菌 意 大 利 飯 ,賣 相 就 麻 麻 哋 ,但 KC 俾 咗 少 少 我 試 之 後 ,我 真 係 想 同 佢 講 添 飯 呀 唔 該!飯 粒 飽 滿 又 夠 creamy ,煙 煙 韌 韌 好 咬 口 ,而 且 飯 粒 中 透 出 濃 濃 嘅 野 菌 香 ,超 美 味。


 
   Isaac 選 嘅 主 菜 係 烤 雞 胸 配 玉 米 蛋 糕 伴 紅 淑 汁 ,但 嚟 到 卻 變 咗 雞 髀 ,感 覺 當 然 打 咗 少 少 折 扣 ,但 食 味 係 OK 的。


 
   我 就 選 咗 白 汁 扁 意 粉 配 美 式 辣 蝦 ,整 體 有 中 上 水 準 ,尤 其 是 蝦 肉 煎 得 香 口 彈 牙 之 餘 ,仲 滲 出 微 微 辣 感 ,相 當 惹 味。


 
    公 關 選 嘅 主 菜 係 扒 芝 士 火 腿 三 文 治 配 太 陽 蛋 及 炸 薯 條 ,一 份 好 靚 嘅 高 級 版 早 晨 全 餐。
 


 將 火 腿 、太 陽 蛋 、多 士 及 芝 士 同 焗 ,唔 食 都 估 到 有 幾 正。



      薯 條 炸 得 金 黃 熱 脆 脆 ,用 玻 璃 杯 盛 載 ,伴 以 天 然 陽 光 ,挑 唔 起 食 慾  . . . 才 怪。



      麗 景 嘅 甜 品 向 來 有 番 咁 上 下 水 準 ,實 而 不 華 ,賣 相 一 般 ,但 勝 在 好 食 ,所 以 主 菜 未 上 之 前 ,我 已 經 先 食 咗 一 round 了。  


 
 藍 莓 奶 凍 香 夾 滑 ,甜 度 亦 適 中。



 木 糠 布 甸 向 來 都 做 得 唔 錯。 



 Tiramisu 軟 滑 香 噴 噴 ,質 感 一 流 ,但 今 次 酒 香 欠 奉。 



  芒 果 奶 凍 香 甜 滑 溜 ,所 以 忍 唔 住 encore 咗 兩 次。



  Brownie 朱 味 都 幾 濃 ,唯 一 要 挑 剔 嘅 係 甜 咗 少 少。



 同 埋 唔 係 件 件 都 咁 靚 仔。



    朱 古 力 慕 絲 蛋 糕 分 到 細 細 件 係 聰 明 嘅 做 法 ,感 覺 無 咁 膩 ,又 可 以 試 多 啲 其 他 甜 品。



  朱 古 力 慕 絲 蛋 糕 朱 味 勁 濃 ,質 感 鬆 軟 ,好 好 味。



     栗 子 撻 細 細 粒 容 易 食 ,栗 子 蓉 軟 滑 香 甜 但 味 道 唔 會 太 濃 ,牛 油 撻 亦 夠 鬆 脆。



     Macaroon 正 到 我 過 往 都 經 常 到 酒 店 一 樓 買 盒 take away ,你 話 正 唔 正 呀?$160 嘅 lunch 有 得 任 食 鬆 脆 香 甜 嘅 macaroon ,去 邊 度 搵?



 葡 撻 . . . . 我 真 係 無 食 到 ,No comment。



  藍 莓 芝 士 餅 亦 無 食 ,因 為 個 賣 相 . . . 咁 囉!



 幾 款 曲 奇 ,只 試 咗 一 件 ,都 幾 鬆 脆 的。



  如 果 好 似 我 咁 食 到 3 round 十 幾 件 甜 品 ,都 差 唔 多 回 本 啦!



 電 話 : 3550 0262        平 均 消 費 : $298 / 兩 位 (星 期 一 至 五)
                                                       $348 / 兩 位 (
星 期 六)

 地 址 : 尖 沙 咀 赫 德 道 8A 麗 景 酒 店 38 樓

 


上一篇: 天際萬豪酒店 The Lounge 英式下午茶

下一篇: 海景嘉福酒店 海景軒 星廚盛宴


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,961,265
所有文章: 2,060
本日訪客人數: 1,835
累計訪客人數: 9,786,514