文章
相簿

酒 店 餐 飲 酒 店 Afternoon Tea

天際萬豪酒店 The Lounge 英式下午茶

不眠王子 於 2012年06月02日發表   人氣:4240




     睇 見 上 面 張 相 ,我 自 己 都 唔 想 再 寫 落 去 ,咁 正 嘅 afternoon tea set 每 位 $200 有 找 咁 抵?仲 等 乜 嘢?打 電 話 book 位 啦!
   
 
   王 子 近 期 多 咗 跟 朋 友 喺 酒 店 嘆 下 午 茶 ,發 現 一 啲 有 趣 嘅 體 驗 ,價 錢 越 貴 嘅 英 式 下 午 茶 唔 等 於 越 好 食 或 越 抵 食 ,文 華 東 方 如 是 、洲 際 如 是 、四 季 如 是 、半 島 亦 如 是 . . . 食 過 都 係 不 外 如 是 ,得 個 貴 字。多 人 讚 唔 代 表 真 係 咁 正 ,只 係 個 個 無 周 圍 去 其 他 酒 店 比 較 或 因 為 有 朋 友 喺 酒 店 工 作 而 盲 目「真 心」俾 10 個 讚 而 矣!

   平 均 每 位 $200 以 上 嘅 afternoon tea set ,王 子 仍 然 首 選 君 悅 酒 店 嘅 Tiffin ,4 個 月 已 先 後 幫 襯 咗 3 次 了。咁 平 均 每 位 $200 以 下 嘅 afternoon tea set 呢?

   王 子 首 選 位 於 東 涌 嘅 天 際 萬 豪 酒 店 
The Lounge  


     山 長 水 遠 走 入 去 東 涌 high tea?Why not?住 港 島 嘅 走 入 大 埔 、上 水 踩 單 車 摘 士 多 啤 梨 ,住 屯 門 、天 水 圍 嘅 走 去 中 環 、鰂 魚 涌 返 工 ,住 九 龍 嘅 走 入 長 洲 、大 澳 . . . 咪 一 樣 咁 山 長 水 遠。天 際 萬 豪 酒 店 係 一 個 high tea 嘅 好 地 方 ,去 到 東 涌 機 鐵 站 對 出 有 免 費 穿 梭 巴 士 往 返 酒 店 ,位 於 酒 店 大 堂 嘅 The Lounge 有 相 你 睇 ,地 方 大 、樓 底 超 高 、又 有 個 靚 靚 海 景 、侍 應 招 呼 又 好 ,嚟 呢 度 high tea ,學 李 嘉 誠 話 齋 ,真 係 心 曠 神 怡 呀!

   今 次 可 以 咁 嘆 ,要 多 謝 好 友 Meling ,佢 話 酒 店 公 關 請 佢 嚟 high tea ,第 一 時 間 想 帶 王 子 嚟 ,因 為 兩 位 公 關 都 好 靚 女 云 云!老 友 無 講 大 話 ,王 子 對 住 3 個 靚 女 high tea ,王 妃 姓 乜 都 唔 記 得 了。 
 



    最 重 要 係 價 錢 抵 到 想 即 刻 衝 入 嚟 嘛!英 式 下 午 茶 $288 / 兩 位 ,計 埋 加 一 圍 到 每 人 $160 有 找 ,而 且 亮 點 唔 只 係 英 式 下 午 茶 嘅 三 層 架 咁 簡 單。 



    英 式 下 午 茶 除 咗 三 層 架 夠 吸 引 ,Tea Menu 亦 一 樣 殺 死 人 ,40 款 茶 根 據 濃 度 及 罕 有 度 分 咗 6 大 類 ,單 係 凍 茶 都 有 8 款 選 擇 ,而 罕 有 茶 葉 亦 有 10 款 之 多 ,唔 少 仲 係 用 有 機 茶 葉 添!每 款 茶 旁 邊 更 有 茶 葉 及 茶 色 嘅 照 片 ,相 當 貼 心 呢!

   邊 間 酒 店 high tea 有 咁 嘅 茶 陣 先?仲 要 收 得 唔 貴 噃!




     Tea Menu 內 每 壺 茶 平 均 $45 至 $60 ,最 貴 一 款 則 要 $90,幫 襯 英 式 下 午 茶 ,每 人 可 以 揀 一 壺 $45 至 $60 嘅 茶 嚟 high tea ,咁 即 係 有 39 款 茶 俾 你 揀 啦!你 計 計 ,英 式 下 午 茶 $288 / 兩 位 ,假 設 你 跟 朋 友 都 係 揀 壺 $60 嘅 茶 ,$288 減 $120 ,即 係 個 2 人 tea set 只 需 $168。

   唔 飲 靚 茶 得 唔 得?得!可 以 問 侍 應 攞 個 drink menu ,奶 茶 、咖 啡 、檸 茶 自 己 揀 啦!不 過 ,王 子 都 係 推 介 你 飲 壺 靚 茶 吧!



    王 子 揀 咗 壺 $60 嘅 荔 枝 白 茶 ,茶 味 輕 怡 帶 微 甜 ,飲 幾 多 杯 都 咁 舒 服。  



     英 式 下 午 茶 賣 相 靚 到 呢 . . . 文 華 、洲 際 、四 季 、半 島 都 要 行 埋 一 邊 ,大 大 個 三 層 架 都 裝 唔 晒 ,英 式 鬆 餅 要 另 碟 上。 



     英 式 下 午 茶 三 層 架 有 多 達 22 件 美 食 ,最 頂 嗰 層 有 海 鮮 春 卷 、黑 松 露 雞 肉 餡 餅 、煙 三 文 魚 三 文 治 、巴 馬 火 腿 三 文 治 及 蛋 沙 律 酥 皮 撻。中 層 有 紅 桑 子 果 撻 、藍 莓 果 撻 、朱 古 力 蛋 糕 、檸 檬 栗 子 撻 配 士 多 啤 梨 威 化 及 兩 款 芝 士 餅。最 底 層 就 有 芒 果 紅 桑 子 朱 古 力 慕 絲 、朱 古 力 忌 廉 奶 凍 、脆 米 朱 古 力 及 macaroon 等。

   真 係 數 都 數 到 暈!


 
   鬆 餅 相 當 鬆 軟 ,牛 油 味 夠 香 濃 ,咬 落 去 唔 會 散 甩 甩 ,最 特 別 係 除 咗 有 忌 廉 及 士 多 啤 梨 醬 ,仲 有 芒 果 醬 俾 你 蘸 ,平 時 食 鬆 餅 只 會 咬 一 兩 啖 試 味 嘅 王 子 ,今 次 食 晒 一 整 個。



     巴 馬 火 腿 三 文 治 喺 好 多 酒 店 嘅 tea set 上 都 會 出 現 ,但 賣 相 咁 靚 嘅 又 有 幾 多 間 做 到?
 



     蛋 沙 律 酥 皮 撻 正 到 想 食 埋 Meling 嗰 件 ,個 酥 皮 香 口 酥 脆 到 不 得 了 呀!


 
 煙 三 文 魚 三 文 治 so fresh。 



 果 撻 無 食 到 ,反 正 知 道 唔 會 差 ,就 留 肚 食 其 他 了。 



    檸 檬 栗 子 撻 配 士 多 啤 梨 威 化 係 一 個 少 見 嘅 組 合 ,全 個 層 架 只 此 一 件 ,王 子 當 然 係 俾 lady first 啦 (喺 唔 捨 得 嘅 情 況 下)!



     芒 果 紅 桑 子 朱 古 力 慕 絲 一 次 過 試 到 3 種 口 感 ,芒 果 juicy 、紅 桑 子 微 甜 、朱 古 力 慕 絲 軟 滑 ,一 杯 . . . 唔 多 夠 喉。 



     朱 古 力 忌 廉 奶 凍 最 令 我 印 象 難 忘 ,朱 古 力 極 之 濃 稠 得 嚟 又 唔 會 太 甜 ,入 口 又 軟 滑 無 比 ,咁 朱 嘅 奶 凍 真 係 第 一 次 食 到。 



 
   脆 米 朱 古 力 做 到 成 粒 可 可 豆 (其 實 我 覺 得 好 似 隻 蕉) 咁 好 得 意 呀!但 tea set 只 得 一 粒 咋!咁 點 解 王 子 影 到 一 底 嘅?賣 個 關 子 先 啦!


 
 Macaroon 就 未 到 頂 級 水 準 ,但 都 合 格 嘅!  



     英 式 下 午 茶 只 供 應 星 期 一 至 星 期 五 ,下 午 3 點 開 始 ,可 以 慢 慢 嘆 到 5 點 半 架!

   咁 周 末 點 算 呀?可 以 試 吓 佢 哋 嘅 Tea Buffet ,一 樣 好 正 架!有 幾 正 呀?賣 個 關 子 先!
 


 
 電 話 : 3969 2685           消 費 : $288 / 兩 位 (只 供 應 星 期 一 至 五)  

 地 址 : 香 港 國 際 機 場 航 天 城 東 路 1 號 香 港 天 際 萬 豪 酒 店 大 堂


 


上一篇: 天際萬豪酒店 The Lounge 下午茶自助餐

下一篇: 麗景酒店 AVA Restaurant 半自助午餐


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,701,865
所有文章: 2,060
本日訪客人數: 1,447
累計訪客人數: 9,558,096