文章
相簿

→ 銅 鑼 灣

上海綠楊村酒家 食雕淮揚宴 姹紫嫣紅15道

不眠王子 於 2012年07月11日發表   人氣:1508



 
   早 幾 日 睇 飲 食 雜 誌 ,封 面 靚 到 殺 死 人 嘅 一 道 花 花 菜 式 勾 起 王 子 唔 少 回 憶 ,呢 餐 唔 係 試 菜 ,而 係 某 公 司 主 人 家 叫 王 子 安 排 嘅 一 場 15 人 飯 局 ,要 交 通 方 便 、坐 得 舒 服 、食 得 開 心 、Budget 喺 $300 左 右 唔 難 辦 到 ,但 要 食 出 驚 喜 至 係 高 難 度 動 作 ,王 子 近 年 跟 友 人 KC 及 Isaac 兄 兩 位 正 氣 食 家 (對!食 家 中 亦 有 邪 道 之 士) 經 常 結 伴 出 席 試 菜 飯 局 ,從 中 偷 到 唔 少 師 ,喺 度 要 多 謝 兩 位 亦 師 亦 友 對 王 子 嘅 指 導。

   飯 局 睇 中 
上 海 綠 楊 村 酒 家王 子 向 呢 兩 位 辦 開 大 型 飯 局 嘅 專 家 求 救 ,Isaac 兄 直 情 落 手 落 腳 幫 忙 ,跟 店 方 聯 絡 ,寫 埋 菜 單 ,實 在 感 激 不 盡。
 


   店 子 主 打 准 揚 菜 ,亦 有 供 應 香 港 少 見 嘅 食 雕 菜 式 ,呢 晚 10 道 菜 當 中 就 有 不 少 食 雕 菜 式 ,令 到 全 枱 嘩 聲 不 斷 ,食 得 盡 興!價 錢 貴 嗎?呢 餐 15 個 人 ,每 人 平 均 $300 左 右 ,係 咪 比 想 像 中 划 算 呢?尤 其 是 靚 到 絕 嘅 六 道 冷 盤 ,每 碟 都 係 $90 左 右 咋!

   明 明 標 題 寫 15 道 ,點 解 又 話 
10 道 菜?因 其 中 6 道 被 編 入 江 南 六 冷 盤 內 嘛! 

   以 下 菜 式 中 ,部 份 需 要 預 訂 ,而 冷 盤 嘅 價 錢 係 例 牌 價 ,人 多 去 嘅 話 可 以 向 店 方 查 詢 如 何 收 費。 
  



    先 來 江 南 六 冷 盤 ,包 括 宮 廷 富 貴 花 、紅 油 牡 丹 魚 、茶 燻 溏 芯 蛋 、老 酒 醉 雞 、蔥 油 海 蜇 頭 及 瑤 柱 豆 瓣 酥 ,全 部 一 口 氣 上 枱 時 ,嘩 聲 四 起。人 多 ,相 機 也 多 ,好 彩 冷 盤 無 需 趁 熱 食 ,可 以 慢 慢 影。


 
 人 多 ,小 食 都 有 兩 大 份 ,香 甜 脆 口 ,點 停 到 手? 


 
   宮 廷 富 貴 花 ($88) 以 冬 菇 作 莖 ,青 瓜 片 作 葉 ,花 花 由 醃 漬 蘿 蔔 捲 住 紅 椒 絲 而 成 ,全 部 都 食 得。先 唔 講 廚 師 刀 功 有 幾 神 乎 其 技 ,單 係 望 住 近 百 卷 "花 瓣" 所 砌 成 嘅 富 貴 花 開 得 咁 燦 爛 ,真 係 目 定 口 呆。一 想 到 廚 師 以 一 己 之 力 用 人 手 將  "花 瓣"  續 卷 續 卷 砌 朵 花 ,不 禁 肅 然 起 敬 ,呢 $88 絕 對 係 收 平 咗。



    蘿 蔔 椒 絲 卷 酸 酸 濕 濕 、爽 爽 脆 脆 兼 帶 微 微 辛 辣 ,必 然 醒 胃。唔 好 睇 份 量 好 似 好 多 ,十 幾 人 啄 吓 啄 吓 轉 個 頭 隻 碟 經 已 乾 乾 淨 淨。


 
   蔥 油 海 蜇 頭 ($90) 食 過 最 好 係 上 海 嘅 吉 士 ,香 港 呢?令 我 最 深 印 象 嘅 無 幾 多 間 ,呢 度 係 其 中 之 一 ,海 蜇 頭 滑 溜 爽 脆 又 惹 味 ,坦 白 講 ,我 有 信 心 一 個 人 食 晒 一 碟。     


 
   老 酒 醉 雞 ($115) 係 我 見 過 最 賞 心 悅 目 嘅 雞 ,雞 髀 拆 骨 起 肉 ,雞 皮 爽 脆 肉 嫩 滑 兼 帶 酒 香 ,當 然 食 得 過 癮 。老 酒 香 而 不 烈 ,唔 會 蓋 過 肉 嘅 鮮 味 ,比 平 日 食 嘅 醉 雞 更 討 人 歡 心。 



   紅 油 牡 丹 魚 ($88) 需 要 預 訂 ,桂 花 魚 本 身 無 乜 味 ,所 以 用 咗 多 種 配 料 混 合 而 成 嘅 紅 油 醬 抄 香 ,令 魚 肉 變 得 爽 口 惹 味 ,配 埋 爽 脆 木 耳 更 有 口 感。 


 
   瑤 柱 豆 瓣 酥 ($75) 係 賣 唔 起 錢 嘅 手 工 菜 ,師 傅 仲 將 佢 切 成 菱 形 砌 成 花 ,實 在 用 心 良 苦。豆 瓣 酥 嘅 濃 味 唔 係 人 人 接 受 到 ,個 人 覺 得 少 食 多 滋 味 ,一 件 起 、兩 件 止 便 夠 了。


 
   茶 燻 溏 心 蛋 ($15 / 隻) 賣 相 靚 到 呢 . . . 似 係 樹 上 有 鳥 巢 ,巢 內 有 數 蛋 ,蛋 上 有 隻 雀 媽 媽。唔 單 只 砌 得 靚 ,色 彩 配 搭 亦 一 流。

 
 鴨 蛋 夠 溏 心 ,外 滑 內 juicy ,亦 燻 得 夠 香 ,但 唔 會 太 濃 烈。

 
   文 思 豆 腐 羹 ($45 / 位) 相 信 無 邊 個 見 到 豆 腐 "花" 到 咁 會 唔 感 動 ,師 傅 刀 功 一 流 ,用 跳 刀 法 將 豆 腐 切 到 幼 如 髮 絲 ,一 啖 飲 落 去 ,豆 腐 似 有 還 無 嘅 感 覺 好 特 別。 


 
   千 丁 糯 米 肉 ($35 / 位) 係 以 五 花 腩 肉 釀 入 糯 米 後 攞 去 蒸 ,係 一 個 好 誘 人 但 又 充 滿 罪 惡 感 嘅 菜 式。  


 
 糯 米 滿 載 腩 肉 精 華 (包 括 豬 油),飯 粒 當 然 既 香 口 又 軟 糯。 


 
 而 肥 瘦 適 中 嘅 五 花 腩 肉 又 充 滿 糯 米 香 ,你 話 點 忍? 


 
   清 燉 獅 子 頭 ($48 / 位) 唔 係 唔 好 食 ,肉 味 亦 夠 鮮 ,只 係 相 對 其 他 鬼 斧 神 工 嘅 菜 式 ,顯 得 平 凡 咗 少 少。


 
 松 鼠 桂 花 魚 ($488) 出 面 唔 難 食 到 ,係 一 味 好 送 飯 嘅 菜 式。



 但 欣 賞 指 數 爆 燈 嘅 開 花 刀 功 ,就 唔 係 咁 易 遇 上 了。 

 

   香 酥 八 寶 鴨 ($388) 好 似 一 個 大 葫 蘆 ,比 平 日 見 開 嘅 有 腳 有 翼 版 本 可 愛。



      八 寶 鴨 用 新 鮮 鴨 炸 到 外 皮 酥 香 ,餡 料 亦 堆 得 滿 滿 ,切 開 時 熱 氣 騰 騰 ,散 發 出 濃 濃 香 氣 ,入 口 有 鴨 香 、蓮 子 香 、粟 子 香 、咸 蛋 黃 香 . . . 等「八」感 交 集。


 
   秋 葉 白 玉 盒 (無 價) 係 有 錢 都 未 必 輕 易 食 得 到 嘅 手 工 菜 ,要 再 次 感 激 Isaac 兄 出 手 幫 忙 ,至 有 福 氣 品 嚐 到 咁 Grand 嘅 菜 式。賣 相 靚 到 上 枱 時 除 咗 嘩 嘩 聲 嘅 連 續 讚 嘆 外 ,不 斷 聽 到 嘅 就 係 "好 靚 呀!" 3 個 字。



 快 快 手 求 其 影 兩 張 相 ,然 後 交 俾 侍 應 去 分 配 俾 各 人。 



     秋 葉 白 玉 盒 就 算 係 位 上 ,亦 一 樣 盡 顯 其 精 緻 ,大 碟 中 央 伴 以 大 量 爽 口 木 耳。到 咗 小 碟 時 ,木 耳 依 然 置 於 中 央 ,盡 見 侍 應 嘅 細 心 及 一 絲 不 苟。



     秋 葉 以 冬 瓜 去 雕 成 ,上 面 盛 滿 各 種 野 菌 、瑤 柱 絲 及 筍 絲 ,冬 瓜 清 甜 勁 juicy ,上 面 嘅 餡 料 份 量 多 到 滿 瀉 ,要 將 秋 葉 分 半 至 食 到。 



   白 玉 盒 係 將 冬 瓜 片 成 薄 到 透 明 嘅 皮 ,再 將 野 菌 包 成 餃 子 狀 ,你 諗 吓 難 度 有 幾 高。皮 係 冬 瓜 做 喎!仲 要 捲 住 配 料 喎!仲 要 埋 到 口 唔 會 一 舀 即 散 喎!味 道?仲 要 多 講 咩?當 然 喺 清 香 爽 口 啦!



     上 海 小 籠 包 ($12 / 件) 經 常 俾 人 誤 會 ,其 實 小 籠 包 可 以 係 鮮 肉 、亦 可 以 係 灌 湯 ,你 食 到 湯 汁 唔 夠 爆 瀉 ,唔 代 表 人 家 唔 正 宗。有 相 你 睇 ,呢 度 嘅 小 籠 包 隻 隻 都 摺 得 咁 靚 ,肉 鮮 夠 juicy ,水 準 有 番 咁 上 下。 



    灌 湯 生 煎 包 ($12 / 件) 寫 明 灌 湯 ,要 小 心 熱 呀!你 睇 個 個 包 做 得 幾 咁 工 整。



    包 身 相 當 軟 熟 ,底 部 煎 得 香 脆 ,包 內 上 湯 清 甜 夠 火 候 ,肉 餡 亦 鮮 味。比 起 得 個 貴 字 嘅 小 南 國 出 品 好 食 得 多 ,雖 然 好 飽 ,但 都 忍 唔 住 食 埋 多 出 嘅 一 個。  



     炒 手 拉 麵 ($18 / 位) 香 噴 噴 ,色 澤 均 勻 有 鑊 氣 ,食 落 亦 唔 覺 太 油 膩 ,無 奈 已 十 成 飽 ,只 能 食 小 半 碗。



 呢 晚 仲 一 直 有 熱 烘 烘 嘅 八 寶 茶 侍 候 ,清 甜 滋 潤 又 有 益。 



     要 喺 銅 鑼 灣 攪 飯 局 ,呢 度 真 係 相 當 唔 錯 ,望 住 十 幾 個 朋 友 影 得 興 奮 、食 得 開 心 ,亦 係 一 種 福 氣。 


 
 電 話 : 2881 6669                 消 費 : $300 - $330 / 位 

 地 址 : 銅 鑼 灣 告 士 打 道 280 號 世 貿 中 心 11 樓


                     

 


上一篇: 一風堂 尖沙咀店 七月限定「麵王」極新味拉麵

下一篇: The Mira 國金軒 加州葡萄酒 品味之旅


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,332,800
所有文章: 2,060
本日訪客人數: 2,250
累計訪客人數: 10,113,965