文章
相簿

→ 尖 沙 咀

一風堂 尖沙咀店 七月限定「麵王」極新味拉麵

不眠王子 於 2012年07月13日發表   人氣:644




     一 年 前 參 與 過 一 風 堂 的 開 幕 活 動 後 ,王 子 先 後 試 咗 幾 間 唔 同 風 味 嘅 拉 麵 店 ,就 連 一 風 堂 嘅 銅 鑼 灣 店 亦 去 過 了。但 我 幫 襯 得 最 多 嘅 ,始 終 都 係 佢 嘅 尖 沙 咀 店 ,個 人 覺 得 兩 間 店 嘅 拉 麵 喺 水 準 上 有 一 定 距 離。

   自 從 那 次 Blogger event 後 ,我 已 盡 量 唔 出 席 太 多 人 參 與 嘅 試 食 活 動。你 諗 吓 ,成 班 人 食 埋 同 一 樣 嘢 ,跟 住 喺 食 評 網 洗 版 咁 又 係 講 同 一 樣 嘢 ,睇 嗰 個 唔 悶 死 才 怪。公 關 明 白 王 子 意 思 ,於 是 專 登 隔 咗 幾 日 之 後 至 作 出 獨 立 邀 請 ,並 容 許 我 帶 多 個 朋 友 仔 赴 會。見 早 排 星 級 廣 告 人 Rudi Leung 喺 facebook 講 笑 咁 問 可 唔 可 以 跟 王 子 去 食 大 餐 ,咁 . . . 於 是 . . . 就 . . . 搵 埋 佢 去 試 拉 麵 大 餐 吧!巧 合 地 原 來 佢 係 
一 風 堂 中 環 店 嘅 熟 客 仔 ,咁 啱 晒 啦! 

   一 風 堂
 為 慶 祝 開 業 一 週 年 ,於 是 將 日 本 拉 麵 大 王 河 原 成 美 先 生 於 2007 年 獲 獎 嘅「麵 王」極 新 味 拉 麵 , 於 尖 沙 咀 店 作 限 定 登 埸 ,只 限 今 個 7 月 供 應 咋!

   而 店 內 仲 有 3 款 尖 沙 咀 店 獨 有 嘅 夏 日 限 定 小 食 ,供 應 期 去 到 九 月 底 止 ,我 哋 當 然 有 得 試 埋 啦!



 南 高 原 梅 酒 ($38) 係 公 關 所 點 ,無 試 所 以 no comment



 Asahi 啤 酒 係 Rudi 所 點。 


 
 紫 蘇 青 檸 特 飲 ($28) 味 道 酸 中 帶 紫 蘇 葉 嘅 甘 香 ,有 少 少 似 飲 Mojito。


   
   卡 邦 拿 風 味 菠 菜 沙 律 ($48) 於 爽 脆 菠 菜 中 混 入 芝 麻 醬 固 然 好 味 ,但 主 角 並 非 菠 菜 ,而 係 中 間 那 隻 溫 泉 蛋。



   溫 泉 蛋 唔 好 就 咁 食 ,而 係 將 蛋 黃 跟 菠 菜 撈 勻 一 齊 食 ,好 味 幾 倍 架! 



   自 家 製 叉 燒 卡 爾 柏 喬 ($55) 係 咪 唔 知 乜 嘢 係 卡 爾 柏 喬?即 係 Carpaccio 囉!全 名 即 係 薄 片 叉 燒 ,係 咪 即 時 明 晒 咗 呢?



   叉 燒 採 用 豬 肩 肉 部 份 ,半 肥 瘦 、質 感 比 豬 腩 肉 爽 滑 ,上 面 一 粒 粒 嘅 係 柚 子 果 凍 醬 ,點 食 法 最 好 呢? 



   將 薄 薄 嘅 叉 燒 捲 住 柚 子 果 凍 醬 及 洋 蔥 絲 ,然 後 整 件 放 入 口 ,至 好 味。



   脆 蝦 伴 沙 律 醬 ($63) 當 然 比 以 上 兩 款 限 定 品 更 吸 引 我 ,蝦 嘛!而 且 用 個 高 身 酒 杯 裝 住 上 枱 ,都 幾 高 貴。


   托 住 脆 蝦 嘅 脆 片 炸 得 金 黃 大 大 塊 ,但 我 無 試 到 ,唔 好 問 我 點 解。脆 蝦 半 打 加 咗 層 薄 薄 嘅 脆 粉 然 後 輕 輕 一 炸 ,所 以 一 咬 落 去 外 面 勁 鬆 脆 之 餘 蝦 肉 依 然 咁 爽 口。



    麵 王 極 新 味 拉 麵 ($108) 係 全 晚 嘅 主 角 ,除 咗 有 一 碗 得 獎 拉 麵 內 嘅 叉 燒 、溏 心 蛋 、香 脆 牛 蒡 絲 、黑 木 耳 及 香 蔥 ,仲 獨 立 附 上 骨 膠 原 凍 及 柚 子 胡 椒。你 會 估 到 唔 係 單 係 食 拉 麵 咁 簡 單 啦!

    呢 碗 拉 麵 唔 單 只 係 7 月 限 定 ,仲 要 係 每 日 限 定 只 賣 100 碗 ,星 期 一 至 五 ,只 會 喺 5 點 後 供 應 ,周 末 及 公 眾 假 期 就 會 由 早 上 11 點 半 開 始 發 售 ,寫 得 咁 清 楚 走 咗 寶 唔 好 賴 我。


 
   食 麵 王 ,都 要 分 開 四 個 層 次 ,好 巴 閉 噃!唔 知 點 開 始 先?唔 怕 ,有 齊 中 、英 、日 文 教 你 點 去 享 受 呢 碗 麵。


 
   先 食 啖 拉 麵 ,再 飲 啖 湯。拉 麵 比 較 硬 身 ,所 以 口 感 比 較 彈 牙 ,而 且 加 咗 小 麥 以 增 添 幾 分 香 味 ,湯 底 除 咗 豬 骨 ,仲 有 雞 湯 精 華 ,所 以 湯 味 香 濃 而 不 膩。

   輕 啖 淺 嚼 過 後 ,第 二 層 次 係 將 湯 底 內 嘅 一 層 茶 碗 蒸 蛋 整 散 佢 撈 埋 拉 麵 一 齊 食。



 
   第 三 層 次 係 將 帶 有 柚 子 精 華 嘅 骨 膠 原 凍 溶 入 湯 中 ,再 食 拉 麵 ,呢 個 層 次 係 我 嘅 至 愛。而 最 後 一 個 層 次 係 將 柚 子 胡 椒 加 埋 入 湯 底 ,但 個 人 覺 得 會 破 壞 咗 湯 底 剛 才 嘅 清 甜 感 覺 ,落 定 唔 落 自 己 決 定。


 
   話 明 麵 王 ,叉 燒 又 點 可 以 獨 沽 一 味?叉 燒 分 別 有 豬 肩 肉 及 豬 腩 肉 各 兩 塊 ,豬 腩 肉 又 相 你 睇 ,靚 到 呢 . . . 睇 得 到 嘅 嫩 滑 ,但 我 更 愛 豬 肩 肉 嘅 爽 口 感 覺 



   特 色 雪 糕 甜 品 ($33) 右 邊 係 檸 檬 雪 葩 ,而 左 邊 係 曲 奇 雪 糕 ,其 實 無 乜 特 色 ,不 過 兩 球 大 大 球 收 呢 個 價 錢 ,係 好 抵 食 嘅!


 
 電 話 : 2957 8893              平 均 消 費 : $150 - $190 / 位

 
地 址 : 尖 沙 咀 廣 東 道 30 號 新 港 中 心 2 樓 210 舖
 


 


上一篇: 迪士尼樂園 灰熊山谷 率先試玩

下一篇: 上海綠楊村酒家 食雕淮揚宴 姹紫嫣紅15道


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,129,476
所有文章: 2,060
本日訪客人數: 30
累計訪客人數: 9,937,458