文章
相簿

生 活 潮 物

WD My Passport 2TB 備份 ● 隨身篇

不眠王子 於 2012年07月24日發表   人氣:718




     王 子 試 product 向 來 出 名  . . . "慢" ,試 過 真 係 好 用 至 會 出 Blog 講 ,例 如 去 年 試 過 B 字 頭 嘅 平 板 電 腦 或 S 字 頭 嘅 相 機 ,唔 得 、唔 好 用 ,到 最 後 都 係 退 番 俾 代 理

   感 激 公 關 公 司 對 王 子 咁 容 忍 ,俾 我 慢 慢 試 WD : My Passport 嘅 2TB 可 携 式 硬 碟 ,試 咗 接 近 兩 個 月 ,吓?2TB?咁 咪 好 大 部?

   話 明 係 可 携 式 硬 碟 ,又 點 會 大 部 呢?


   點 解 王 子 會 有 興 趣 試 呢 部 機?因 為 有 實 際 需 要 囉!一 切 源 於 Yahoo Blog 搬 Blog 事 件,大 家 如 果 睇 開 Yahoo Blog ,都 知 道 去 年 10 月 搬 Blog 之 後 ,做 成 無 數 Bloggers 遺 失 大 量 Blog 及 相 片 嘅 慘 痛 事 件。

   坦 白 講 ,王 子 從 來 無 幫 電 腦 做 備 份 嘅 習 慣 ,但 自 從 一 次 死 hard disk 事 件 ,令 我 知 道 備 份 係 幾 咁 重 要。喺 度 要 多 謝 靚 女 好 友 Dotthy 嘅 幫 忙 ,因 為 Yahoo 搬 Blog ,王 子 一 早 估 到 會 有 不 快 事 發 生 ,所 以 搵 Dotthy 幫 王 子 買 一 部 最 有 質 素 嘅 大 容 量 外 置 式 硬 碟 ,然 後 將 去 年 10 月 之 前 嘅 千 幾 篇 Blog 作 一 次 備 份。

   今 年 4 月 ,王 子 有 過 千 篇 Blog 出 咗 事 ,唔 見 咗 大 量 相 片 啦 、數 以 百 篇 Blog 內 嘅 相 片 放 到 亂 晒 籠 啦!嗰 一 刻 我 真 係 好 心 痛 ,經 過 我 努 力 不 斷 跟 Yahoo Blog 嘅 編 輯 部 反 映 ,佢 哋 終 於 答 應 用 人 手 幫 王 子 續 篇 Blog 去 check ,將 啲 相 放 番 晒 入 Blog ,點 放 呢?

   王 子 係 帶 埋 部 外 置 式 硬 碟 親 身 上 Yahoo 總 部 ,然 後 俾 佢 哋 用 內 裡 嘅 備 份 資 料 以 人 手 放 番 入 我 堆 Blog 內 ,咁 你 話 備 份 係 幾 咁 重 要 呀!而 Dotthy 當 日 幫 王 子 所 買 嘅 一 部 有 質 素 嘅 大 容 量 外 置 式 硬 碟 ,正 正 係 WD 嘅 My Book Essential 3TB 版 本。

   所 以 當 公 關 喺 5 月 問 王 子 有 無 興 趣 試 WD 新 出 嘅
 My Passport 2TB 可 携 式 硬 碟 時 ,我 係 一 口 答 應。因 為 一 來 對 呢 個 品 牌 已 經 有 一 定 嘅 信 心 ,二 來 市 面 嘅 可 携 式 硬 碟 頂 盡 得 1TB 嘅 容 量 ,有 2TB 咁 大 容 量 暫 時 只 此 一 部。三 來 呢 部 可 携 式 硬 碟 真 係 細 部 到 可 以 帶 埋 去 旅 行 用。

   My Passport 資 料 : http://www.wdc.com/ch/products/products.aspx?id=640
 ,我 唔 會 copy & paste 當 係 自 己 寫 咁 唔 負 責 任 ,因 為 我 呢 篇 係 以 用 家 心 態 寫 嘅!唔 係 嗰 啲 屈 人 送 部 機 ,但 又 求 其 左 抄 右 抄 幾 百 字 press release 當 測 試 報 告 嘅 貪 心 Blogger。  


 
   My Passport 嘅 2TB 版 本 可 携 式 硬 碟 只 係 賣 $1820 ,而 size 只 得 一 隻 手 掌 咁 大 ,比 想 像 中 細 部 ,包 裝 盒 一 目 了 然 ,而 右 邊 係 公 關 俾 埋 王 子 用 嘅 超 正 原 裝 保 護 套。


 
  包 裝 盒 上 嘅 幾 個 標 纖 簡 單 易 明 ,包 括 提 供 超 快 嘅 USB 3.0 傳 輸 速 度 、自 動 備 份 、安 全 密 碼 鎖 、3 年 保 養 等。上 網 睇 過 ,部 機 仲 有 其 他 顏 色 機 身 ,但 2TB 版 本 就 只 得 黑 色 ,仲 好 ,王 子 like black 嘛!

   至 於 2TB 嘅 儲 存 容 量 有 幾 勁?
包 裝 盒 側 邊 寫 住 可 以 放 40 萬 張 相 或 50 萬 首 歌 或 240 部 電 影 ,細 細 部 機 身 可 以 有 咁 大 容 量 ,真 係 估 你 唔 到 呀! 

 
 
   My Passport 2TB 可 携 式 硬 碟 嘅 外 殼 採 用 咗 防 刮 及 防 指 紋 設 計 ,外 觀 上 俾 之 前 嘅 幾 個 型 號 都 靚 仔。



 而 且 喺 唔 同 嘅 燈 光 下 會 有 唔 同 嘅 感 覺。




 
   成 部 硬 碟 就 只 得 一 個 USB 3.0 連 接 埠 ,連 接 USB 2.0 亦 得。咁 點 攞 電 呀?經 USB 供 電 嘛!所 以 帶 去 旅 行 好 方 便 囉!


  
   My Passport 2TB 厚 度 只 有 21mm ,即 係 有 幾 厚?比 一 個 DVD 盒 厚 少 少 囉!



   王 子 近 年 去 旅 行 或 過 澳 門 嘅 時 間 多 咗 ,好 多 時 喺 外 地 一 日 要 影 幾 百 張 相 及 拍 幾 段 video ,為 咗 保 護 SD card 內 資 料 嘅 安 全 及 可 以 騰 出 更 多 嘅 空 間 去 作 第 2 日 嘅 拍 攝 ,一 部 可 携 式 硬 碟 對 我 嚟 講 非 常 重 要 ,影 完 相 ,夜 晚 返 到 酒 店 ,將 啲 資 料 放 入 notebook ,再 用 條 跟 機 嘅 USB 線 備 份 入 My Passport 內 ,就 可 以 安 心 去 瞓。



   My Passport 嘅 超 正 原 裝 保 護 套 ,打 開 至 知 原 來 係 一 套 三 件 ,方 便 喺 唔 同 嘅 場 合 使 用 ,最 頂 嘅 係 硬 身 保 護 套 ,右 下 角 係 有 暗 格 嘅 厚 身 保 護 軟 套 ,而 左 下 角 係 薄 身 嘅 索 繩 布 袋。 



   WD 嘅 官 方 facebook 專 頁 : http://www.facebook.com/WDHongKong 經 常 有 送 禮 遊 戲 玩 ,上 去 like 先。



   講 咗 咁 耐 WD : My Passport 2TB 都 無 講 太 details 嘅 用 後 感 嘅?試 多 一 個 星 期 至 詳 細 講 啦!睇 住 下 面 段 片 先。


 


上一篇: 澳門皇冠度假酒店 御膳房 花都 ● 嚐味

下一篇: Hullett House 隆濤院 午市 ● 點心放題


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,561,332
所有文章: 2,060
本日訪客人數: 1,423
累計訪客人數: 10,312,399