文章
相簿

澳 門 酒 店 ● 食

澳門皇冠度假酒店 御膳房 花都 ● 嚐味

不眠王子 於 2012年07月25日發表   人氣:1122


 


    上 個 月 王 子 有 幸 獲 澳 門 新 濠 博 亞 娛 樂 嘅 邀 請 ,極 之 寫 意 咁 享 受 咗 一 個 三 日 兩 夜 豪 食 之 旅 ,全 程 仲 有 好 友 Meling  KC 兄 結 伴 同 行 ,嚐 盡 新 濠 鋒 酒 店 內 多 間 高 水 準 食 府 之 餘 ,喺 頭 一 日 晚 上 更 由 專 車 接 送 ,到 同 一 集 團 旗 下 嘅 新 濠 天 地 皇 冠 度 假 酒 店 ,於 剛 剛 新 開 幾 個 月 嘅 fine dining 餐 廳 The Tasting Room by Galliot 御 膳 房 品 嚐 咗 一 頓 近 年 令 王 子 最 難 忘 嘅 華 麗 法 國 盛 宴。

   今 次 ,絕 對 要 出 王 子 印 章 ,因 為 無 論 環 境 、服 務 或 菜 式 ,王 子 真 係 要 俾 滿 分 ,喺 香 港 ,你 好 難 搵 到 一 間 餐 廳 ,格 局 富 麗 堂 皇 得 嚟 唔 俗 氣 、兼 有 一 個 靚 view 、兼 service 好 到 要 用 體 貼 入 微 去 形 容 、兼 每 道 菜 式 都 別 具 一 格 得 嚟 仲 充 滿 味 覺 享 受。

   好 誇 張 咩?就 當 王 子 呃 你 去 一 次 ,試 完 感 受 唔 到 以 上 所 形 容 嘅 水 準 ,即 管 返 嚟 話 我 知。



 
  御 膳 房 正 門 旁 邊 嘅 長 "酒 " 廊 充 滿 霸 氣 ,"酒" 廊 另 一 邊 (即 係 餐 廳 內) 原 來 係 客 人 嘅 休 息 區 (定 係 等 候 區 呢?) ,因 為 整 個 空 間 只 係 放 咗 幾 張 座 椅 ,枱 都 唔 見 一 張。  



 
   你 估 到 呢 度 係 乜 嘢 地 方 嗎?有 茶 几 、有 大 鏡 ,但 又 有 洗 手 盆 嘅?唔 通 . . . 係 呀!洗 手 間 嚟 架!寫 咗 千 幾 篇 食 評 ,影 洗 手 間 都 係 第 一 次 ,王 子 唔 係 變 態 到 去 洗 手 間 都 帶 埋 部 相 機 ,而 係 入 去 參 觀 完 之 後 ,忍 唔 住 攞 部 相 機 入 去 再 影 過。  


 

   御 膳 房 分 咗 3 個 區 域 ,正 門 入 去 嘅 左 手 邊 係 剛 才 所 講 嘅 休 閒 區 ,中 間 應 該 係 俾 食 客 飲 番 兩 杯 嘅 消 閒 區,吧 枱 後 有 個 多 用 途 酒 櫃 ,但 吧 枱 上 卻 一 隻 酒 杯 都 無 ,而 係 放 咗 好 多 朱 古 力 及 製 作 甜 品 嘅 配 料,後 嚟 至 發 現 ,甜 品 廚 師 正 正 係 用 呢 張 枱 為 客 人 堂 弄 甜 品 。  



 
    可 以 飲 番 兩 杯 嘅 消 閒 區 空 間 唔 算 大 ,只 可 容 納 20 人 左 右 ,但 景 觀 就 真 係 靚 到 唔 捨 得 走。講 開 飲 酒 ,今 個 月 開 始 ,到 御 膳 房 出 示「水 舞 間」貴 賓 區 或 A 區 門 票 ,可 以 免 費 品 嚐 由 總 廚 Guillaume Galliot 精 選 嘅 佳 釀 一 杯。 推 廣 期 去 到 8 月 31 日 咋!



 
   御 膳 房 嘅 核 心 區 域 係 一 個 獨 立 嘅 廣 闊 空 間 ,由 法 國 名 廚 Guillaume Galliot 主 理 ,餐 廳 前 身 其 實 叫 Horizons 尚 雅 坊 ,但 經 豪 裝 後 ,就 連 英 文 名 都 索 性 叫 The Tasting Room by Galliot ,可 見 總 廚 喺 酒 店 嘅 地 位 有 幾 超 然。

  
 

   Chef Guillaume 曾 被 有「都 市 旅 遊 聖 經」之 稱 嘅 Time Out 雜 誌 評 為 年 度 最 傑 出 法 國 名 廚 ,當 晚 有 幸 一 見 ,感 覺 名 廚 無 半 點 架 子 之 餘 ,仲 相 當 之 nice 咁 跟 大 家 打 招 呼。  



 
   御 膳 房 嘅 心 臟 地 帶 跟 其 他 兩 個 區 域 嘅 格 局 截 然 不 同 ,樓 底 高 ,空 間 感 十 足 ,色 調 充 滿 貴 氣 得 嚟 又 唔 會 帶 有 俗 氣 ,枱 與 枱 之 間 亦 有 一 定 嘅 距 離。 



 
唯 一 感 覺 有 少 少 怪 嘅 係 呢 張 超 長 梳 化 ,配 張 圓 枱 好 似 唔 多 襯。


 

    Fine dining 都 係 靠 窗 坐 最 有 feel ,望 出 去 個 夜 景 ,第 一 個 感 覺 有 少 少 似 上 海 嘅 外 灘。 



 
   張 相 無 加 工 過 架!望 住 其 他 巨 無 霸 級 酒 店 晚 上 所 發 出 嘅 耀 眼 光 芒 ,就 更 加 有 都 市 閒 情 嘅 感 覺。


 

    Tasting Menu 、散 點 餐 牌 、甜 品 餐 牌 及 酒 類 menu 用 唔 同 嘅 顏 色 去 區 分。


 

   某 啲 特 別 日 子 ,仲 會 有 獨 立 餐 單 預 早 俾 食 客 方 便 訂 枱。香 港 嘅 朋 友 點 算?上 官 方 facebook http://www.facebook.com/TTR.CityofDreams 啦!圖 文 並 茂 ,Update 得 好 密 架!

   你 或 會 發 現 ,喺 一 間 咁 高 級 嘅 食 府 消 費 ,竟 然 無 想 像 中 咁 貴 ,午 市 套 餐 竟 然 MOP$200 就 有 交 易。香 港 租 貴 嘛!同 級 嘅 餐 廳 喺 香 港 ,埋 單 分 分 鐘 要 俾 多 30% 以 上。
 



 餐 廳 叫 得 御 膳 房 ,所 用 嘅 餐 具 當 然 有 番 咁 上 下 品 味 啦!  


 

   餐 具 當 中 ,竟 然 有 法 國 Forge de Laguiole 嘅 純 手 工 製 牛 扒 刀 ,你 知 道 呢 個 經 典 品 牌 嘅 刀 具 等 閒 要 千 幾 甚 至 要 幾 千 元 一 把 嗎?



 
   澳 門 絕 大 部 份 酒 店 嘅 麵 包 籃 都 係 相 當 乞 人 憎 ,食 得 多 會 飽 ,但 一 食 又 會 停 唔 到 口 ,令 人 矛 盾 到 爆。呢 度 嘅 麵 包 亦 唔 例 外 ,軟 熟 得 嚟 有 彈 性 ,直 情 要 用 新 鮮 去 形 容。我 哋 3 個 當 晚 竟 然 將 一 大 籃 麵 包 清 晒 ,好 討 厭 呀! 



 
 先 嚟 頭 盤 ,咦?迷 你 蕃 茄 撻 伴 咖 喱 魚 蛋?你 唔 好 儍 啦!



 
   炸 羊 奶 芝 士 波 影 完 相 都 仲 係 熱 辣 辣 ,外 微 脆 、內 裡 爆 juicy 兼 芝 味 超 濃 ,我 真 係 好 想 食 夠 一 串 呀!



 
  蕃 茄 魷 魚 小 薄 餅 最 難 得 係 魷 魚 一 啲 都 唔 韌 ,成 件 放 落 口 ,甜 甜 哋 幾 好 咬 口。  


 

 塔 斯 曼 尼 亞 生 蠔 伴 魚 子 醬 點 只 新 鮮 咁 簡 單。


 

   生 蠔 唔 算 肥 美 ,但 食 得 出 即 開 嘅 鹹 鮮 感 ,配 埋 甘 香 嘅 魚 子 醬 ,真 係 鹹 鮮 對 鹹 鮮 呀!  


 

   油 封 加 拿 大 龍 蝦 伴 香 煎 鵝 肝 (MOP$588) 一 出 場 已 經 充 滿 神 秘 感 ,個 半 透 明 嘅 波 波 內 有 乜 東 東 呢?



   
龍 蝦 、鵝 肝 加 埋 羊 肚 菌 ,全 部 係 矜 貴 嘅 食 材 ,上 面 仲 要 加 幾 塊 大 大 片 金 箔 ,覺 得 自 己 食 都 食 得 浮 誇 過 人。


 

   配 合 又 滑 又 有 蛋 香 嘅 有 機 燉 蛋 ,感 覺 就 好 似 食 緊 富 貴 版 嘅 茶 碗 蒸 一 樣。



 
溫 馨 提 示 : 金 箔 係 無 法 消 化 之 物 ,不 宜 多 吃。



 
侍 應 放 咗 個 精 緻 小 木 盒 喺 枱 面 轉 轉 吓 ,轉 乜 東 東 呢?



 
原 來 係 用 嚟 將 黑 胡 椒 、白 胡 椒 等 幾 種 胡 椒 即 時 磨 成 粉 末。 


 

   煎 大 西 洋 海 鱸 魚 伴 香 辣 地 中 海 雜 菜 (MOP$488) 靚 到 好 似 件 藝 術 品 咁 ,唔 好 以 為 件 魚 size 好 細 呀!其 實 係 隻 碟 超 大 咋!


 

   以 前 有 個 大 廚 教 王 子 睇 魚 皮 去 分 辨 野 生 及 養 殖 嘅 鱸 魚 ,我 可 以 話 你 知 ,呢 件 鱸 魚 係 用 野 生 嘅 貨 色。魚 皮 煎 得 香 脆 ,魚 肉 鮮 味 嫩 滑 到 入 口 即 溶 ,廚 師 少 啲 功 力 及 耐 性 都 煎 唔 到 咁 嘅 水 準 架!。



   
法 國 乳 鴿 拼 盤 伴 "阿 拉 比 卡" 咖 啡 汁 及 菠 菜 忌 廉 (MOP$438) 見 到 個 名 係 咪 覺 得 一 頭 霧 水 呢?王 子 夠 膽 講 ,呢 道 菜 係 我 一 世 人 食 過 最 有 特 色 、最 好 食 嘅 乳 鴿。大 廚 用 上 等 Arabica 咖 啡 豆 煮 成 汁 ,再 用 個 汁 將 乳 鴿 慢 煮 至 半 熟 ,鴿 肉 色 澤 嫣 紅 ,滲 出 濃 濃 咖 啡 香 ,肉 質 嫩 滑 到 不 得 了 . . . 係!係 嫩 滑 得 好 緊 要。

   一 世 人 點 都 要 試 一 次 ,尤 其 是 有 食 開 乳 鴿 嘅 朋 友。 



 
  精 彩 絕 倫 嘅 幾 道 主 菜 過 後 ,健 談 又 知 識 豐 富 嘅 侍 應 (好 奇 怪 ,餐 廳 內 每 個 侍 應 都 對 餐 牌 上 嘅 所 有 菜 式 瞭 如 指 掌 ,強 到 嚇 親 我。) 推 出 Cheese Platter 餐 車 到 我 哋 身 邊。   



   
芝 士 可 以 任 揀 3 款 ,我 好 少 將 芝 士 就 咁 食 ,俾 朋 友 揀 就 算。留 啲 位 去 食 甜 品 嘛!   


 

 意 式 菠 蘿 小 雲 吞 配 鮮 雜 果 雪 芭 (MOP$118) 賣 相 靚 到 絕。 



   
雲 吞 皮 包 住 菠 蘿 肉 ,上 面 加 球 雪 芭 ,一 件 簡 單 嘅 甜 品 ,只 要 肯 花 少 少 心 思 ,創 作 一 個 別 緻 嘅 做 型 ,便 可 以 令 人 印 象 難 忘。

   香 港 就 係 缺 乏 咁 有 創 意 嘅 甜 品 廚 ,話 你 知 ,呢 度 嘅 所 有 甜 品 其 實 係 由 一 個 後 生 女 甜 品 廚 單 人 匹 馬 精 心 製 作 ,王 子 跟 KC 喺 佢 旁 邊 不 斷 影 甜 品 嘅 製 作 過 程 ,但 佢 依 然 可 以 氣 定 神 閒 好 專 注 咁 去 工 作 ,佩 服!



 
冰 冰 凍 凍 酸 酸 甜 甜 只 可 以 形 容 佢 嘅 味 道 ,口 感 係 難 以 形 容 咁 特 別 , 意 式 雲 吞 嘅 口 感 ,但 食 落 係 一 件 甜 品 ,多 過 癮! 



 
  意 式 菠 蘿 小 雲 吞 配 鮮 雜 果 雪 芭 最 好 係 整 件 放 入 口 ,唔 好 分 開 食。王 子 唔 係 分 開 影 ,只 係 上 碟 前 ,走 咗 去 甜 品 枱 影 製 作 過 程 時 影 到 
意 式 菠 蘿 小 雲 吞 未 加 鮮 雜 果 雪 芭 前 嘅 形 態 咋!



   御 膳 房 特 色 朱 古 力 卡 貝 奇 諾 (MOP$88) 睇 完 張 相  . . . 你 都 未 必 知 卡 貝 奇 諾 係 乜 東 東 ,
卡 貝 奇 諾 者 Cappuccino 也 . . . 吓?Cappuccino?邊 度 呀?

   潮 流 興 3D ,甜 品 廚 亦 將 cappuccino 3D 化 . . .
  



 
先 將 咖 啡 製 成 慕 絲。



 
再 將 奶 泡 打 成 厚 厚 嘅 cream。



 
再 配 合 埋 自 家 手 打 嘅 朱 古 力 雪 糕 及 朱 古 力 脆 脆 一 齊 食 ,你 就 會 "食" 到 一 杯 味 道 似 到 十 足 十 嘅 Ice Cappuccino 架 啦!


 

   朱 古 力 香 蕉 千 層 配 可 可 雪 芭 (MOP$108) 真 係 由 頂 朱 到 落 底 嘅 朱 古 力 甜 品。


 

 頂 層 一 球 可 可 雪 芭 嘅 濃 度 拍 得 住 awfully chocolate 嘅 出 品。  



   
唔 同 口 感 、唔 同 濃 度 嘅 朱 古 力 層 中 間 夾 咗 幾 片 香 蕉 ,可 能 係 用 作 中 和 之 用。咁 朱 嘅 拿 破 崙 雖 然 超 好 食 ,但 一 個 人 食 確 實 係 幾 膩 吓 ,同 朋 友 share 會 好 啲! 



 
  Petits fours 睇 得 出 係 花 盡 心 思 ,極 之 精 緻。無 論 形 狀 、擺 位 都 明 顯 諗 過 度 過 ,你 數 到 得 3 款 小 甜 點?第 4 款 呢?原 來 喺 喺 玻 璃 碟 下 面 喺 細 碟 上。



 
  享 受 完 咁 豐 富 嘅 法 國 盛 宴 ,按 道 理 應 該 飲 杯 熱 咖 啡 ,我 卻 要 咗 杯 Earl Grey ,因 為 太 飽 ,想 中 和 吓 嘛!



 
   茶 應 該 係 用 TWG 嘅 出 品 ,成 餐 飯 由 頭 到 尾 都 超 滿 足 ,所 以 我 哋 食 足 三 個 小 時 至 捨 得 離 開 呢!


 
 電 話 : (853) 8868 6681       平 均 消 費 : MOP$1200 - MOP$1500

 地 址 : 澳 門 氹 仔 新 濠 天 地 皇 冠 度 假 酒 店 3 樓

                   

 


上一篇: 長浜No.1拉麵 福岡人氣長龍店 真正博多風登陸

下一篇: WD My Passport 2TB 備份 ● 隨身篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,404,666
所有文章: 2,060
本日訪客人數: 2,391
累計訪客人數: 10,180,437